أحببـتہ فوق الحـب حبـاً 🦋 {مكتملة 🇩🇿}

Part 13 🦋

ادهم للرجال : كيفاااااااه هاذي 4 ايام ختي مكانشها و ريحتها مافماش ... حاطكم لواش انا اااه !! الطفلة واحد ماعارف واش بيها و لا كيفاه راهي ...
جاد : وانا مارانيش احسن منك ، لي دار هاذ العملة راح يخلصها غالية ...
ادهم : اكيد راح يخلصها .. و مراحش نرحمو ...
جاد بينو و بين نفسو : اه لوكان يطيح بين يدي ...
| بعد 1 شهر من إختطاف منار ..
عند جاد و ادهم و جمال ..
جاد : كاش جديد من عند صاحبك ، ياك مانسيتش ع لي وصيتك عليه..
جمال : ايه راهو جاب الملف تاع ڨاع واش دار و واش غلط ، وبهاذ الطريقة راح نقدرو نفتحو قضية بحث عليه ... بصح هاد الخطرة مع الأدلة ..
ادهم : شكون هاذا ؟ كاين الجديد ؟
جاد : مزال ، و هاذا واحد من أكبر أعدائي ، ليون ...
ادهم : وقتاه خرج مالحبس و طوالت يدو لمنار ! أصلا واش علاقتك بيها باش دخلها فحساباتكم !
جاد : كانت قريبة ليا آخر فترة
ادهم : ما قنعتنيش ، المهم علاش راك متأكد بلي هو ؟
جاد : بكل بساطة واحد ماعندو الجرئة يتخلى على حياتو باش يلعب معايا ، هو سامح في كلشي حتى في ختو لي راح تكون معانا بعد شوي ..
ادهم متبسم بخبث : اكيد واحد مايقدرلك
جمال : لحقني خبر بلي راهو هدر ⁦⁦⁦••• وكشف على مكانو  ... وكيما توقعنا الفيلا راهي تحت حراسة كبيرة يعني اكيد راهو فيها ...
جاد : اكيدد ، اجمعو كل الرجال لي عندنا و هزو افضل السلاح الساعة 11 بالتمام ننطلقو ...
دارو كيما قاللو... لحق الوقت و قلعت سلسة متكونة من عشرات السيارت كلها كحلة و طائرات الدرون للحراسة متوجهين للفيلا ...
| في جهة اخرى تحديدا في اعلى قمم الجبال ، في بيت مضلمة ساندة راسها على ركبتها تخمم فناسها راهم يحوسو عليها ولا لالا ؟ كلام الراجل لي خطفها صحيح ولالا ؟ جاد يحبها تاع الصح ؟ ادهم ، سارة ، باباها ، قمرة ، حتى جاد ... يادرا نساوها ؟ كل هاذ الافكار من نهار جات تدي و تجيب فيها  ... ضعافت ڨااع من قلة التغذية ، وجسمها كلو جروح و إصابات..
سمعت صوت اقدام متوجهين عرفاتو هو ، وقفت مور الباب خايفة منو ...
🦁=ليون
🦁 : واجدة لدورة اليوم ؟
منار : ....
🦁 : بطلي لعب الصغار و اخرجي من وين راكي والا راكي عارفة واش يصرا كي نلقاك ...
منار : اففف ، وينتا تطلقني ؟
🦁 : السؤال هذا ماتكرهيش منو ؟ ومكلاه تحلمي نطلقك تروحي قبل ما ناخذ واش راني حاب
منار : علابالك بلي نقطع روحي طرف طرف ثبل ماتمسني ؟ و نديرها
🦁 : هاذاك الفم تلبلعيه ، ودوك نوضي تبعيني
منار : من هنا ما نزغدش ...
🦁 : واقيل دار باباك ...
حكمها من شعرها و جرها معاه لغرفة التعذيب لي ولات كل يوم تدخللها ربطلها يديها مع الكرسي تحت عياطها بصح لا حياة لمن تنادي ..
جبد السوط لي تعود يبدء بيه ، رفعو ضرب الاولى و الزاوجة ، هو جاء حا يدير الثالثة دخل علييه واحد من رجالو
-بوس حبس واش راك دير صار هجوم غير متوقع و حاليا القصر محاصر
🦁 : يلعن ¢%#$*€£% (كلام فاحش 🙂) وعلاه راني نخلص فيكم ااه ...
جبد منار من يدها يجرجر فيها ، جا حا يخرجها من الباب الورائية ، اوووب لقاو رحهم محاصرين ...  فهاذيك الدقيقة منار لمحت جاد يحوس عليها بعينيه
منار بصوت خافت : جاد
حكمتها الفشلة مخلطة بفرحة اول مرة تلاحظ في عينيه الحب رغم للضرف و الاجواء ..
