بما أنو لحقو صباح بكري جوايه 4 صلاو صلاتهم و رقدو ديراكت ... عند منار و جاد لي ناضت قبلو بدلت حوايجها لبست 👇🏻
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
طيبت فطور خفيف و راحت تنوض جاد لي هبلها باش فطن ... منار وهي تحط فالطبسي الاخير فوق الطابلة : صباح الخير حبيبي .. جاد : صباح الحب و الورد و الياسمين منار : هه تبانلي راك فرحان جاد : و لي يصبح على وجهك مايفرحش ؟ منار : امم يفرح يفرح جاد : et oui دارت ليه تهدر و تسقسي فيه بيديها .. منار : بما انو ريحنا و راح نفطرو ، راك تخمم نخرجو؟ جاد : حا نخليك هنا فالاوتال مثلا ؟ منار بفرحة : يااي وين نروحو ؟ جاد : بحر ؟ ولا بيسين خير ؟ منار : اه لالا بيسين تكون معمرة بهادوك دوك .. جاد : بهادوك ؟ اه صايي فهمت منار : واش فهمت ؟ جاد : والو منار : والو ؟ جاد : نقولك ، تغيري ؟ منار : من واش حا نغير زعما .. جاد :راكي عارفة وانا تانن ، المهم ... مرتي حابة تهبط للبحر ؟ منار وهي تهز فرأسها بحماس : همممهم .. جاد : مالا وجدي روحك .. سوطات عليه عنقاتو تبوس فيه من كل بلاصة ، مام هو ماقصرش و حضنها من خصرها وسط ضحكاتو .. منار : ايه مالا نتا كول مابيد نوجد روحي .. جات رايحة عاود شدها جابها قدامو .. جاد : مكاش خرجة بلا ماكلة .. اذا ماكملتيش صحنك انساي تتحركي منار : ايه مليحة ليا .. جاد : شطورة .. رجعت قعدت مقابلاتو خطرة يوكلها و خطرة توكلو ، اكيد صرعاتو بهدرتها مي إستحلاها مستعد يسمع وسخ وذنيه من عندها المهم عندو يسمع صوتها .. منار : انا كملت نروح نلبس .. جاد : مكلاه نوصي .. منار : اكييد باستو من خدو و دخلت الشومبرة تلبس .. لبست بوركيني غوز شورت للركبة و محلول مع الضهر و زادت فوقو جيلي أبيض .. ماعجباتوش لبستها بصح قنعاتو بلي رايحة تعوم و أصلا مكاش لي يقدر يشوف فيها وسط العرا لي رايحين يلقاوه ... جاد عيط لإدهم و جمال بمكالمة ثلاثية و تفاهمو يتلاقاو فالشاطئ لي مقابل الاوتال ... جاد كان لابس شورت غوز كلار مع تريكو ابيض و كلاكات بلون التريكو .. سارة لبست بوركيني كيما تاع منار برك فالبنفسجي مع جيلي mauve clair .. ادهم كان كيما جاد بصح الشورت ازرق .. قمرة لبست كيما البنات مي كلش فالأبيض و جمال تان فالابيض .. تلاقاو كيما اتفقو استقرو و حطو الكريمات ، جاد ماخطاش منار مام هي عجبها الحال كي كان لاسق فيها و كأنها تقول للبنات لي كانو يتغامزو عليه تاعي هذا ، سارة قاعدة غير تتحكك بأدهم و هو رايح معاها فالخط لاعلاقة بالحشمة ، قمرة ملي لحقو والسطر حاكمها فكرشها ماشي قادرة تعوم ولا وتتحرك و جمال معاها ميت قلق عليها ... قمرة : حبيبي ادخل تعوم راني مليحة مكاش حاجة تقلق .. جمال : كيفاه حابتني نروح نستمتع ونتي هنا تتعذبي أصلا العملية مزالها مأثرة عليك أمشي نروحو نشوفو طبيب قمرة : مك... جمال : بدون نقاش هيا .. لبست الجيلي تاعها بعدما خبرو الجماعة و تمناولها السلامة ، لحقو للسبيطار بسيف باش دبرو موعد مع الطبيبة النسائية .. دخلت جوز و هو معاها يراقب فالطبيبة و ملامحها لي ماتعبر على شي .. حوار بالإنجليزية : جمال : دكتورة كاشما كاين حاجة تقلق ؟! الطبيبة : الضاهر انو المدام تعرضت لجروح بليغة بزاف فالآونة الاخرة ، والدورة أثرت عليها بشكل سلبي نوعا ما ... جمال بقلق : يعني ؟! الطبيبة : هدي روحك ، راح نعطيلها هاذ الدواء لازم داوم عليه ، وهذا مرهم تحطو على مكان الخياطة قبل ما ترقد و من الاحسن تبعدو على