بعد 3 اشهر بالضبط ... واقفين قدام غرفة العمليات غير صوت عياطها لي يتسمع ، ادهم وسارة ، قمرة و جمال ، ريم بروبة العرس و قدامها امين ، اليوم عرسهم فمراسم الاختتام منار جاتها الولادة و أصرت يدخل معاها جاد ، شادة في ذراعو تعيط لربي لي خلقها .. منار : كاااامل بسبتك الاولى و التالية تاعك اااااااااه طبيبة : مدام ارخي روحك قريب تخرج جاد : حبي شوفي فيا ، اتنفسي بالعقل منار : واشمن تنفس اااااااي كي تكملو اغلقوها مايزيدش يدخل فيها حكمهم الضحك من هدرتها كي تنحطي فهذاك الموقف تولي غير تيري .. فوسط العملية فقدت الوعي و كملوها بالقيصري .. خرجوها لغرفة كانو مجهزينهالها كي فطنت جابولها بناتها ، ثلاث توأم بنات "وسام ، آيه ، ريهام" الاسماء هاذو منار اختارتهم ، فرحتوا كانت اكبر من كلش ، أذنلهم و حطهم ترضعهم .. جاز نهار عادي كي لحق الليل سارة لي باتت معاها بحكم ولدت من قبل .. مرت ساعات ، نهار يوم يومين و اسبوع ، اليوم السبوع تاع بناتها حبت ديرو فالقصر علاخاطر معضم المعازيم تاع باباها ، دخل للبيت رافد "وسام" اكثر وحدة تعلقت بيه .. جاد (بهمس) : ياروح بابا ، عيونو نتي نوضو ماما ؟ منار (بصوت تاعب) : ناضت ماماها ناضت جاد : اوهووه مدام منار راكي مبكرة اليوم منار : لي عندو ثلث بنات مايبكرش ؟ جاد : هه نوضي ليوم نهار كبير منار : هممم نحات الغطاء باش تنوض باستو و شدتها عليه باش ترضعها ، هكاك رضعت البنات دوشتلهم و لبستهم
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
خلاتهم عندو و راحت وجدت الكابات و وجدت حوايجها تان .. خرجو اليد فاليد جاد شاد زوج و هي واحد ، حطهم ماللور و قلعو .. لحقو صابو الدنيا مقلوبة الخدم رايحين جايين تلفتلها بيتها القديمة وين ، لمحت من بعيد امين (الحارس) واقف مع مرأة و طفل صغير في حضنها ركزت شوية معاها صابت ملامحها مألوفة يعني شافتها من قبل فرزت افكارها مليح باش تفكرتها ، شبه كبير بينها وبين روجيندا "مرت امين" حبت تتأكد من توقعاتها قربت منهم .. منار : سلام امين : مدام ، سلام منار : صافا ؟ امين : حمدلله منار : حمدلله ، سمحولي اذا قلقتكم ، مي كأنو بانتلي مرتك لالا ؟ امين (ضحك) : هه ايه ، روجيندا .. مرتي وهذا وليدي فهد منار : هه يسمى تخمامي صحيح ، نضن قتلي ماتت ؟ امين : كنت حاسب هكاك ، كانت مخطوفة منار : مخطوفة و شكون لي خطفها ؟ روجيندا : بابا منار : باباك ؟ كيفاه روجيندا : كان ضد فكرة زواجنا كي سمع بيا قريب نولد داني للبلاد تفاهمو على راسي هو و خاوتي منار : و هربتي ؟ روجيندا : كانت كاينة جنازة فالدشرة و دارنا كامل خرجو كانت اول مرة يخلوني وحدي ، خرجت من الباب الوراني و رحت اشتكيت و و ريتلهم آثار الضرب تاع وليدي كانو يعنفوه ، بابا بعدها حكمو عليه 2 عامين حبس خاوتي كي شمو الحالة قارصة قالولي نخلوك تروحي و اسحبي الشكوى وهذا لي صار رجعت و حكيت كلشي لامين ماستحملهاش لافيا و لا في وليدو راح تعدى عليهم جسديا و بسيف لا طلقوه ، هه نهدر بزاف ديزولي منار : ولو ياك انا لي سقسيت ، صدقيني لي خلق مايضيع و اصوب قرار خذيتيه انك تزوجتي امين ، عام على موتك و مزال يبكي عليك لوكان برك تشوفيه كيفاه كان يهدر عليك ، الحمدلله على سلامتك روجيندا : عيشك منار .. تبسمتلها و نزلت باست الطفل و عطاتو حبة حلوى منار : انا نخليكم امين : مرسي على كلش منار (ضحكت) : ربي يهنيكم امين : نشاله رجعت لجاد لقاتو لاهي مع البنات .. منار : جادوشي جاد : وين كنتي منار : امين و مرتو جاد : ايه ؟ منار : (حكاتلو) جاد : ربي يهنيهم ونتي لالة منين عرفتي امين هذا و داصرتيه رجع يحكيلك على مرته منار : حكاية كامل شديت غير الراشي امشي امشي جات رايحة شدها من ذراعها رجعها قدامو جاد : هدرتي مانعاودهاش منين عرفتيه منار : اطلقني وجعتني جاد : اهدري !!! منار : راك حاب تعرف ؟ تشفى كي خطفتني ؟ كي كنت ناسي وين درتني تعرفت عليه جبدت يدها و راحت تمشي و تمسح في دموعها لي هبطوا دخلو استقبلوهم قمرة و سارة لي كانت شادة وليدها و غير تضحك .. سارة : جات النافسة (سلمت عليها) اهلا الاخ (سلمت عليه) قمرة تان سلمت عليهم .. قمرة : جاد جوز للبيت لي قدام شومبرة منار تصيب ادهم و جمال نتم دوك نطلعولكم الذراري شدوهم و تعيشوا ماتنوضوهمش ، شوية و يلحقو ريم و امين راهم قراب جاد : اوامر تانية ؟ قمرة : هه لا صرات هكاك و بالنسبة لمنار و اخيرا تنفست اسبوع وهي مربوطة بيهم مي كيفاش حا توجد و مورالها هابط ... دخلت دوشت حطت كريماتها كلهم بريحة الفراولة خرجت بالكاب تنشف فشعرها بالسربيتة ، سمعت دقيق حلت لقاتو جاد قبل ماتهدر دخل طبع الباب و لسقها فيه منار : جاد ؟ واش راك دير هنا البنات وينهم جاد : اشش خليتهم مع خالتي فاطمة منار : وعلاه ماقعدش معاهم ؟ قربها ليه كثر حط يدو على شعرها و عينيه من عينيها مابعدهمش جاد : توحشت مرتي منار : دوكا بانتلك تتوحشها جاد : سامحيني ، راهي توجع ؟ هبطت راسها و هزاتو بايه ، حللها الكاب و نزلو على كتفها جاد : هنا ؟ منار : ايه باسلها البلاصة لي كانت توجع ، عدى صبعو على صدرها بحنية طبع بوسة عليه تاني و غلقلها الكاب .. تبسمت و قربت طبعت بوسة في خدو منار : توحشتك ضحك و جبدها من يدها طبعها على السرير و طاح فوقها ، شاف في عينيها شوية و غرقو في بوسة طويييلة لخصت الحب لي يكونوه لبعضهم ، كل بوسة كل حضن كل ليلة كل نضرة و كأنها اول مرة نفس المشاعر و الاحاسيس ، بعد منها مركز على ملامح وجهها جاد : نصبر روحي بالناشف حتى يفرجها ربي منار : هه صايي نوض الوقت عليا باسلها جبينها خذا نضرة اخيرة و خرج رايح يوجد روحو حتى هو .. بعدما راح ناضت نشفت شعرها و طلقاتو على طول ضهرها ، حطت مكياج خفيف لبست و دات نضرة أخيرة على روحها تبسمت برضى
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
سارة
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
قمرة
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
ريم
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
هبطت التحت لقات الصالون معمر نساء منهم لي تعرفهم ولي لالا سلمت عليهم و شدت بلاصة سارة كل ما جوز عليها تقوللها اقراي المعوذتين العين حق .. الرجال كانو برا فالجنينة استقهواو و عشاوهم كي لحقت 12:00 باش فرغ القصر ، كامل باتو نتم بحكم راح الحال و اصلا بكرو اليوم ... جازت ايام و اسابيع و سنين و حبهم كل يوم يزيد يكبر مشاعرهم تتجدد فكل موقف و كل محنة جوز عليهم ، منار بعد عام من ولادتها للبنات زادت طفل سماتو "اسر" سارة بعد عامين جابت طفلة "مروى" قمرة و جمال ربي رزقهم بتوأم طفل و طفلة "جهاد و جمان" ريم راهي حامل فشهرها الرابع ، اما بالنسبة لأمين و روجيندا سافروا لتركيا و فتحوا مشروعهم الخاص حابين يكونو بعاد على كل حاجة تفكرهم بالماضي لي فرقهم .. عيد ميلاد جواد الرابع اليوم ، جازو 4 سنين كبر فيهم ، رغم صغر سنوا الا انو قلبو تعلق بأية ..
~النهاية~ كأول كرو ليا كتبتها بكل حب كل ثنائي و كيفاه كانت علاقتو و كل واحد منهم واش وصل بحكايتو نشكر كل وحدة اثبتت وجودها معايا بـ"vote" و كل وحدة خلاتليرأيهابكومنت و أكثر بنات دعموني الفترة هاذي سميت بنات جاد و منار عليهم "ريهام , آيه , وسام" ملتقانافكرو جديدة "حـب الجـيره" ✨دمتم في أمان اللٰٓه و رعايتـه✨
