تمر حنة

بارت الثاني والاربعين

بنين الزبيدي/////////
........................

ليهمك حچي العالم
ركز بية بس وحدي
محد مثلي بيك يموت
لا قبلي ولا بعدي
اواجه كلشي اني وياك
لو كل البشر ضدي

..................:.:.:..

عمر..عاشكج وحق ربج عاشكج

تمر..ابتسمت وصلنه للقاعه وصف عمر السياره ودخلنه كلنه لكيت طاولتنه كلهم كاعدين عليها خالتي وبناتها ومرت عمي وامي والبنات والولد كعدنه انه وعمر يمهم صارت الدخوليه مالتهم وصورت وانه كاعده شلون لازمها ويبتسم كأنو حنه احلى واغلى انصار بحياته وصلو النص القاعه وشتغلت اغنيه الف مبروك مال حسام الرسام وكفو حنه وفهد واحد يغني للثاني بنص القاعه والتصوير عليهم فدوه شكد حلوين وفرحانين ويضحكون احنه تقربت على فهد ولزمت ايده تبين حلقاتهم ولازمه بدلتها وتركص بحضنه ضحكت على تصرفها وهوا ضحك وباسها من راسها وبعدها كعدو اشوف القاعه نكلبت كلها تركص حتى ولدنا عمر كاعد يمي وايده لازمه ايدي ابتسمت شكد احبه انه شكد بعدها صارت ركصة العائله كلها وكفنه داير مداير حنه وفهد واحد لازم الثاني حتى الولد واحد لازم الثاني وجده وجدي بنص واشتغلت اغنيه على الام والاب وصارت الدموع عشره عشره حنه اجتي حضنت امي وجده حضنوها وصارو بيجون عاد بعدين سكتوهم وصارت الركصه مال سلو طلبو من المرتبطين يتقدمون يركصون ويا بعض دارجع ماحس اله ايد جرتني باوعت عمر اخذني وصرنه بنص القاعه نركص ابتسمت ايده على خصري والثانيه ايدي بأيدي وانه ايدي على صدره باوعت عليه صارت عيوني بعيونه وهوا عيونه تجول على كل وجهي ..عمر

عمر..يابعد اليشوف بيهن

تمر..شكد تحبني

عمر..للنهايه ومابعد النهايه

تمر..ابتسمت ليش اختاريتني

عمر..ماعرف..يمكن بسبب طيبتج بسبب روحج بسبب حنيتج بسبب برائتج ويمكن بسبب احترامج للكل بسبب طيبه گلبج بسبب هدوئج نزاكتج ونعومتج يمكن بسبب عيونج بسبب هذا گلبج اتقرب عليها اكثر وهمس..ويمكن بسبب جسمج اليخد...ني

تمر..احتقن وجهي من الخجل باوعت عليه وخزرته ..عمررر

عمر..هههههههه انتي حلالي كلشي بيج الي عيونج گلبج ركبتج شفايفج تمرني كلج الي

تمر..بس تعرف انه يعني

عمر..اششش ماريد منج علاقه فراش وبس اعرف مراح تحبينها وعبالج استغلها اني اريدج صبح ومسه كبالي اريد اصبح بوجهج وامسي بي اريد تصيرين شريكه حياتي بكلشي اريد بنص العالم ولدنيا والناس يصيحولج مرت عمر اريدج بحياتي اريدج سندي ومسندي واني راح اصيرلج ام واب واخ واخت وصديقه وصديق وحبيب وسند ومسند وامان ومأمن الج ابويه لاتفكرين ابد اريد علاقتي وياج فراش ورغبه ابد تمر اني احبج واريد اكمل حياتي وياج