بعد مدة وجدو العشاء لي كان متكون من اطباق تقليدية و مملحات و من هاذ القبيل ، طلعو لبيتهم هو لبس سورفات كحلة و هي بدلت 👇🏻
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
طلقت شعرها الطويل على كتافها و دارت ماسكارا و غلوس ... موراها بشي 15 دقيقة لحقت سيارة ادهم و بعدها جمال مع ايمن (صاحب جاد) و قمرة اكيد دخلو رحبو بيهم فالصالة ... منار : البنات معليش جو معايا دقيقة ؟ جاد : وين بيها ؟ منار : نسحقهم جاد : قوليلي ليا منار : هه حاجة تاع بنات حبي مانبطاش سارة : متخافش خو مرتك راهي في أيادي آمنة جاد : طيري نتي وياها نعرفهم الايادي الامنة كيفاه دايرة طلعو للبيت يضحكو من غيرتو الزايدة ... قمرة تغلق فالباب : واش كاين علاه جبدتينا من وسط الجماعة عيب عليك منار : نتي تعرفي العيب نتي ، (بتوتر) المهم راني نرعش وحدي خايفة من ردة فعلو ولا مايتقبلوش سارة : وشبيك هبلتي كيفاه مايتقبلوش ديجا اصلا شكون مايتقبلش وليدو من المرأة لي يحبها قمرة : ايه اول مرة نوافقها الرأي سارة : شفتي حتى هاذ الشطبة وراهي عارفة منار : هيه صح قمرة : وقتاه ناوية تقوليلو منار : مور العشاء سارة : هاا نسيت ؛ بابا و ادهم راهم عارفين -حلت عينيها مالصدمة .. منار : كيفاااااه ، وحنا مخليينهم وحدهم حابة تخربيها علينا حلت الباب هابطة تجري باش تنقذ الموقف لقاتو راح يحل الباب لي صونا ، صابوها ريم هازة في يدها مجموعة اوراق .. جاد (بإستغراب) : خير مدموزال واش كاين الليل لليل ريم : ديزولي على الازعاج بصح كاين حاجة مهمة بزاف ماتستناش لغدوة و عيطتلك التلفون مسكر ... جاد : خير ريم : نفس الشركة **** طلبو إجتماع آخر قال حابين يمدو فرصة اخرى و هاذو اوراق العقد جاد شاف في أدهم بفرحة شوية و رجع لبرود تاعو مكمل يحكي ... جاد : مانسحقوا حتى فرصة هوما حبوا يفسخو نكملو فيها خير ولا واش قال ادهم ؟ ادهم : ايه مراحش نقعدو نرموا في روحنا عليهم خدمة هاذي ماشي لعب منار : دقيقة واشمن خدمة و إجتماع راني كي الاطرش في الزفة جاد : امبعد نفهمك حكاية شوية طويلة ريم : قرارك الاخير نخبرهم بالرفض؟ جاد : وي ريم : مالا بونوي منار : لحقتي للباب و مادخلتيش جوزي تتعشاي معانا راح نحطو الطابلة ريم : ماتشقيش روحك مدام اصلا جيت على امر ضروري et puisque ديت لي نسحقو نروح احسنلي منار : ترديهالي في وجهي جوزي على الاقل مايقعدش بيننا مشكل اول لقاء .. سارة : غير ادخلي راسها يابس اذا حبت حاجة ماتتهناش غيرا دارتها ريم : هه مدام هكاك ندخل وخلاص منار : ايه جوزي ... -راحو البنات للكوزينة يوجدو الطابلة وحدة تدي و وحدة تجيب بعد شوية كملوها راحو يعيطو للرجال يجو منار (بالعياط) : جاد ... جاد : وي منار : هيا ارواحو رفدو رواحتيهم و راحو la salle a manger لي مكانش جيعان جاع كي شافها .. عارف مترأسها جاد و منار على يمينو و ادهم و سارة جنبهم ، قمرة و جمال على يسارو و معاهم ريم مقابلها ايمن ... عارف : بسم الله بداو ياكلو ما خلاو من والو و اكثر واحد ايمن على خاطر هو ضابط هنا مي من مدينة اخرى يسما يتوحش ماكلة الدار .. جا راح يدي الملح لي كان فوسط الطابلة تلاقات يدو بيد حنينة و صغيرة فنفس الوقت طلع راسو لقاها ريم كورون ضرب في راسو تبسملها و جبد يدو ، دارت و مدتهولو بتوتر .. امين : يعطيك الصحة مرت خويا ماكلتك الله يبارك منار : هه يسلمك و مرحبا بيك فأي وقت -قرصها جاد في فخذها و هدر بهمس جنب وذنها .. جاد : شحال من خطرة نقولك