العلاقة هاذ المدة ... قمرة : يعني مراحش نزيدو ... جمال : حبيبي انا همي في صحتك و نتي تخممي فالفراش وعد تبراي و نعوضك .. قمرة : اوووف .. خرجو مع بعض هي شادة شنايفها غير من الطبيبة لي قاعدة تحاول تمس يدو و هو كل همو و تركيزو وين يقدر يلقى صيدلية يشري الدواء ... فالليل تحديدا فالاوتال فشمبرة سارة و ادهم .. سارة وهي خارجة مالدوش تنشف فشعرها : أدهم ادهم : يا روحو .. سارة : وشبيك هاذ اليامات متبدل بزاف ادهم : خير كاشما شفتي مني سارة : شوف كيفاه راك تهدر معايا طرطقت بالبكاء بين لحضة و ختها مافهم والو .. ادهم : اه من هرموناتك حا يجيبو آخرتي ، خلاص حبي نهدر كيما تحبي ماتبكيش برك ... اميرتي شاهية شوكولا ؟ سارة تمسح في دموعها : حقا وقتاه نعرفو جنس البيبي انا تحمست ونتا ؟ ادهم متعجب : نعرفو نعرفو ... واقيل مزال شهرين سارة : بفف بزاف ، نخرجو ؟ ضاق خاطري هنا انا هربت من الدار جبتني لاوتال .. ادهم : ايه روحي تلبسي و جيبيلي نشفلك شعرك .. باستو من خدو و طارت تجري فرحانة مخلياتو مدهوش و حاصل فيها و فتقلاباتها .. لبست روب فالازرق حد الركبة مزيرة من الفوق و مرخية من التحت مع كرشها لي بانت و كونفارس بيضة ، راحت ليه نشفلها شعرها و دارهولها tresse بجيه و خرجو .. عند منار و جاد ... جاد : حابة تقعدي هنا ؟ منار : اممم جاد : مصرة يعني ؟ منار : روح اخيطيني جاد : واش ذنبي انا ؟ فتحت الباب و خرجت ليه تعيط فوجهو .. منار : ذنبك انك طلعت بلا تريكو تتمشى و تعرض صحا شففففتها كيفااااه كانت تشوف فيك ؟؟؟ لاحضت السكرتيرة كيف شدتلك يدك كي جيت تدي المفتاح تاع البيت ؟ فهههمها نتا تاعي انا و بسس و المرة الجاية مرانيش مسؤولة على واش قادر يصير .. جاد : خلاص؟ منار : شوف جاد ماتستفزنيش جاد : طبعا انا ليك وبس ... راجل شكون انا ؟ نتي ، خلاص مالا و حذاري تخلي حاجات تافهين يطلعولك العصب مرة اخرى ، متفاهمين ؟ منار : مانعرفش جاد : منااار منار : اففف داكور خطفلها بوسة خفيفة و بعد .. جاد : صحا وجدي روحك نخرجو .. منار : لوين ؟ جاد : وين حابة تروحي ؟ منار بحماس : للبارك .. جاد : ماتكبريش ! بوزت شفافها و ذبلت عينيها بالنضرة لي راهي عارفة مايقاومهاش ... نفخ بقلة حيلة .. جاد : افف امشي امشي .. سوطات عليه عنقاتو ميتة بالسعادة .. منار : عيشلي راجلي لي مايرفضلي طلب .. جاد : لوكان كنت عارف بلي راح تفرحي ڨاع هكا نديك من قبل ، هيا هيا ... نزلت تجري و تضحك رايحة تبدل حوايجها .. لبست 👇🏻
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
جاد 👇🏻
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
جاد : لوكان زدتي عام .. منار : هيه هيا خرجو يد بيد غير لحقو وين الاستقبال عوجت رجلها تاع بلعاني باش يرفدها وهذاك لي صار كي تأكدت بلي الطفلة تاع قبيل راهي تشوف تقربت و غرست شفافها مع رقبتو .. جاد بدنو تكبس من الحركة لي دارتها ، حاس روحو يغلي على شوية و يرجع للبيت يدير ڨاع واش حاب فيها مي ماشي وقتو أصلا راهو هالكها .. جاد : اه يا منار دايمن تسخنيني فالمكان الغلط .. خدودها حمارو و هبطت راسها حشمانة .. جاد : و زيد تحشمي .. تبسم و كملو طريقهم للبارك ... لعبو ، كلاو ، جراو ، جاد يدابز مع اي واحد طيح عينو فمنار و حتى هي ماخلاتش للبنات لي كانو يشوفو فيه .. ما رجعو كان مع 2 تاع الصباح للاوتال صلاو العشاء و رقدو .. ______ لاقاو الفرحة و تعودو عليها يا ترى راح تدوم ؟ رأيكم و توقعاتكم ؟ 💗
