أحببـتہ فوق الحـب حبـاً 🦋 {مكتملة 🇩🇿}

Part 26 🦋

منار : نجوزو لسارة و ادهم ياك ؟
جاد : ايه و نتلاقاو بقمرة و جمال فالمطار
منار : امم وين رانا رايحين ؟
جاد : مكلاه تعرفي
منار : بليز 🥺
جاد : منار متبقايش تسمطي
منار : متقولش ؟
جاد بالعياط : ايه منقولش
حل فيها عينيه لي كانو حمر من القلق و رفد يديه لي كانو عروقهم بارزين ...
منار سكتت مالقات ماتقول من التحول المفاجئ تاعو ، يعني غير قبيل كان نورمال ودوكا راهو يعيط و زيد جامي رفع صوتو عليها بصح دوكا ايه و زيد لسبب تافه ...
مسح على وجهو بفدة ركب طونوبيل خبط الباب و تبعاتو ركبت من اللور ...
ماهدرو ولا كلمة حتى وصلو للفيلا ، فالوقت لي كانو يبدلو فالطونوبيل هبطت سارة سلمت علا منار و مورها بشوية زاد جا ادهم باسلها راسها و ركب مالقدام مع جاد و سارة مع منار ...
الصمت كان سيد الموقف ...
سارة تهدر بهمس : بسس وش كاين موالف تهدري ماتسكتيش
منار بنفس النبرة : نهدرو باليمساج خير ..
(جاد شافهم من troviseur )
سارة : اوكي
سارة : واش كاين
منار : ماراني فاهمة والو
سارة : اهدري
منار : كان نورمال حتى بيفيه انقلب
سارة : مايكونش كره منك بعدما ذاقك
منار : الله على صحبتي لي دايمن هدرتها positive ...
سارة : نلعبلك على المورال 😂
منار : راني حاصلة ونتي جايبتها مورايا تمسخير ...
سارة : كفاه انقلب
منار : صباح كان gentille و يهدر بالعسل حنا خرجنا من الاوتال ولا بنادم وحدوخر
سارة : يصراولو عفايس هكا خويا و نعرفو
منار : sur !
سارة : ياودي انا راني نقولك
منار : ما دام نتي قلتي فيها خير نشاله
سارة : انشاله
منار : اييه و كيفاه راهو البرانس تاعنا ؟
سارة : راهو معيشني فالذل
منار : علاه ؟
سارة : جابلي الوحم على باباه
منار : متزيدينش 😂😂
شافها جاد تضحك مع التيليفون توسوس شوية و طرد الافكار من راسو
سارة : يقولو بلي لي يضحك يلحق
منار : احم خلاص (شدت srx)
سارة : وين رانا رايحين ؟
منار : هكا كي سقسيتو شعرة و يضربني ..
هبطت دمعة من عينيها بيفيه مسحتها ...
ادهم : ختيتو راكي تبكي ؟
منار : اه .. لالا .. دخلي الغبار في عيني
ادهم (مأمنهاش بصح مبينش) : اوكي كاشما يخصك عندك خوك
منار : كاشما وكلتيلو صباح سارة ؟
سارة : هههه لالا
منار : امم تغير ملحوظ
ادهم : رنكي انا لي قيمتك
منار : هه راني نتمسخر معاك علابالي غير نتا لي دوملي ...
شافت فعينين جاد و كأنها تمعنيلو ، بعثلها ميساج و عينيه في عينيها مانحاهمش ..
جاد : كلشي إلا دموعك ، امبعد نتفاهمو ..
اكيد ماردتلوش و كملت قصرتها مع سارة
لحقو للمطار juste  مع قمرة و جمال ...
قمرة رايحة تجري ليهم : توحشتكم
منار : وشبيك غير البارح كنا كيف كيف
قمرة : نتي تبلعي الهدرة ما صحتليش معاك
منار : حا نقابلك شهر تكرهي مني
سارة : انا من دوك بديت نكره
منار : اه ؟!
سارة : والو
منار : سمعتك
سارة : اووف كرهت ...
راحت لأدهم تمشي و تتكعبر
قمرة : كي نرفد الكرش نولي كيما هي فكل دارة نشعل النار ؟
منار : واقيل
قمرة : بديت نتراجع
منار : ياختي  هرمونات 😂
قمرة : اووه مزية شفنا ضحكتك
منار : هه مريضة
قمرة : منيتي راني ...
منار : ........ (حكاتلها)
قمرة : الكلب انا نوريلو العياط على منار كيفاه عامل
منار : شدي بلاصتك
قمرة : شبيك ...
منار : والو برك محبيتش نحصل معاه فالهدرة ....
قمرة : هه امشي لا ينساونا
طلعو فالطيارة قابلتهم مضيفة الطيران تقسم فالغرف ...
👩🏻‍✈️: مسيو جاد تفضل مع المدام من هنا و مسيو ادهم مع المدام لجناحكم و مسيو جمال تفضل مع المدام معايا نوريلكم ...
منار تتمتم : حافضة غير أسماء الرجال ماشي يقولي الشيطان تشنشفيها
قمرة : اتهدني ماتستهلش
منار : مادموزال حابة نكون مع صحبتي ...
