تمر حنة

بارت السابع والاربعين

//////بنين الزبيدي//////
....................................

اضمك وين؟
من ياعين؟
هوه المثلك شينظم
ياالجنك بخور هنود
من سابع سلف
ينتشم .

..............

عمر..خلتولي متجي بعد بس لاتبجين روحي انتي

تمر.. كعدت بلكاع من البجي وهوا حاضني ويمسح على ضهري وخرت من حضنه وصارت عيوني بعيونه وحجيت وانه ابجي وأشهك قوي مااكدر اشوفها عمر ما اكدر والله انه انه ماكرهه احد بس احسها راح تسوي شي وتأخذك مني والله احسها تريدك عمر انت مالتي انه انه انت دواي وانت راحتي وحبيبي وزوجي وكلشي الي ماريدها تباوع عليك حتى حتى لو بلغلط انه انه ما مستعده أخسرك والله مامستعده انت اهلي كلهم انت عافيتي كلها انه بس يمك عشت بس يمك حسيت بلحب بس يمك حسيت بحساس الهفه انه بدونك جنت لا شيء والله لاشيء الحد هسه كلماتها تبالي من تكلك انت الي حقي الي لا انت حقي الي انه انت الشخص الي طلعني من الضلام الي جنت عايشه بي انه احبك اي عمر انه هواي احبك مسح دموعي وباسني من راسي وحجه بحركه

عمر..اروح فدوه الدموعج ابويه لا تبجين لا تبجين تمر تحركين روحي بدموعج والله تحركيها لا تبجين اسمهان من اليوم ما تدخل هل بيت والله حتى إذا هيه موجوده اطلع اني بس لا تبجين اروحلج فدوه ونذر يابعدهم اني اشوف وحده غيرج لج تمر انتي زوجاتي اربعتهم انتي حبيبتي انت طفلتي وبنتي ليش تبجين هيج اني راح اعوفج بسهوله واروحلها لج اني حاربت عليج تمرتي لا تبجين يمن اروح فدوه الكل دمعه نزلت منج

تمر..حضنته قوي انه احبك عمر احبك

عمر..شرايين عمر انتي روحه وبيته وأمانه ومأمنه انتي

تمر..اول مره بحياتي اتجرء هيج بسته من شفايفه هوا تجاوب ويايه شالني من الكاع واخذني للجربايه اول مره أتجاوب ويا بكل تصرفاته حسيت روحي اني رايدته بكد ما هوا رايدني ختم ليلتنه الجانت عباره عن سباق حب ولهفه وغيره وكلشي نجمه بيها باسني من راسي ونام بصفي وهوا يلهث جرني الحضنه وغطانه خاله راسي على صدره حجت وانه ايدي بأيده..انت كلشي الي عمر إذا فديوم تعوفني والله ماراح اعيش والله سبب وجودي انت تعرف شنو مستعده احارب عليك والله باسني من راسي وايده تتحرك على زندي وحجه

عمر..ماراح اخليج تحاربين تمرتي ماشفت ولا راح أشوف غيرج انتي روحي من هل دنيا انتي شمسي وقمري انتي روح گلبي

تمر..غمضت عيوني ونمت نمت وانه عاشكته العمر ثاني يوم كعدت شفته ماهوا يمي كمت تثاوبت سمعت صوت بره بصاله اخذت ملابس ولبست فتحت الباب شوي شفت خالتي كاعده وتحجي ويا انه ابد مو من عادتي اتسنط بس نجبرت هيج اسوي جان حديثهم عن اسمهان

عمر..يمه تغار تمره تغار عليه من صخمان

خالتي ام عمر..يمه هيه هاي تصرفات الي دتسويها اسمهان لازم ترجع تتعالج حقها تمر تغار حقها انت رجلها يمه وهاي كاضيتها عمر حجه وعمر كال عمر وعمر زين منها ما تكتلها تمر والله زين اطردها عمر اطردها اني اجيت لين من داصعد اجيب الاوتي داكوي ملابس ماجد وسمعت بجيها والله گلبي نمرد اسمع عمر اني تمر احبها هاي مو بنت اختي لا هاي بنتي بعد الضيم الي شافته من بيت عمها لا ترجع اسمهان وتعيد تعبها والله زرفت گلبي شهكاتها