تمر حنة

بارت لاول

ابو غالب..بويه تمر وينج

تمر..هله يابه جيتك رحت بست ايده وراسه ها بابا

ابو غالب..يبعد روح ابوج اليوم جايينه خطار بويه

تمر..هله بلي جاي يابه بس منو

ابو غالب..ابن عمج شيخ سفيان وعائلته

تمر..اهووو بويه شكد مكروه

ابو غالب..لا بويه والله ازعليني منج

حنه..يابه راح يجي ويجيب ويا هذا اخو المغرور

ام غالب..ههههه يايمه يا ابو غالب متكدرلهن لبناتك

ابو غالب..هههههه حبيباتي ذني بويه تمر حنه خطار يمنه هما ولتنسون ولد اخوي

تمر..سلام انه اسمي تمر ادري اسمي شويه غريب بس ماما تنست بيه وبأختي التؤم تمر وحنه فا سمونه تمر حنه مواصفاتنه اني عيوني خضر وحنه عيونها صفر اثنينه عدنه خدود ودبدوبات يعني عدنه كرش هيه اكبر مني بدقيقتين عمرنه17 صف خامس علمي
سنه شعري اشكر على ذهبي وهيه نفس الشي لي يختلف انه كصيره هيه شويه شويه طويله انه عندي غمازه بخدي هيه عدها بحنجها بابا ربانه على شخصيه قويه ومنخاف ونحجي لحق حتى لو احنه غلطانين لازم نعترف بغلطنه بس احنه البيئه الي تربينه بيها عشائريه يعني كلمتنه والكاع ممسموعه عدهن البنات فد شي عيب اذا اهلنه زينين ويانه يوم يومين باقي الايام لا اهلي الحمدالله يحبونه بس تبقى العادات تمشي بدمهم  ابويه شيخ معروف لكل تحبه وتهابه عندي 3اخوان

الجبير..غالب عمره 25سنه متخرج من كليه الصيدله صيدلاني يجنن مواصفاته عاديه طوله وسط عنده عضلات وصدر عريض اشكر وعيونه عسلي

الوسطاني..باقر عمره23سنه متخرج من كليه الهندسه موصفاته طويل اسمراني صدره عريض عيونه سوده

الصغير..خالد عمره22سنه يدوام مرحله رابعه بكليه القانون

بابا..شيخ مرجان محبوب من لكل ماعنده اذيه على احد عادل بكلشي ميحب يضلم احد ابد

ماما..شيخه اميره هاي شيخه كلبي اطيب بشر بل دنيا تحب لكل
     
                 ♤خلصنه مواصفات عائلتي♤

هسه نجي مواصفات بيت عمي بيت عمي عايشين ويا جدي وبيبي بلبيت لين جبير فا عايشين بي ومرات احنه نجي نبات يمهم هيه صايره هوسه بهوسه

عمي حامد..احسن عم بل دنيا فد حباب وكلبه طيب ويحبنه اني وحنه ودائما يصيح النه العزيزات

مرت عمو..اسمها فاطمه نفس امي كلبها طيب الى درجه وتحب الكل وتحب تساعد الكل

ابن عمي الجبير..اسمه سفيان عمره 30سنه ممزوج منو تزوجه وهوا ضحكه ميضحك هوا شيخ معروف بل سلف على كولت امي وحنه طويل اسمراني عيونه مثل عيون النسر يخوفن مجرورات عنده عضلات وصدر عريض ميعرف يضحك ولا يبتسم كاعد ودائما مبوز لا يضحك ولا يبتسم عقده اني وحنه نسمي ويخازرني دائما وين ميشوفني يخزرني مادري شبي ويايه