مصاوب السلاح علا راسها و ملوي ذراعو على رقبتها ، جاد قلبو بين رجليه خايف لا تصارالها حاجة و هو للان مافرحش بيها ..
جاد : نزل كسرتك يا***** والله لوكان تتأذى شعرة يصرا فيك لي ماصراش لغيرك
🦁 : هههه بصح مش وقت تهديداتك ، لازم تقول لحبيبة قلبك كلمة شابة لآخر مرة ...
منار : نحبك ، حتا و انا فالدنيا الأخرى ...
جاد : متقوليش هاك راح تحبيني وانتي حية
🦁 : تأثرت ، وانت تأخرت ياجاد *** للاسف ماعندكش فرصة دير واش راك حاب ...
في هذه الأثناء دخل جمال و معاه سيلين أخت ليون مصاوب السلاح في راسها ...
جمال : بصح انا مشكيتش راح تقدر تضحي بحياة ختك ياليون ...
🦁 : س...يلين ؟
جمال : سلين ياك ؟ امم واش قلت
سيلين : خويا تعيش أطلقها مرانيش حابة نموت مزالني صغيرة
سمع كلمات اختو وشعور غريب تملكو ، دوك باش حس بأنانيتها لي هدرت عليها منار ، حط السلاح تحت امر الواقع في النهاية هاذي اختو .. راحت تجري منار عنقت جاد و الفرحة ماشي ساعيتهم ، كأنها تحاول توصلو كمية الوحش لي حساتو ، ادهم لاهي مع الشرطة من الجهة الامامية و جمال واقف من بعيد يحدق فيهم متبسم ، هاذي شحال ماشافش صاحبو فرحان هكا دايمن زابط وجهو ...
عند عارف و سارة و قمرة ، كل واحد تفكيرو وين مي كلهم فنقطة وحدة ، غيابها ملحوظ و فارق كبير بينو و بين وجودها ، دخلت تجري تحوس عليهم بعينيها ...
سارة بسخرية و دموع فعينيها : هه ويلت نتخايل فيها ..
عارف : انا واقيل نسيت الدواء تاعي
منار : هاذي انا مراكمش تتخايل
قمرة : حتى انا قاعدة نرى فيها ..
سارة : م...منار ؟
منار : ياروحها ...
تقدمت من سارة بخطوات متسابقة تحوس تعنقها و تشم ريحتها و الباقي مايهمش ..
سارة : وينكك ويينك شهر خليتينا بلا نفس ...
منار : ماشي بيدي ...
قمرة : وانا ؟
منار : ياقلبييي
زادت عنقتها و ريتم الدموع ماشي و يزيد ..
ادهم : تكملوها هكا
سارة : هه غيور
ادهم : بزااف
جاد : اكبر اكبر
ادهم قلب عينيه منو ...
منار : ايه شاصرا في غيابي ؟ نحوس نعرف بالتفصيل الممل
سارة : امشي بجيه و نهدرو ...
بعدو عليهم شوية تهدر بالشوية باش جاد مايسمعش..
سارة : انا و ادهم تزوجنا يعني فريناها
منار : صحااا هاذي هي الدنيا صامطة بلا بيا ...
سارة : بلا عرس عقدنا و فتحنا برك ، ادهم كان محتاج حاجة بوزستيف ..
قمرة : كملي ماشي هاذا المهم
سارة : جاد ... شهر كلو يبات فغرفتك ، تبدل بزاف و رجع كثر من لي كان ، حتى جيداء كل ماتجي يتجنبها و مايهدرش معاها بكل ...
منار : هذا جاد لي ينعرفو ؟
سارة : وي
منار : عرفتها يا جدك ..
قمرة : واش عرفتي ؟
منار : قالولي يحبك
سارة : شكون قالك ؟
منار : مايهمش ، مام انا اعترفتلو
قمرة : وقتاه صراو ڨاع هاذو !!
منار : جمال تاعك يحكيلك نتي شاف بعينيه .. هه امشو نروح لبابا ماشفتوش ..
منار : الشييييخ
عارف : ماراح نقولك والو على هاذ الكلمة بصح يفوتو يمات و عاوديها ..
منار : ههه
عنقو بعضاهم بحب اب لبنتو  ..
عارف : بنتي كاشما راهو يوجع فيك ؟
منار :  لالا والو غير العيا ما تقلقش روحك ...
جاد : أطلعي تريحي وانا نعاونك ...
منار : اوك ، باي أمبعد شوية ...
_______________
هاذا هو البارت 🦋
تفاعلوو 🥺