/////////بنين الزبيدي/////////
::::::::::::::::::::::::::::::::::::::::
شنفضهن نفص
شو كلهن التمن
لا عطوة النطني
ولا رضن يهدن
شكثر إسهام كلهن
فد وكت هدن
سهم وداع
سهم اوجاع
وسهم عمري
وشبابي الضاع
شنفضهن..
ونيابهن حدن
><><><><><><><><><><><>
تمر..باوعت داير مدايرهم كلها زلم لابسه اسود وشايلين اسلحه واخواني وروحي وعمري واكفين بنصهم ردت اوكع ماكدر بعد اوكف رجلي احسهن ماتن داوكع لزمني وصاح بصوت عالي
سفيان..ماتاخذها اله وهيه جنازه
فهد..سفيان خويه شجاي تسوي فدوه العيونك عوفها هاي تمره
سفيان..هيه لين تمره هيج سويت انه أخذوها مني تمره اخوك أخذوها منه
عمر..سفيان لا تجرب حضك اكثر عوفها
سفيان..مو تدلل اعوفها الك بس ثمن هل شي غالي
تمر..رفع ايدي وخله بيها سلاح السلاح ثكيل اول مره الزم سلاح انه وجهه الصوب عمر وكلهم صيحو شهكت وحجيت..الله يوفقك عوفهم سفيان عوفهم
سفيان..عمرج يريدج هذا الثمن حتى ياخذج لو انتي تموتين لو هوا اختارو
تمر..بعد ما اتحمل كل الي جاي يصير تعبني تعبت كلشي بيه تعب الدنيا ضلمه بس البلوجكترات الي بل مكان مسويته دنيا نهار عبالك ألازم ايدي الي خال بيها السلاح قوي وموجهه صوب عمر باوعت على عمر ابتسم وحجه
عمر..يله تمره سويها ورجعي مأمنج يم ماجد عيون عمر انتي
تمر..هزيت راسي بـ لا وحجيت وانه صوتي يرجف ..عمر عوفني وروح
عمر..الآخر يوم بعمري ما راح اعوفج
سفيان..مسلسل العشق الممنوع ماخلص يمكم
تمر..رفعت راسي على سفيان وحجيت..اكرهك انه الحد آخر يوم بعمري أكرهك سفيان
سفيان..كرهيني بس راح تضلين انتي الشخص الي كتل شخص نجا من الموت تمره راح يكرهونج وينذبونج كلهم خصوصا بيت خالتج الي هسه جاي ميتين بيج
تمر..صرخ بصوت عالي وحجه
سفيان..يلهههه
تمر..لزمني قوي من جتفي وثبتني وخله اصبعي على الزناد وماعرف شلون والله ماعرف بثانيه بس بثانيه طلق طلقه من السلاح بس سمعت صوت الطلقه طلعت من السلاح بعد محسيت بشي ماعرف شنو صار بعد محسيت بس من كعدت شفت روحي بسياره ويمي ممرضات ثنين باوعت وحجيت بتبعثر.. ع م ر رجعت غمضت عيوني وبعد محسيت بشي احس واسمع صوت عالم داير مدايري بس ماكدر افتح عيوني مااكدر أجاوبهم واسأل على عمر اسمع صوت عالم تصيح بصوت عالي اسمع صوت غالب وفهد يتعاركون بس مداكدر افتح حسيت احد يضربني على خدي بهدوء فتحت عيوني صارت مروه كبالي ضليت افتح واسد بعيوني مغوش الحد ما وضحت الرؤيه عندي باوعت جان امي وابويه واخواني وحنه يمي حجيت..ع م ر
أنت تقرأ
تمر حنة
General Fictionبعض العادات المرهنه حتى الان بعض الشيوخ وابناء العم الضالمة عادات تقتل احلام الاناث وتحرمهم حياتهم بينة حب ونهوه وكراهيه ثم يأتي حب ينتهي حلم الاختين.... ليس كل اهل كانو سنداً لبناتهن فهناك اهل كانو اول عذاب الهن الناصريه ذي قار نبدي روايتنه الي...
