خرجت من الدار تجري ركبت طوموبيلتها و دموعها على خدها قلعت بيها لدرجة انو جاد مقدرش يلحقها ، الهدرة قاعدة غير تتعاود في بالها جامي كانت تتوقع انو جاد و باباها و يمكن خوها تان يتاجرو بالبنات ، مفاقتش بروحها وين رايحا اما صابت روحها تحت اوتال متواضع نوعا ما ... هبطت فاليزتها و حجزت على شومبرة ، راحت ديراكت خذات دوش و رقدت محبتش تخمم بزااف ... |في جيها اخرى عند جاد يهدر مع الرجال ... جاد : نحوس تكون عندي من على 24 ساعة و اذا مكانتش هنا تعرفو زعافي كفاه داير ، سمعتو ؟ مجاوبوهش عاودها بصوت اعلى ... جاد : سمعتوووو !؟ هزولو راسهم بإيه دخل للفيلا تاعو ، رما روحو على الفوتاي لي فصالون و تنهد تنهيدة تهد جبال ، محبش بخمم بزاف اصلاً نهار ليوم كان كلو مشاكل و عتاب ... طلع لشمبرتو يحاول يرقد مقدرش وهو ماشي عارف وين راهي .. خرج يدير سبور الشي الوحيد لي يقدر يهديه شوية |بعد اسبوع فالمستشفى فبيت قمرة ، جمال شاد يدها بيدو و حاط راسو على حافة للسرير دموعو على طرف عينيه ، يستنا فيها غير وقتاه تنوض ، هاذي أسبوع و هي غالقة عينيها علاجال المنوم لي راهي داوم علي في خاطر صحتها ، حس بيد حنينة تلعبلو على شعرو ، يعرف هاد اللمسة و لو كانت بين الف لمسة يد ، حاليا يد مرتو محطوطة على شعرو ، رفع راسو بلهفة مش مصدق لي قاعد يصير وأخيرا فتحت عينيها بعد عنااء ... جمال : ق..قمرة ؟ هزتلو براسها وي .. جمال : يا عمري نتي وأخيرا شفت عينيك تبسمتلو تبسيمة خفيفة ردت فيه الروح ، خرج يجري عيط لطبيب ... بعدما فحصها خبرو الطبيب انو تقدر تخرج بعد نهار ، جمال مالفرحة رفد الطبيب وهو معنقو و قاعد يضحك من قلبو ، فرحان بزااف ... قمرة : تي يزي اطلق الراجل هه جمال : نطلقو و نجي ليك ادلل قمرة : هه لا اقعد نتما خير مزالني مريضة جمال : تأمري يا أجمل مريضة ... من الحشمة خدودها توردو ... في جيهة اخرى فبيت جاد ، قاعد على الفوتاي مقابل منار و هي راقدة .. Fach back : خارجة مالاوتال تحوس على خدمة الدراهم تاع لابورس مايكفوهاش و قريب يخلصو .. ماحست غير بحاجة تحطت على نيفها و فقدت الوعي .. End of flach back : ... تفتح في عينيها بالسيف ، جاها الضو قاوي عاودت غلقتهم مدة و فتحتهم ، بعدما فطنت حاولت تركز مع البيت وين هي جامي شافتها ، تقعدت في بلاصتها لمحت جاد مقابلها يتبسم تبسيمة تاع إنتصار ... منار : وين انا و علاه راني هنا معاك و شحال راهي ساعة ؟ جاد : بشوية عليا ، راكي في داري ، و جازت سمانة من هاذاك النهار .. ولات بيها ذاكرتها نهار كانت خارجة من الاوتال و ما حست روحها غير مغمى عليها .. منار : يا كلب ، عندك وجه و تخطف فيا اه ! نفخ جاد بغصب من كلامها ، حتا لوكان حبيبتو اما مزال منزادش لي يذلو جاد : احمدي ربي لي راكي تاعبة ، والا نوريلك الكلب كيفاه داير منار : هه وش راح دير مثلا ، تبيعني ، ولا تاجر بيا ؟ لالا بالاك قبل هاذ الشي ڨاع تغتصبني ياك .. علا كلمة تغتصبني رجعت بيه الذاكرة ل 19 سنة من قبل ... #Flash Back في كوخ صغير فجبل ، طفل صغير فالعمر 9 سنين هكاك رابطينلو يديه مع الكرسي ... و مقابلو سرير كبير شوية ، فيه راجل يضرب و يقطع فحوايج مرأة عمرها مع الثلاثينات ، كانت كل نية هاذاك الراجل او الوحش كيما سماه جاد الصغير هو إغتصـ•اب المرأة لي حبها من وقت شافها بصح المكتوب قدر انها تحب خوه و خوه نفس الشي إتجاهها ... جاد : اطلقها يا وحش خليها ، يجي بابا يقتلك و الله اهئ اهئ (يهدر و يحاول يفك