تمر حنة

بارت الثامن

بدنياي اعيشن قوي
وماعندي نقطة ضعف ،
بس لا يذكرونك
يالخذت طعم العمر
ماعندي نقطة ضعف
بس انت وعيونك ..
/////////////////////////

زينه..ماعرف شريدن اسوي الجام مال مطبخ كله اطشر اعلينه والضوايات تكسرن صارت ضلمه باقي شوي ضوه يجي من الباب زحفت زحوف رجت فتحت الباب باوعت نور كاعده وصافنه رحت يمها نور نور امي بيج شي

نور..ها لا لا مابيه

زينه..تمر بيج شي ماجاوبت تمر وينج

نور..خاف طلعت يربي ماجاي اشوفن شي

زينه..بعد دقايق سمعت سيارات طلعت والرصاص وكف كمت ركض للاستقبال شفت امي وجديتي يترادمن يريدن يخابرن على احد من الولد اخذت تلفوني وطلعت للمطبخ شغلت الضوه واشوفن تمر نايمه رحت يمها تمر تمر شبيج جانت لابسه دشداشه وردي باوعت عليها كلها دمايه احس عقلي فصل تمر تمر

نور..ماتت تمر حبابه كعدي تمر

زينه..فتحت تلفوني وانه ايدي ترجف دكيت على سفيان غالقه ابوي جدي تلفوناتهم مغلقه دكيت على فهد جاوب الو

فهد..شبيج زينه

زينه..كمت ابجي ماكدرت احجي فهد فدواتك تعالو للبيت

فهد..بس فهميني شكو

زينه..هجمو على بيتنه ونخلو رصاص وتمر تمر تصاوبت ومجاي تجاوب عليه فدوه تعال

فهد..شجاي تحجين جاي شراح اكله السفيان يتسودن بهل ليله يمحي ال وهدان كلهم رحت يم جدي ترخصت منه اجه وياي

جدي ابو حبيب..شمالك بويه

فهد..جدي وهدان الچلب هاجم على البيت وتمر نصابت ماكدرت احجي كدام سفيان

جدي ابو حبيب..بوي رجلها شنهي مانكله اطلع جدامي للبيت وانه وراك جاي

فهد..طلعت للبيت باوعت كله رصاص والطلقات اباب البيت شلت اثنين انه الك يوهدان دخلت جانت جده كاعده تنعى وامي بصفها جده وينهم

مرت عمي ام سفيان..يمه بلمطبخ فدواتك تلاحك للبنيه

فهد..دخلت زينه ونور كاعده يمها ويبجن خويه شمالجن زينه انتي مو دكتوره

زينه..فهد هوايه نزفت عفيه يله

فهد..شلتها من مجانها داطلع صار كبالي سفيان

زينه..اجه سفيان الكاع اليمشي عليها تجوي شكد ماصاير عصبي من شاف تمر نضراته زدت فوك عصبيته اخذها من ايد فهد وخلاها بسيارته وصعدت ويا وطلعنه للمستشفى احسه طار بينه وصلنه نزل اخذ تمر حتى بيبان السياره عافها مفتوحه ورانه اجه فهد وجدي وابويه دخلنه ركض ورا سفيان الچان يصيح على الدكتور جره ابوي وجدي بره والدكاتره يم تمر جوه

جدي ابو حبيب..بويه استهدي برحمانك كول يا الله

سفيان..ومحمد وحق هو العباس اذا صار شي بتمر مايطلع على وهدان صبح