شوية و داوها لدار باباها باش تخرج من تم ... بعد ساعتين تجهيزات تاع البنات ، سمعت الفيلا تاع بابات قمرة لي كلاكسون تاع الكورتاج و الطبول ... قمرة : ياجدكم وصلو سارة : منار اجري اجري شوفي خوك شحال راهو شباب منار : وخوك داهالهم ڨاع قمرة : علاه كاين لي يديها للعريس ؟ منار : وي ، جاد يديهالو خبطتها قمرة لكتفها و ضحكو دخلت ليهم جازية للبيت ... جازية : بنتي الزينة ، يا اجمل عروسة ، اتهلايلي في روحك مليح و متنساينيش صحا بنتوتة ، بالاكي علا راجلك تان ، انا و باباك ربيناك و كبرناك باش تروحي عدرة (حنا نقولوها بمعنى طفلة تصلح) هكا لدار رويجلك ، و طوايش الذراري صغار هاذوك خليهم فدار باباك ، و ماذابيك حفادي يكونو يدورو قدامي منا علا عام هه قمرة : متقوليش هكا ماما دوك نبدا نبكي .. منار : نقتلك و تسيلي دمعة المكياج هاذاك متعوب عليه خرجت قمرة من دار باباها تحت جناحو .. عند باب دارهم سمير (بابات قمرة) : مكلاه نوصيك علا اميرتي ، حا نعطيهالك من عيني لعينك ، اتهلا فيها وليدي جمال : من نهار عرفتها و هي في عيني ، متكسريش راسك مادامها معايا ... قمرة تحكي ... سمعتهم يهدرو هكاك حسيت روحي نملك الدنيا ، متأكدة رايح يكون افضل يوم في حياتي ... مادامني سمعت بابا يوصي في راجلي عليا ... ركبو فالطوموبيلات ... سارة مع ادهم ، منار مع جاد ، سمير و جازية فطوموبيل .... قلع الكورتاج كلو جو و غنا و زغاريت و بارود ... منار ڨلبتها بالشطيح ، جاد شايخ عليها ... وسارة تان حبت تخرج مالتاقة بصح ادهم خاف عليها ... كي وصلو للفيلا قبل ما يدخلو عند الباب كانو صحاب العريس نتم مدخلوش غيرا روبلوها بالشطيح و الغنا مخلاوش غنية مغناوهاش (تـــحـــمـــســـت) المهم دخلو للفيلا وتصدرت قمرة بين صحابها و حبابها ... قريب يخلاص العرس دارو اغنية رومنسية هادئة و ناضو لي كوبل يشطحو عليها و عصافير الحب تاعنا ثان ماننساوهمش ... كان كلشي هادئ الكل غارقين في عيون بعضاهم نطقت منار ... منار : حبيبي حاسة حاجة راح تصرا قلبي راهو مزير ، لي ڨارد لي شفتهم قبيل مرتحتلهمش جاد : بعيد الشر ... نتي تسكتي تسكتي وكي تنطقي تثقبيها ... منار : خلاص الغلطة تاع لي هدر معاك جاد : ماتقلبيش عليا عينيك ... منار : اههه ديزولي زعفتك جاد : وشبيها صغيرونتي دارت شنوفة منار : سقسي روحك جاد : خلاص تعرفيني نحب نڨصر معاك منار : اتعلم تڨصر مالا طلقت يدها لي كانت مع يدو و بعدت يدو الاخرى لي كانت في خصرها وجات رايحة حكمها من يدها وجبدها ليه جا وجهو لاسق مع وجها انفاسهم تخالطو ، نفسو السخون يضرب في رقبتها ... حست روحها ذابت في بلاصتها ، زاد كمل عليها يهدر بهمس ... شفافو يلعبو مع شفافها ... جاد : تعرفي كي تزعفي تولي حلوة أضعاف ... نعشق حالتك هاذي ، نعشقك في كل حالاتك ، صرتي هوس جاد و من املاك جاد ، تعرفي اني نغير عليك حتا من الحوايج لي لابستهم ؟ حاسدهم لانهم يلامسو كل شبر من جسمك و انا لالا ، حاسد حتى تيليفونك لانو معاك نهار كامل و انا لالا ، بصح تعرفي وشنو ؟ راح نخلف هاذا الكل بعد زواجنا ... نوعدك مراحش نفارقك لين نشبع من حلاوتك ، مع العلم ماينشبعش منك يا هوسي ... كمل عليها عضها من شفتها التحتانية .. جا يبعد عليها جبداتو من رقبتو ليها اكثر و غرست صباعتيها في شعرو ... دخلو في عالمهم لي كلو حب و غرام و شوق و إشتياق كأنهم بعاد على بعض بعد السماء على الارض ... جبد روحو عليها شوية و هدر بنفس الوضعية تاع قبيل ... جاد : نحبسوها هنا لأني منضمنلكش واش يقدر يصرا لوكان نكملو فيها هه تبسم هاذيك التبسيمة لي تقتل منار ، ذبلت عينيها فيه .. منار : نعشقك يا إمبراطور قلبي ... عند سارة ... سارة : حبيبي عندي ليك مفاجأة ... ادهم : ربي يستر مالمفاجأت تاعك ... سارة : ههه لالا هاذي متأكدة راح تعجبك ... ادهم : سور ؟ سارة : هه دير فيا confiance ادهم : ازرع ينبت جبدت مالبوشات تاعها تقشيرة تاع بيبي (جورب) ادهم : هاذي تاعك ؟ ولا ليمن ؟ سارة : لالا ماشي هكاك ادهم : تاع جاد دارتلو براسها لالا و شدتلو يدو حطتها على كرشها ... ادهم : متقوليليش ... دارتلو براسها ايه و عينيها معمرين بالدموع ... عنقها و هو تان على شعرة يبكي من الفرحة ... ادهم : ههه اميرتي راح جيبلي ولي عهد ... هما هكاك في عالمهم الخاص غايسين في بعضاهم حتى حسو بالرصاص يخترق فالصالة ، معضم المعازيم مرميين فالارض كلهم دم ، جاد ماحس بروحو غير كي ضم منار ليه ، رفدها بين يديه و هرب بيها لوحد الطابلة طابس تحتها ... جبد سلاحو وبدا يقوص بيه ... ادهم كان بنفس الوضع تاعو ، رافد سارة في حجرو تحت الطابلة و يقوص مع رجالو ، اما بالنسبة لجمال فكان في عالم آخر وهو يشوف في قمرة بين يديه فاقدة للوعي و كرشها دم ... عيط فرد عيطة كانت كافية باش تهز حيطان القصر ... جمال : قمرررررررررررة فجأة حبس الرصاص و الصوت هدا ... تلفتو على صرختو يشوفو معاه ،منار مش مستوعبة المنضر ... قمرة صحبتها و لي كيف اختها ، صحيح عرفتها عندها اقل من عام اما بعفويتها و خفة دمها و ضحكتها لي متفارقهاش رجعت اكثر من الروح ، سارة اكثر منها كانت في صدمة و غير دموعها لي يحكيو ... جمال يحكي بعياط عينيه حمر دم و عروقو باينين و من نبرة صوتو تحس انو موجوع ... جمال : عيطو لامبيلونص الطفلة راهي تروح فيها جبد ادهم تيليفونو حا يعيط اما وقفو جاد رايح جيهتهم ... جاد : ميكفيناش الوقت نستناوهم حنا لي راح نديوها ... قرب من جمال حا يرفدها عليه اما جمال و قفو وقت شاف معاه خزرة تاع موت ...