بعد الشوبينغ لي كملوه بيفيه ، عيطت لراجلها و شبعت من صوتو ، وصلت البنات للقصر و توجهت للشركة تاعو ...
دخلت بكل غرور من نضرتها تشوف القوة بين عينيها ، من تبسيمتها تعرفها فرحانة فحياتها ... الكل يسلم و يعاود ، شكون مايعرفش اخت مديرهم العاقلة ، الخجولة ، المتواضعة عكس شخصية ادهم كلياً ...
طلعت لآخر طابق لبيروه لي جاي من التالي تاع الكولوار ، وقفها صوت طفلة تهدر و تاكل فشوينغوم ، تعيف ...
***: فاش نقدر نعاونك مدموزال ...
منار : نقابل جاد ...
***: عندك موعد معاه ؟
منار : لالا بصح خبريه لي انا منار يدخلني ...
***: لازمك موعد ، ارجعي فوقت آخر ...
منار : منيتك أكيد مراكيش عارفة واش نكونلو ..
***: هه واش تكونيلي نشالله ...
منار : مرت مديرك يعني جاد ، و ... (مكملتش هدرتها ، متحبش تستعمل إسمها فحياتها الشخصية)
***: هه مسيو جاد ماشي مزوج ، هيا ختي عندي خدمة بزاف ..
علا حسهم خرجت ريم تشوف واش كاين ..
ريم : نقصو عليا حسكم ، واش كاين ***؟
***: البهيمة هذي حابة تدخل بدون موعد ، واشنو ؟ مرت السي جاد هه
ريم : ههه ماشي حنا لي تحشيهالنا و دوكا اخرجي متضيعلناش وقتنا ...
منار : من هنا والله ماراني زاغدة ، و داخلة برضاك او من دون رضاك و الا بمكالمة وحدة مني نخرب عليكم حياتكم المهنية ...
ريم : مأمنة روحها عيطي للأمن يجي يخرجها مراناش ناقصين حشرات هنا ...
خلاتهم يهدرو و جبدت تيلفونها حطت نمروه مجرد ثواني و رفد ...
منار : حبي مزالك فالبيرو ياك ؟
جاد : ايه صاراتلك حاجة ؟
منار : لالا مي محبوش يدخلوني عندك
جاد : وين راكي دوكا ؟
منار : قدام بيروك ...
جاد : اوكي هاني جاي متتحركش ...
رفد روحو و خرج ليها لقاها واقفة قدام ريم و *** والامن جاي جيهتهم ....
جاد : حبي واش جابك ماشي قتيلي عندك جهاز توجديه ؟
منار : توحشت راجلي معليش ؟
جاد : هه أكيد معليش ...
جبدها لعندو عنقها و يهدر بهمس في وذنها ...
جاد : محتاج حضنك دوكا بالذات ...
منار : وانا اكثر يا حبي...
جاد : واش من مشكلة صرات ؟
منار : ماشي حاجة ، محبوش يدخلوني خاطر معنديش موعد ...
جاد : احكمو وجهها المرة الجاية دخلوها ديراكت
دخلو للبيرو محضنها مخليين ريم و السكرتيرة يتشاحنو
***: خرج مزوج تاع الصح...
ريم : وي شفت ، أعطيني أوراق ندخل ليه حابة نكون معاهم ..
***: راهو مع مرتو واش حا تدخلي ديري ؟
ريم : نبدالك بمرتو دوك ؟
أعطاتها الوراق زادمة عليهم ... تسمرت فبلاصتها مالمنظر ، قاعدة فحجرو ، يديه علا خصرها ، شفافهم متلاسقة ، ايديها وحدة علا رقبتو و الاخرى مغروسة فشعرو ...
دارت لجيهة الحيط على أساس حاشمة ...
جاد بالعياط : وشبيك مريضة داخلة بلا احم ولا دستور
ريم : سامحني مسيو كنت حاسبة نكملو الخدمة تاع اليوم ..
جاد : مكاين حتى خدمة كلش خلاص اليوم شوية و نخرج شوفة عينيك كي تكون مرتي كلش يحبس ، اسبقيني واغلقي الباب وراك ...
خرجت تغلي من هدرتو على مرتو ...
منار : كانت معاك هاذي ؟
جاد : امم
منار : معجبتنيش ...
جاد : خطيك منها ، قوليلي ... كملتي بكري اليوم ؟
منار : امم حبيت نجي ليك ... توحشتك
جاد : جيتي فوقتك ...
منار : ياك ، هيا نروحو للدار راني حابة نقعدو وحدنا شوية ..
جاد : منقولش لالا ، مي نتفاهمو من دوك وجدي روحك ..
منار خبطتو لصدرو : أحشم ياو
جاد : هه مرتي نهدر واش نحب ...
جبدها ليه من خصرها و خرجو الأعين الكل عليهم ، عمرهم لا شافو سي جاد الصارم و المنرفز عام وطول يضحك و يتمسخر ، يلعب معاها بيديه ، تاع الصح مخرجة الجانب الطفولي لي فيه ، واحد ماقدر يكتشفو غيرها ...
راحو لدارهم و صرا لي صرا بينهم مدخلناش 🌝 بعدها رجعها للقصر و ولى للدار لقا ادهم و جمال راقدين ..
جاز اسبوع يجري متبدلوش فيه بزاف حاجات غير انو جاد كان فليل يدي منار للدار يدي حقو كزوج و ينحي الوحش و يردها للقصر بعد ايام قليلة منار شافت قمرة تبكي على جمال و سارة تان وحمها جاها على ادهم حبست الخرجات تاع الليل علا خاطرهم ...
لحق اليوم الموعود اللي ڨاع ستنيناه على أحر من الجمر ...
فبيتها قدام لاكوافوز البنات دايرين بيها من كل جيه ... وحدة تمشط و وحدة تماكيي و وحدة تخدملها في ضفارتيها ، أما التحت فقمرة هي لي قايمة بكلشي من تجهيزات والخ ....
بعد شي 2 ساعتين كمللوها الخدمة و كانت واجدة ... حباباتها لي في مقام خاوتاتها تان كانو واجدين ، كانو أميرات على حالهم ، أي واحد يتمنى يملكهم ، و يا سعدهم لي داوهم ...
منار كانت اميرة في عصر الحضارة :
VOUS LISEZ
أحببـتہ فوق الحـب حبـاً 🦋 {مكتملة 🇩🇿}
Romance• الكرو هـذي تحكـي علا رجـل أعمال ورجـل مافـيا فنفـس الوقت يقـع فـحب أخـت صاحـبو و فـنفس الوقـت صاحبة ختـو ... يكونو عايـشين سعـداء بصح مع الـوقت يضهـرو الاعـداء تاع البـطل و يبداو الكـوابيـس تاعـهم 💀 ~~~~~~~~~~~~~~~~~~~~~~~~~ ...