يديه) سمر : اطلقني ، والله ما نسمحلك ، خليني نروح ولادي صغاااار برهان : هه احلامك ، راح نملكك يا سمرائي ... سمر : مستحيل نكون ليك بعد هارون برهان : القرار ليك ، يا إما انا او حياة ولادك سمر : كيفاه ؟؟! برهان : مسامعك سمر : كيفاه تقدر تكون بهاذ النذالة برهان يجبد في سلاحو : نبداو بهذا ياك سمر : خلاص راح نكون ليك ، خلي وليدي يروح برك برهان : اممم نخمم فيها هاذي ... سمر : كفاه تخمم قتلك اطلقو برهان : مع انو مكانش لي يأمرني بصح طلباتك اوامر سمرائي... جاد : مستحيل نخليك ماما أصلا بابا يهبل بلا بيك و نتي ثان تهبلي بلا بيه اهئ اهئ اهئ 😭 برهان على سمعة "تهبلي بلا بيه" كمل لي بداه قدام عينين وليدها وهي تبكي و تعيط اما لا حياة لمن تنادي ... مور الحادثة بالضبط اب جاد لقاهم و كملو حياتهم مالڨري ماشي عادي بصح كيما كانت تقوللهم المهم راهي معاهم ، و اشهر موراها ماتو والدين جاد و سارة ... #and back منار : ااااي راني نهدر معاك ما هتملهاش و راح تكسل بجنبها جبدها ليه رقد على صدرها ... جاد : العبيلي بشعري ، فهاذ اللحضة بذات نطلب منك تنساي زعافك و تكوني معايا ، نعرفك تحبيني ومهما زعفتي مني هاذ الشي مراحش يتغير ... كلامو كان بصوت مبحوح و غالبتو بكية ، وكيما قال هو تناسات زعافها و دارت لي قاللها عليه حتى رقد ... بعدها بساعاتين فطن لقا روحو في حضنها وهي تان كانت رقدة بصح فطنت كي حست بيه ناض ... منار : راني حابة نروح جاد : متقدريش منار : مارانيش نشاور فيك ولا ندي في رأيك راني نخبر فيك وكي رقدت في حضني ماشي معنتها نسيت عمايلك ... جاد : حتى انا مانيش نشاور فيك و راني نخبر فيك ، منا متزغديش حتى وين تنساي عمايلي منار : مالا انا نقولك بلي مستحيل ننسا عمايلك و مستحيل نسامحك و نقطة الى السطر ... ناض من عندها بغضب دخل لدوش ، حاب يهدي روحو ، مستغرب فالحالة لي لحقولها ، منار مكانتش تعدي نهار بلا بيه و لا بلا ماتسمع صوتو دوك ولات حابة هي لي تبعد عليه ... كيما خلاها قاعدة فالبونك تخمم فالحالة لي وصلولها هي تان ، غاااارقة في افكارها حتى كرهت و عاودت ولات رقدت (منين جيب النعاس هاذي) كمل الدوش لبس حوايجو و خرج ماهوش حاب يتفكرها ولا حتى يشوف فيها ... |فالفيلا عند سارة و ادهم ، كانو قاعدين فالجنينة متكسلة على كتفو و ضامها لصدرو ... سارة : حبيبي مزال مابان والو علا منار ؟ ادهم : وي فطنت صباح ... سارة : حابة نشوفها اديني ليها ادهم : لالا خليها براحتها حتى يرونجيها جاد ... سارة : ماراكش ناوي تقولي علاه ؟ ادهم : مشي ... كفاه نفهمك ... كان متوتر فكلامو راهو عارف لوكان تعرف قادر يخسرها هي تان ... سارة : تهدر ولا لالا ؟ ادهم : محبش جاد يقولي علاه سارة : اوكي كي يقلك قولي ادهم : وعد حبي ، ودوك خلينا فموضوعنا ... سارة : هه وشنو تان ؟ ادهم : متعطينيش ماتش قبل منروح نخدم ؟ سارة : هه متشبعش ادهم : امم منشبعش ، مدمن بحلاوتك راني ... رفدها و طلع بيها للبيت و راكم عارفين 🙂 |فالفيلا تاع جاد ... فطنت من نعاسها جوايه 14:30 هكاك ، خرجت من البيت تحوس علا جاد ملقاتوش ، زادت خرجت للجنينة تان مكاشو ، مهتمتش أساسا هي متحوسش تشوفو غضبها مسيطر عليها (دوك برك كانت تحوس عليه) دخلت للكوزينة طيبت حاجة خفيفة كلاتها و طلعت للدوش دوشت بالشامبو و جالدوش تاع جاد ، كي كملت و جات خارجة تفكرت بلي ماجابتش حوايجها ... خرجت من الدوش لافة منشفة على جسمها راحت لخزانة جاد قابلتها تحوس علا كاش حاجة تلبسها ... حست بنفس سخون يضرب في رقبتها ، عرفاتو من ريحتو ... جات دور ليه زاد زير عليها و قعد ضامها ليه ... منار : جاد أطلقني خليني نروح نلبس ... جاد : اقعدي هكا راكي شابة منار : جاد شبيك هبلت مستحيل بعععد مراكش حلال عليا باش نقعد شبه عريانة معاك جاد : راكي تحاولي تستفزيني بصح بكذبة معادش نعنيلك مراح توصلي لوالو منار : اطلقني خليني نروح نلبس ... جاد : جات عليك ريحتي تهبل طبعلها بوسة في كتفها مشاتلها الرعشة في جسمها خلاتو يحس و يطلقها افضل ماتصرا حاجة يندمو عليها منار : درتلي مزية كي طلقتني جاد : من وقتاش باردة هكا ؟ منار : من نهار عرفت حقيقتك و كيما قلتلك مراكش محلل عليا .. جاد : صدقيني مع الايام راح تسمعيلي و تليني من جيهتي و يروحلك الزعاف و توليلي منار لي حبيتها ... خرج و خلاها حاصلة مع روحها ... لبست من عندو شوية و سمعت الدقديق فالبيت كي حلت لقات فاليزتها لي داتها معاها للاوتال ، حلتها و لبست هكا ...

Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
ه
بطت لاكوزينة كاشما دبر عفسا تاكلها لقات جاد جاب ماكلة من برا بصح مكانشو هو ... قعدت كلات ، لمت الطابلة و راحت للصالة قعدت تستنا فيه باش تحاولو يديها للدار ... صونا تيليفونها لقاتها سارة ، راحت تجري رفدت عليها ... سارة : حبي ؟ منار : ياروحي سارة : راكي مليحة ؟ منار : حمدلله توحشتك ... سارة : حتا انا ، وينتا تولي هاذي غيبة منار : مارانيش عارفة وينتا يخليني نروح جاد ، بصح اكيد نخبرك ، راني متوحشاتك بزاف سارة : هه اوكي حبيبي منار : قمرة راهي مليحة ؟ ناضت ولا كاين تطور فحالتها سارة : ايه ناضت صباح ... منار : قولي والللله سارة : هه د والله منار : ياي و أخيرا خبر مسڨم سارة : حقا علاه راكي عند جاد وش صرى حتى ادهم و ماعلابالوش منار : كي نتلاقاو عمري و نحكيلك ماشي هدرة تاع تيليفون سارة : اوكي مالا باي منار : باي حبيبي بوسات ... دخل جاد علا الهدرة التالية «كي نتلاقاو عمري نحكيلك ... و باي حبيبي بوسات» علا سمعتو التالية ولاميضويش ، راح حكمها من شعرها ... جاد : قسامـ* منين جايبة هاذ الهدرة اااه ، تخدعي فيا فوسط داري عطاها كف دوخها ... لمت ڨاع قوتها و هي فهاذيك الصدمة بعدت عليه ... منار : مارانيش مجبورة نبررلك أفعالي لأنك نتا آخر من يحاسبني جات طالعة فالدروج و دمعتها علا عينها ... عاود راح ليها و حكمها من شعرها و دخل عليها بالضرب و تعيط و تبكي بصح لا حياة لمن تنادي ، كي داخت ، حبس تنهد تنهيدة فرغ فيها النفس ڨاع لي كان داخلو ... حكم تيليفونها حاب يشوف معامن كانت تهدر لقاها كاتبة l'amour de ma vie ، عيط عليه رن شوية و رفدو عليه ... سارة : الو حبي وش كاين غير دوك كنا نهدرو ... جاد : سارة ؟ سارة : جاد ! وش كاين علاه راك تعيطلي من عندها ... في هاذيك الدقيقة الدم جمد فيه ... حبس في بلاصتو معرفش وش يدير ... كوبا علا سارة و راح لتيليفونو عيط لطبيبة ... جاد : عندك على الاكثر نص ساعة في يدك متكونيش فالموقع لي حا نبعثهولك موتك علا يدي ليوم ... طبيبة : اوكي موسيو جا... مكملتش هدرتها و كوبا ... وحد 20 دقيقة كانت عندو ... دخلها لبيتو وين كانت منار فاقدة للوعي من الضرب لي كلاتو ... الطبيبة : لازم نفيقوها باش نقدر نداويها ... جاد : وانا علاه راكي تقوليلي ديري لي عليك ... خرج و خلاها و قبل ما يغلق الباب ولا ليها ... جاد : توجعيها نوجعك أضعاف بطرقي الخاصة و متبطايش ... __________ خاذا هو البارت 🦋
