تمر حنة

بارت واحد وستون

//////بنين الزبيدي ///////
::::::::::::::::::::::::::::::::

فوك همي وفوك جرحي
وجيتك تقاسمنه همك
لجن موش بكيفي صدك
شاهد بمسرح جريمه
الناس تجربني اعلى رسمك.....
:::::::::::::::::::::::::

مروه..طلع ضليت كاعده بغرفتي ودموعي تجري ليش هيج ديسوي ليش هيج ديعلقني بي اكثر وأكثر والله حرت ويا ساعه يكول ماكدر ابدي حياة جديده ساعه يكول تخصيني مسحت دموعي وكمت حضرت غراضي انتهى دوامي طلعت شفت طيف واكف بصف عمر ويحجي عمر طبطب على ضهره وماعرف شنو كله رحت يم عمر وحجيت ..يله عمر

عمر..يله يابه

مروه..طلعت وملتفت بعد على طيف ابد صعدت بسياره ويا عمر وطلعنه كضيت الطريق كله صافنه فزيت من عمر خله ايده على متني باوعت جان واكف يم حديقه حلوه باوعت عليه اكو شي عمر؟

عمر..تعرفين انتي روح عمر مو ؟

مروه..ادري ابويه انت

عمر..كبرتي والله مراوي وصارو يجونج خطابه

مروه..دنكت راسي جنت منتضره يفتح موضوع علي جوارينه

عمر..تدرين طيف الجمعه جاي هوا واهله الخاطر يمشون عليج

مروه..رفعت راسي بصدمه ش شنو؟

عمر..ياعيني حبيبتي طيف مو بس صديقي طيف اخويه وتعرفه خوش ولد ونشمي اخو خيته الله شاهد مراوي القرار الج تقبلين بي او ترفضين هاي حياتج انتي راح تعيشيها مو احنه ابويه فكري زين