ماتضحكيش مع الرجال منار (بنفس النبرة) : يهديك ربي صاحبك هذا جاد : ولو نزيد شوية نحرم عليك خوك منار : نضربك نهبلك قالو خويا جاد : يااه امبعد نشوفو الضرب كيفاه داير ، حسابك كي تفرغ الدار على طوال اللسان مع راجلك بلعت ريقها غير بالسيف خايفة من واش جاي بصح تعرفو مايفرطش فيها ... كملو عشاهم فوسط الضحك و القسرة و كامل يشكرو فماكلة منار ... منار : مدام كامل كملتو نخملو حنا البنات و نتوما استناونا فالجنينة نلحقوكم .. هزولها براسهم و دارو كيما قاتلهم ؛ البنات رفدو الطابلة و دارو الماعن في lave vaisselle و خرجو ليهم حطو الكايك لي خدماتو منار مع les boissons و مكسرات و فاكهة و شوكولا و داو تاني شوية العاب كيما uno و بالونات تاع الماء (دوك تعرفو علاه) و بزاف صوالح للتسلية .. منار : مع انو معضمكم عرف بصح كاين لي مزال كيما راجلي العزيز (ترقع فواش دارت😂) و صحابنا و حبابنا المهم نعطي التغطية لسارة .. سارة : احم كيما راكم عارفين راني حامل فالرابع وووووو قمرة : انطقي سارة : بلعي ، المهم مدام راني فالرابع معناها لحق وقت معرفة الجنس جاد : طفلة باينة عندك ملي عرفتي ونتي هابلة عليها سارة : خطاء ، طفل جمال : طفل ذكر ياك ؟ قمرة : وي جمال (خبط ادهم لكتفو) : مبروك عليك شريك يتربى في عزك انشالله ادهم : نشالله و العقيبة ليكم نتوما تاني جمال : امين عنق قمرة بمعزة .. فهاذيك الاثناء جاد ناض رايح لسارة باسلها راسها و عنقها يهدر في وذنها .. جاد : ماتقدريش تعرفي شحال فرحتلكم انني نشوف قطعة منك نتي و خويا و ماشي صاحبي جاية فالطريق وحدها تفرحني ؛ مبروك يا احلى اخت (وانا علاه ماعنيدش خويا😔) باسلها راسها و راح قعد حاكم بلاصتو ... -جاز شوية وقت قسموه فاللعب حتى قاطعتهم منار تحكي .. منار : جبنا البالونات تاع الماء و مادرنا بيهم والو ، نلعبو لعبة ؟ جاد : لي هي ؟ منار : زعما نتا تقعد فالكرسي و انا نوقف فواحد اخر و نسقسيك تغلط نثقبها داكور ؟ جمال : مليحة عارف : انا عييت مادخلونيش فاللعب تاعكم قعدولي يامات خلوني نعيشهم منار : اووه بابا علاه راك تقول هكا ؟ راح تعيش و تشوف حفادك نتا برك اعرف تلعب عارف : هه صحا بنت البارح ولات تنصح فيا منار (بغرور) : ماشي منار بن مالك في باطل .. ريم : دقيقة دقيقة ، نتي و ادهم خاوة؟ منار : هه ايه مالصباح ونتي معانا مافهمتيش ؟ ريم : هه لالا شفتكم كامل تقولولو بابا حسباتلي هكاك برك منار : هو بابا انا و ادهم مي سارة و قمرة خواتاتي الروح بالروح و جاد مانقدرش نعتبرو خويا ادهم : يحي تبهديلة جاد خوك منار : هههه ، اووووه خلونا فاللعبة (قالتها بغضب) احم شكون يبدا ؟ سارة : انا و قمرة منار : هيا ... طلعت سارة فوق الكرسي و قمرة قعدت و بدات سارة تسقسي .. سارة : واش نقرا ؟ قمرة : ادارة اعمال سارة : واشمن عام ؟ قمرة : الرابع سارة : على واش راني نتوحم ؟ قمرة (بغرور) : احم عليا .. طرطقو كامل بالضحك كي ثقبتلها البالون على شعرها قمرة سمعتها مالا يرضي الله .. قمرة : لي زاد لعب معاكم سارة : هه وينتا شفتيني توحمت عليك ؟ توحمت على راجلي حبيبي قمرة : علاه انا واش خصني ؟ منار : خلاص خلونا ، دوك انا و جاد .. جاد : غير مكلاه تخلطي فيا راني عيان منار : جاد غير نوض جاد : اوووه .. ناض مستسلم وهي فرحانة و متوترة ؛ طلعت فالكرسي وهو قعد كيما كانو البنات قبلهم .. منار : راح نبدا جاد : شرفينا شافت فسارة و قمرة للمرة الاخيرة قبل ما تبدا طمنوها و بدات تسقسي .. منار : تاريخ ميلادي؟ جاد : 23/12 منار : كيفاه تزوجنا ؟ جاد : عن حب ضرباتو لضهرو مغزلة .. منار : لي بيننا اسمو حب ؟ جاد : عشق ، غرام ، هيام ، هوس .. منار (بحشمة) : احم خلاص جاد : درت قدر لباباك ايا نتي حبيتي باستو من خدو و كملت تسقسي .. منار : تاريخ زواجنا ؟ جاد : 2022/07/08 منار : شحال عندنا ولاد ؟ جاد : تحرشي بيا ياك؟ باينة ماعندناش .. ماحس غير بالماء يسيل منو ناض حا يكفر الدقيقة الاخيرة شد روحو .. جاد : منار واش درتي درك ؟ منار : قانون اللعبة هكا لي يغلط يخلص جاد : سقسيتيني اذا عندنا ولاد جاوبت... (بدا يحل مخو) دقيقة دقيقة ... شاف فيهم بالواحد لقاهم يضحكو الا البعض ماشي فاهمين دار ليها لقاها شادة التصاور تاع الايكو و تضحك ؛ عينيه دمعو و قعد يشوف فيها بنضرة تاع صح ؟ لي فهمتو صحيح ؟ منار : حامل من شهر !! هبطت من الكرسي حطتلو التصاور فيدو قعد يشوف خطرة فيها و خطرة فيديه بعيون قريب تبكي من شدة جمال الشعور ؛ بلا ما يحس صاب روحو معنقها و ادهم و جمال و ايمن يصفرو .. بعد عليها شوية وقعد شادها من خصرها هدر في وذنها بصوت مغري كلو احساس .. جاد : منحتيني ثاني افضل شي في حياتي و اولها نتي ، ثمرة حبنا قطعة مني و منك راح جي و ترفد اسمي ، تعمرلنا الدار ، حققتيلي حلمي و هو نشوف ولادنا بينا ، مرسي لي خليتيني نحس بهاذ الشعور مرسي لي قدمتيلي هاذ الهدية ، مرسي لي دخلتي لحياتي .. ختمها ببوسة فخدها قدام وذنها خلاتها ترعش مالداخل ... نروحو لريم لي كانت غايسة تفكر ، فيقها من سرحتها عارف كي جا تمنالها العقيبة ليها .. ريم : مافهمتكش عمي ؟! عارف : منار راهي حامل ، عقيبة ليك بنتي شافت فيهم و عاودت دارت ليه ريم : امين يتربا في عزكم نشالله استغربت من روحها كيفاه ماحست بوالو بالعكس فرحتلهم ، رفدت ساكها باش تروح للدار افكارها مشتتين حابة تريح ؛ باركتلهم و دارت خارجة من تم وقفها صوت رجولي ايمن : مادموزال .. درات ليه متوترة : انعم ؟ ايمن : شدي هاذي طاحتلك .. شافتها لقاتها السنسلة تاع باباها كيفاه طاحت وهي جامي تنحيها من رقبتها .. ريم : مرسي وين لقيتها ؟ ايمن : وين كنا قاعدين ريم : اه مرسي بزاف ايمن (تبسم) : بلا مزية ، راكي رايحة ؟ ريم : همم دوك نطلب طاكسي و نروح ايمن : وين حاتلقاي طاكسي على 1 تاع الصباح امشي نوصلك معايا ريم : نن ماتشقيش روحك ايمن : هدرتي مانعاودهاش تبسمتلو و دارت تمشي معاه ، ركبو فالسكات حتى قطعو ايمن بسؤال ايمن : وين تسكني ريم : ***** ايمن : هه صحا بنت حومتي ريم : علاه تسكن نتم ؟ ايمن : وي عندي اسبوع ملي انتقلت ريم : ماتقوليش برك نتا الجار لي كان يشوف فالماتش البارح ايمن : منين عرفتي ؟ ريم : راك فوقي ماخليتنيش نرقد ايمن : اوو ، سمحيلنا ريم : هه نورمال تبسملها و كمل طريقو .. -فالفيلا ؛ منار سيفت عليهم يباتو عندهم علاجال عارف لي عينيه كانو ينغلقو وحدهم و جوزت رايها كيما حبت .. ______________ نهاية البارت 🦋 ايمن 👇🏻شخصية هادئة و كتومة خاطيه البنات جاي انسان يخاف ربي ، ضابط (عميد) معروف فالمجال بخدمتو و نجاحاتو غير كيما انتقل لحي ريم علاجال الخدمة ...
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
ريم 👇🏻مديرة تنفيذية ، شخصية قوية و عفوية كانت تحب جاد مي اكتشفت العكس كان حب تملك برك ، خاطيها الرجال مع انو لي يشوف لبستها يقول العكس ، فيها جانب طيب راح نكتشفوه مع بعض
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