جاد : شدي بلاصتك وشبيك
منار : أطلقني ...
جمال : وأنا نقابل جاد واقيل ؟ صحا ختي تقدري تشوفي شغلك ...
👩🏻‍✈️: نستأذن ..
خبطت رجلها و دخلت شدت بلاصتها باش ترقد بصح جا جاد تكسل قدامها ، كي حست بيه ناضت متوجهة للفوتاي تقعد فيه ...
قابلت جاد لي كان يشوف فيها بإستغراب
جاد : واش خذاك ؟
منار : أخطيني برك ...
جاد : وشبيك
منار : أه نضن السؤال موجه ليك لالا ؟
جاد : ؟؟
منار : ما لاحظتش روحك و تصرفاتك لي تبدلت ضربة وحدة ؟
جاد : و ماسقسيتيش روحك انا واش درت ولا فاش غلطت ؟
منار : سقسيت و لقيت بلي ما كاين حتى سبب يخليك ترفد يديك و صوتك عليا
جاد : مالا انا نقولك واش درتي ، مع انني نضل نوصي بصح راسك يابس و مصرة أنك تخرجي بالقصير و الضيق ...
منار : القصير و الضيق لي راك تهدر عليه حتا واحد ما شافني بيه من غير ادهم لي هو خويا و جمال لي كيما خويا و راجل صحبتي ...
جاد : انا لي نعرف نضرات الرجال للبسة كيما هاذي و انا لي شفت الخدامين تاع الاوتال و الطيار و الحراس تاع الفيلا كيفاه كانو يشوفو فيك ...
دورت وجهها شادة راسها بين يديها ...
منار : كنت قادر تفهمني بصح نتا فضلت السكوت و العياط ...
جاد : كنت مقلق و زدتي عليا بإلحاحك ...
منار : خلاص ...
جاد : سمحيلي كي رفدت صوتي عليك ..
منار : سمحلي كي لبست هكا ...
جاد : ارواحي لهنا (عنقها) يسما كنتي حابة تقعدي مع قمرة و تخلي راجلك ...
منار : اممم قلقتني
جاد : و واش قتلك على البكاء
منار : دخلتلي تخشة (ثغرة) في عيني ..
جاد : منعرفكش ؟
منار : غاضتني عمري
جاد : و واش ضحكك فالتيليفون ؟
منار : كنت نهدر مع سارة ، اوووف درتلي enquête هنا ...
جاد : اممم و ماتلتهايش براجلك شوية ؟
منار : شوي....
قبل ما تكمل هدرتها غطس فشواربها مرة يمص و مرة يعض يعني كل جيهة عاطيلها حقها ... بعد عليها كي حس نفسها قطع ، باسلها جبهتها حضنها و رقدو ...
عند سارة و ادهم ...
سارة : حبيبي
ادهم : شوفي حبي رانا فطيارة و حا تقلع تعيشي ماتطلبيش حاجة مستحيلة نوعدك غير نلحقو نجيبلك دنيا من واش راكي حابة ... (باينة راهو يعاني)
سارة : بصح لي راني حابتها فيها حبة برك ...
طلعت فوق حجرو ..
سارة : وليدك راهو متشهيك ...
ادهم : وليدي ولا يماه
سارة : احم ... وليدك أكيد
ادهم : مالا خلي ماشي دوكا راني عيان
سارة : اففف يماه
ادهم : وانا نقدر نرفضلك طلب ؟
سارة : ح....
راكو عارفين 🙂
قمرة و جمال
قمرة : حبي دوك شوية نرجعلك ...
جمال : اوكي متبطايش ...
قمرة : اكي
دخلت L salle de bain كاش 10 دقائق سمعها تبكي
راح يجري ليها لقاها خارجة m toilette شادة فالحيط و تشهق ..
جمال بلهفة : وشبيك كاشما صرالك ؟
قمرة : هزتلو براسها ايه
جمال : وش كاين
قمرة : ج ... جاتني العادة ...
جمال : ياك ماشي المرة الاولى !
قمرة : لالا
جمال : مالا علاه البكاء
قمرة : معنتها مارانيش enceinte 😭
جمال : هه علا هاذي درتي جنازة ؟
قمرة : لهاذ الدرجة قلبك بارد !؟
جمال : لالا بصح ربي هو الرزاق ...
قمرة : اممم صح ..
جمال : قنعتك ؟
قمرة : وي ..
جمال : و دوكا ارواحي تشربي تيزانة يخف عليك السطر ...
قمرة : اممم هيا ..
رفدها بين يديه حطها فوق الفراش و راح يجيبلها كيما قال ، شربتها و رقدوا معنقين بعض ...
بعد مدة 14 ساعة جوزوها بين الرقاد ، رومنسية ، ضحك ، ڨصرة بيناتهم لحقو لوجهتهم ...
نزلو من الطيارة و أول حاجة حسو بيها هي رائحة البحر ، لقاو طونوبيلات بالشوفور يستناو فيهم وصلوهم للاوتال إستقرو فيه ..
سارة كانت هكا 👇🏻