انتقام الامبراطوره "جحيم الانتقام " (مكتمله)

"الحلقه الخامسه و العشرون"

الحلقه الخامسه و العشرون من انتقام الامبراطوره جحيم الانتقام للكاتبه نور عصام...

☆بسم الله الرحمن الرحيم☆

_________________________________________

كان الجميع مثل الصنم لم يستعوبو ما قيل امامهم الآن كل شيء مثل الوهم مثل الحلم كان ما يمكن سماعه صوت نحيب "ادهم" و شهقات "فادي" المرتفعه..
اما تلك التي هي السبب في كل ذالك كانت تقف بصمت دون أي حركه ولا حتى تأثر ...

اكمل "ادهم" حديثه قائلا وهو يمسح دموعه و ينهض ..

- لا لا دا اكيد كدب اكيد هما عاوزين يوقعو بينا اكيد عشان يبانو هما المظلمون اكيد اكيد...

كان بكلماته يقنع نفسه ويتحدث بتوهان ... التفت إلى "منال" قائلا ..

- متقولي الحقيقه قولي انهم كدابين قولي انا والله هصدقك قولي بالله عليك تنطقي..

صمتت وهي تنظر له بوجه خالي من المشاعر ليتحدث "عبدالرحمن" بكره و اشمئزاز...

- ساكته ليه ولا هتكدبي كمان ولا إيه.. للأسف انتي تعملي اكتر من كده معملتيها زمان برضو بس ربنا ستر مع واحده لكن التانيه....

صمت و اغمض عينه متألما و اكمل..

- ردي على اخوكِ و قوليله انك انتي اللي دمرتي حياته و انتي اللي ضيعت حبه و بهدلتي بناته انطقي...

تحدثت بغضب و قوه ...

- ايوه انا اللي عملت كده ايوه.. وما اللي عملت كده في ليل و ريان و حتى أوس ايوه...

كانت تتنفس بعنف و "ادهم" ينظر لها بزهول لم يرى شيطانها من قبل ولا قسوتها تلك ..

نظرت لها "ليلى" بزهول قائله..

- ليه قتلتلي فاطمه ليه كب هي عملتلك إيه؟؟ و ليل ليه تعملي فيها كده و فضحتيها و ضيعتي شرفها ليه؟؟

- لأن ماجد كان بيحبها هي هي بس رغم انه كان حقير و دنئ لكن محبش غير فاطمه و مكنش قادر يستغنى عنها عشان كده كان عينه منك لأنك شبها .. فهمني انه طلقها و بعد كده عرفت انه كدب و انه لسه متجوزها و كمان حامل.. بعت عشان ياذوها او يضربوها لكن هما قتلوها...

- قصدك بعتيهم ليها عشان يغتصبوها عشان تكسريها و تموتيها بقهرتها.. كل تفكيرك بالشكل ده في الأعراض و الشرف مش كده .. اتفوه عليك يا و***..

سبتها "ليلى" بأبشع الألفاظ ... لينظر لها أبنائها بكسره و تحدث "فادي" بقهر ..

- ياريتني كنت ياتيم او حتى لقيط او ابن حرام احسن مكون ابنكم انا بكرهك و بكره اني انتي امي و انا ابنك بكرههههك ..

تحدث ابنها الثاني "عمر" مكملا ...

- انا بجد بتمنى اني كنت موت انا بجد بكرهك و بكرهو كسرتونا ابعدي عن حياتنا ابعدي ..