انتقام الامبراطوره "جحيم الانتقام " (مكتمله)

" الحلقه الحاديه عشر "-2-

الحلقه الحادية عشرة -2- من انتقام الامبراطوره

☆بسم الله الرحمن الرحيم☆

________________________________________________

تحدث "فادي" بحماس و صوت مرتفع :
- يا اهل المنزل اجتمعوووو

نزلت "جاسمن" وتجمع الخدم جميعا ليقف بينهم وهو يتحدث بساعده مفرطه :
- وبعد طول انتظار وأخيرا... هتجوز بعد اسبووووع..

- يا اهبل يا ابن الهبله.. منتى متجوز ..

قالتها "صافي" بزمجره وهي ترمقه بغضب ، ليردف هو بضيق :
- ليه الغلط بس ... وبعدين انا كاتب كتابي بس انما الفرح لسه ..

نهضت "صافي" بصدمه واقتربت منه وهي تتحدث بصدمه وهي تحرك كتفه :
- اوعى تقولها عبد الرحمن اخيرا وافق
لقد هرمنا من أجل هذه اللحظه يا رجل ...

ختمت كلامها وهي تضمه تحت ضحكات الجميع...

اقترب منه الجميع وبارك له وخاصه "ياسين" الذي شعر بفرحه لا مثيل له وكأن ابنه من صلبه اللذي سوف يتزوج

وطبعا هذا كله تحت خجل تلك البريئه "ميار" وتحت غيظ الشيطانتين الذي لا يحبون الفرح لأحد...

بعد وقت جلس الجميع ليتحدث "ياسين" :
- وانتو ناوين تعيشوا فين بقى ..

"فادي" :
- انا هشوف شقه كده نعيش فيها..

- وشقه ليه ما جناحك موجود زيك زي عمر و كريم ..

- مافيش داعي يا خالو انا هشوف شقه وخلاص ...

كان ل رفض "فادي" ل عرض "ياسين" اسباب عده و اولهم "منه" اللتي لا تفعل شيء في حياتها سوى مضايقه والعند مع "ميار" و دائما تحزنها ...

مال عليه "كريم" هامسا له :
- احم بقلك إيه وافق على عرض بابا احسن ما تعيش عند حماك العزيز سعتها ادي دقني لو عرفت تقعد معها ثانيه واحده يابص فوافق احسلك ... ماهو عبد الرحمن مش هيخليك تتجوز بعيد فأحسن وافق تعيش هنا ...

نظرله "فادي" بتفكير فقطع تفكيره صوت "صافي" :
- بتتودودو في إيه منك ليه ...

- لاء ابدا يا صافي مافيش...

همس "فادي" له بسرعه :
- منتى عارف منه .. مش هقدر استحملها...

- معلش كلنا هنا وانا هكلمك ادهم وفك بقى...

نظر "فادي" ل خاله :
- تمام يا خالو .. انا موافق

- حلو قوي ويا سيدي العفش كله مني هديه ... واياك تعترض فاهم ..

وقبل ان يتحدث "فادي" تحدثت "ميار" بخجل :
- شكرا يا خالو بس انا و ماما كنا شاريين حجات كتير حلوه قوي وانا عوزه افرشها..