فهم انو غاير عليها حتى و هي فهاد الحالة ... بعد 6 ساعات قدام غرفة العمليات ... الكل قاعد على أعصابو يستنى فكاش خبر يطمنهم ، جاد قاعد بجنب منار يهدي فيها ، و ادهم تان يهدي فسارة ، اما جمال فكان قاعد فكوانة (زاوية) داير راسو بين يديه و يتفكر فالذكريات تاعهم ، يقتلهم و يقتل روحو لوكان كاشما تصرالها حاجة ، حالف يحاسب هاذا لي حول عرسهم لجحيم و دخل قمرة حبيبة قلبو لغرفة العمليات لي مايتمناها كان لعدوو ، وقت الحادثة والديها كانو فالفيلا لأنو حالة يماها تدهورت ... ، هما هكاك فالمستشفى حتى خرج الطبيب المسوؤل من الغرفة ، الكل ناض ليه يجري و يسأل بعينيه ، غير جمال لي حكمو مالكول تاع الطابلية... جمال : نقتلك و نقتل لي معاك لوكان تقول صراتلها حاجة طبيب حاول يهدر اما جمال كان مزير عليه بزاف و خوفو من نبرة صوتو ، جاد فهمو مليح (جاد فهمهم ڨاع ليوم 😂) بعد جمال على الطبيب ... جاد : جمال هدي روحك شوية خلينا نفهمو وش كاين ، اتفضل دكتور ... الطبيب : العملية كانت صعبة بزاف ، اما المريضة كانت أقوى منها وقدرت تسلك بأقل ضرر ، و راح نخلوها تحت المراقبة لمدة اسبوعين حتى تتحسن ... منار تحكي ... مأمنتش الطبيب وش كان يهدر ، حسيت فرحتي كانت فرحة لا توصف ... جمال : وينتا تفيق ؟ طبيب : غدوة و بلاك اليوم غير معروف ... منار : نقدرو نشوفوها ! طبيب : ايه دوك ينقلوها للغرفة و ادخلو بالواحد و يعيشكم ماتبطاوش ... سارة : مرسي ... تعانقو منار و سارة ... منار : انا نروح لدار نجيب ليا ولقمرة حوايج ، كشما نجيبلكم ؟ ادهم : سلامتك ... جاد : اصبري نوصلك منار : اوك .. فالطوموبيل عند منار و جاد ... جاد : راح تقعدي معاها هنا ؟ منار : لالا نضن جمال لي راح يكون معاها اما مراحش نغيب عليها باش متحسش بالوحدة جاد : اوك حبيبي ، مكلاه نوصيك علا اللبسة منار : متخافش راني حافضة الدرس هه حكملها يدها وباسها بعدما ركن السيارة عند القصر ... منار : كشما نجيبلك ؟ جاد : لالا مام انا ندخل نشوف عمي عارف .. منار : ايه هيا ... دخلو للقصر بعدما منار طلعت للبيت بدلت
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
جابت لقمرة حوايج و جازت لبيت ادهم و سارة تان جابتلهم وش يلبسو ... عند جاد و عارف لي كانو فالصالة يهدرو ... جاد : وين كنت كي كنا فالعرس ؟ عارف : كانت داخلة سلعة جديدة ، و مليحة بصح كتبتش جاد : علاه يعني ؟ عارف : كانت بينهم طفلة قتلت وحدخرا باسك دخلو فهدرة عيانة ، عليها و رجالنا الطايشين كملو على القاتلة ... جاد : اممم و خبيتو عليهم ؟ عارف : باينة منيش حاب نحصل جاد : سلعة هاذي منين ؟ عارف : شوية من تونس و شوية من ليبيا جاد : امم ، بصح قبل كلشي حاب نخبرك انو هاذي اخر سلعة راح جينا عارف : علاه جاد : بعدما نتزوج بمنار حاب تكون حياتي مبنية على الحلا.. تلفتو ثنيناتهم علا صوت الكابة لي طاحت من يد منار و دموعها شادين طريقهم ... جاد : مناااار !!! منار : متنط.قش بـاسـ.مي ... جاد : منار خليني نفهمك مسمعتلوش و طلعت تجري لبيتها رفدت مفاتح طوموبيلتها و راحت لخزانتها جبدت دراهم لابورس لي كانت مخبيتهم و خرجت مالدار ... __________________ هاذا هو البارت 🦋
