كملت الخطبة و لحق الليل ڨاع راحو للغرف تاعهم الا منار لي كانت في الكوزينة تدير في تيزانة للسطر لي راه قاتلها و متأكدة لي الدروة جاتها باسكو وقتها .. ولات لفراشها تحاول ترقد ، مكاش ... شربت الدواء تاع النعاس تان مكاش ، كي ما قعدلها حتى حل غير انو تروح للسبيطار يديرولها سيروم بصح شكون يديها في نصاص الليالي !! راحت لبيت ادهم مالقاتوش ، زادت بيت سارة تان مكاش عرفتهم خرجو كيف كيف ، خممت لوكان يديها باباها مي حالتو غير مستقرة ، ماقعدلها غير جاد ... دخلت لبيتو بالشوية ، شعلت الفلاش تاع التيليفون باش تضوي قابلها واقف بالشورت و مالفوق مالابس والو ... جاد : ضعتي ؟ منار : اه ... لالا ، برك حكمني سطر في كرشي و ماقدرتش نرقد و مكاش لي يديني لسبيطار ، الا مانقلقكش تقدر توصلني ؟ جاد : داكور نلبس و نجي مام نتي روحي البسي حاجة دافية البرد راه .. منار : مرسي مانبطاش عليك .. راحت لبيتها لبست
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
مام هو لبس سورفات نواغ و خرج ، تلاقاو فالطونوبيل ... مدة 15 د كانو قدام الكلينيك ... منار : شي ... مرسي ، دايمن نلقاك معايا جاد تبسم : ولو ، دايمن راح نكون بجنبك ... و مرسي نحيها منار : هه داكور هيا كرشي حا تنثقب ... جاد : ايه هبطو من طونوبيل غلقها ، غير لحقو للباب جا فبالو سؤال غير هي تقدر تجاوبو .. جاد : منار منار : وي جاد : تاعش هاذ السطر ؟ منار : اه ؟ جاد : من وين جاك ، كاشما كيليتي؟ منار : اه لالا ماشي مهم دوك يديرولي سيروم و راهي فرات جاد : منار قوليلي لازم نعرف وش نقول لطبيبة منار : شي ، تاع البنات جاد : ؟ (فهمها مي حب ينطقها) منار وجهها حمر : الضياف ، لي يجو غير للبنات .. جاد : اه فهمت ، بصح علاه عليك الحشمة عادي هاذي فطرة منار : لالا عادي علاه نحشم هه جاد : ايه ايه لحقو للإدارة لقاو مساعدة نثم سقساها على طبيبة نسائية مكاش ليوم مراهيش هنا ، لقاو غير طبيب ... منار : معليش جاد خليني بيفيه نفريها جاد : ماتجهلينيش منار وشمن طبيب ونتي بيك كرشك و زيد فنصاص الليالي ، كلمتي مانعاودهاش ... لالا لالا منار : وش دخل الليل فالوسط ، و زيد حا نموت بكرشي .. جاد للمرضة : ختي معليش دقيقة ، الطفلة حكمتها العادة و السطر راهو قاتلها معليش تقومي بالواجب بلا تدخل الطبيب .. الممرضة : اكيد ... داتها لغرفة الاستعجالات وين كانو بزاف سرر نثم .. ركبتلها السيروم و خلاتها ، شوية شوية حست بدوخة بين عينيها بصح ما إهتمتش و فسرتها على اساس نعاس ... شافتها الممرضة هكاك داتها لغرفة منفردة في الوقت لي كان جاد يخلص ... بعد شي 4 ساعات فتحت عينيها في غرفة كحلة و مضلمة ، حاولت تتحرك مقدرتش يديها و رجليها للزوج مربوطين ، حاولت تتفكر واش صار ولا واش راهو صاري بصح اخر شي راهو في بالها كي كانت فالكلينيك مع جاد ... منار بأعلى صوتها : عاونونييييييي ، شكون نتوما واش تحوسو من عنديييي أهئ أهئ .. شعل الضو و ياريتو ماشعل ، غرفة معبية بالوسخ ، دم في كل بلاصة و جهامة كبيرة تخوف قدامها ... ***: ماتخافيش .. مارانيش نحوس من عندك منار : وش تقصد .. !؟ شكون نتا ؟! ***: اممم على حسب معرفتي نتي هي معشوقة جاد*** منار : لا أكيد نتا مهبول ، ماراني معشوقة حتى واحد خليني نروح ... ***: بصح مشاعرو ليك ماتقولش هكا ، سي جاد راهو طايح على راسو ، و احرزي في من ؟ منار : ما...مايهمنيش *** : مع ذلك انا نقولك ، فيك ياروحو منار : كيفاه عرفت ؟ أصلا واش هو المراد من إختطافي ... *** : كيفاه عرفت ما يهمكش على قد مايهمك جواب السؤال الثاني ياك ؟ انا نجاوبك ، بابا متاجر باللا قانوني في منظمة تحت يد البوس الكبير ... كيما كل المرات كانت عندو عملية مدخولها كبير ، كلش كان عادي الى لحضة تدخل اب عشيرتك و حبيب قلبك ، الخسائر كانت كبيرة لدرجة لوكان تبيعي روحك ماتلحقيش ... قاطعاتو بإستهزاء : وشكون قالك حا نبيع روحي باش نغطي وسخ باباك ؟ *** : ماتقاطعينش ، مقابل هاذ التعويضات تعرضت يما و ختي (أشار بيدو للمرضة لي كانت فالسبيطار) للخطف ... يما انقتلت و ختي هربت .. منار : هه عائلة مثالية سمحت في امها باش تسلك .. *** : لثاني مرة ماتقاطعينيش ، و بابا ماستحملش و مات ... عرفتي دوك سبب وجودك هنا ؟ منار : والله ياخويا انا خاطيني و كيما راك تشوف جاد خاطيه ، المذنب الوحيد في موت يماك هو ختك لي سمحت فيها و باباك لي خاطر بيكم و دخل فالدومان على جال الدورو *** : مايهمنيش السبب قد الانتقام ، خيري .. 1-نخلص القديم و الجديد في جادوشك ، او الخيار الثاني لي هو تدفعي الثمن و الجواب لك ... بدون اي تفكير نطقت بلهفة : أكيد انا ، و نسمع حاجة صرات لجاد تأكد بلي انا مانهددش ... ننفذ *** : اكيد يا عيونو ... نخليك تتأكدي من قرارك .. خرج مالقبو مخليها ضايعة في أفكارها... في جهة اخرى بالضبط في المقر ... جاد : كيفاااه الكاميرات مسروقين انا علاه راني حاطكم هنا ، اذا تمست شعرة منها مراحش نرحمكم .. طيرو عليا مرانيش حاب نشوفكم .. _________ نهاية البارت
