نروحو عند ادهم و سارة كانو قاعدين فالصالة تاع القصر .. سارة : وش قالك ؟ هدرت معاه ! ادهم : وي متقلقيش روحك راهي معاه سارة بينها وبين روحها : الفرخة ماحكات ماقالت ، من وينتا تخبي عليا .. ادهم : كاشما قلتي ؟ المهم خلينا منهم ... عندي ليك خبر قنبلة سارة : ازرع ينبت ادهم : راني جاي نخطب ساة : شكون ادهم : كاميليا السكرتيرة سارة : وشنو وشنو ! عاود واقيل مانيس نسمع مليح ! ادهم : كاميليا سوطات عليه حكماتو من وذنيه تهدر و ترص على سنيها سارة : الخطرة الجاية كي تحب تطلق سماطتك متجبدش المستقبل تاعي و تاع ولادي راك فاهم ولا نعاود ؟ ادهم : هاذي لازم نخمم فيها سارة : منا لوين يصدر القرار تاعك راك تحت التهديد .. ادهم : امنتي نتي تان ، غير نتي لي نديك و ولادي مايكونو غير منك ... سارة : هادي باينة يا نديك انا يا يديك ربي .. ادهم : خلاص ماتحلالكش ، كي نصيب فرصة نفاتح بابا فالموضوع ... سارة : مدابيك تزرب ، راك عارف السوق معمر .. انا نخليك نروح نرقد بونوي .. ادهم : وليتي تهدري بالمعاني .. رمى عليها المخدة لي كانت في يدو عاودت ردتهالو و رماتلو بوسة فالسما ... _____________________ صباح جديد عند جاد و منار ... لحقتها الفاليزا تاع حوايجها .. راحت لبست هكا (بحكم نهارهم فالدار)
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
هبطت لي للصالة لقاتو قاعد يخرب فالبيسي باين راهو يخدم تركيزو كان كلو فيه .. شعلت التيليفيزيون لقات فيلم خلاتو و تكسلت ، بعد مدة قليلة جاعت كرشو طلع راسو لقاها مندمجة معاه ، للحضة غاس فيها و ضعف قدامها كيما أي مرة ، بصح هاذ المرة غير الغوز جاها بزاف شباب خصوصا مع عينيها الخضر و شعرها الشاتان الكلاغ ، فطن كي شهقت من الخوف جاد بينو و بين روحو : تبانلي طحت على راسك جاد و ما ادراك جات فرخة قدها خلاتو يسرح في تفاصيلها .. جاد : بسسس منار : اممم جاد : راني جيعان منار بلا ماتنحي نضرها مالتيفي : هاهيك الكوزنية روح تاكل جاد : تعرفي طيبي ؟ نوضي ديريلنا حاجة ناكلوها ... منار : أكيد راك تتمسخر .. جاد : لالا راني من نيتي منار : امم نعرف ندير حاجة بصح مانيش عارفة الا تعجبك .. جاد : يا لوكان سم من عندك معليش ... قالها بلا ما يحس تلقائيا ستغرب من روحو و من هدرتو لأول مرة يهدر بلا مايدير حساب ولا يوزن كلامو .. ولاحظ علامات التساؤل في وجهاها و كأنها تطالب بتفسير لواش راهو يقول ..حاول يدارك الامر اكيد وهو محافظ على تعابير وجهو المعتادة ... جاد : قصدي نذوقوه حتى لوكان ماشي بنين .. منار : اوكي نشوفها ... جاد : متقتليناش منار : لالا متخافش مزال الحال نخليك تتعذب قبل خسارة فيك الموت بالساهل .. جاد : همم الا قدرتي .. منار : انا نروح خير جاد : رانا نستناو .. كمل خدمتو على 12:30 عيطتلو للكوزينة راح لقاها مقلوبة نوعا ما ، شاف فالطابلة لقاها دايرة رشتة جزائرية .. منار : الصح فالبنة جاد : كنت حا نقولها بصح وين جبتي الرشتة ؟ منار : سر المهنة ، دوك كول و قولي الا مليحة ... جاد : نشهد ولا مكلاه منار : بففف سامط .. قال بسم الله و بدا ياكل ، الطبسي ماخلا فيه والو .. جاد : والله كنت غالط فيك وانا الخطرة لي فاتت فالحفلة لي يجي يقولي عليك نقولو مزالها صغيرة منار : هه بداو يخطبو ؟ جاد : ميهمش ، وش تعرفي ديري من غير الرشتة ؟ منار : كسكسي ، شخشوخة ، عصبان و بوزلوف يعني الاطباق التقليدية .. جاد : هه و شكون علمك منار : فاتي جاد : ؟ منار : خالتي فاطمة مسؤولة الخدم تاع القصر ... جاد : او مليح .. سارة تعرف ؟ منار : يعني ، ماشي مهتمة بعفايس كيما هاذو ماشي جوها .. جاد : اوكي منار : اوكي انا نلم الطابلة ونجي نشوفو فيلم بالاك ترقد 🔪
جاد : اوكي راني نسنا مطوليش .. - خملت الكوزينة و وجدت شوية تبناج و سقايط ، راحت ليه ... منار : ديرلنا فيلم رومنسي .. جاد : اوكي ، بصح خيري منار : اممممم .. هادا .. جاد دارو و ناضت دارت الضلمة ... كل ماجي لقطة رومنسية تبدا تضحك وحدها ، حتا جاد توسوسلها ... جاد : راكي تبانيلي manque منار : والله راهو حاكمني جفاف عاطفي ، يارب العالي ملي نشفا لروحي مخرجتش و ماصاحبتش .. جاد : منيتي jamais خرجتي .. منار : والله jamais درت واحد جاد : حكايات فارغين ونتي مزالتي صغيرة .. منار : ماشي صغيرة لهاذيك الدرجة .. جاد : هه و دوك وش نديرو يالكبير منار : خرجني شوية مالصباح وهي في قلبي .. جاد : اوكي و استري روحك بلا منعاود الهدرة ... منار : تقول راك عاقد عليا جاد : مالا مافيهاش منار : خلاص فهمنا جاد : متبطايش ... لبست
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
