بنين الزبيدي/////////{حناين بيت مرجان}
//////////////////////////////////////////////////
گال احبك وانگلب ميزان كلشي ،
كلمة هدت نرجسيتي وكبريائي
وگمت اشوفه وكلشي يرجف ،
گلبي يرجف ، وموش صدفة
چان يتعمد لقائي
ومن اشوفة بلا وعي اهمس !
"انت وحدك لايك لوجهك نقائي
//////////////////////////////////////////
حنه..كاعده وصافنه بملابس غالب وباقر وتمر جمعت من كل واحد بيهم شغله وكل ليله من انام احضنها هذوله عزوتي صح غالب وباقر اذونه بس اخواني ماكدر مانقهر عليهم وخصوصا جانو قبل مايتعاطون حنان علينه فزيت على صوت امي تصيح نزلت شفتها واكفه كبال فهد وتبجي تقدمت لزمتها يمه لاتسوين هيج
ام غالب..چا شلوووون شلونن ماسوي هيج وغالب وباقر عيوني الاثنين راحو مني ونايمين بلسجون شلون
حنه..وتمر شنو شمرتيها وخليتيها تقابل مصيرها ويا الظلم والضرب والاهانات يمه لاتسوين هيج فهد سوه الصالحهم
ام غالب..ولججج انتيي ويااا وياااا حكج ماحاسه بنار كلبي ولدي راحو وانه ايدي على خدي وصافنه
حنه..انه رايحه الاختي الشمرتيها ادعي من يطلعون غالب وباقر وكلنه نسامحهم ويسامحونه تمر تسامحج وتسامح ابوي بلي سويتو بيها لبست جبه وشال وطلعت وي فهد راسي بلكاع منزلته ودموعي تجري وصلت للبيت عمي رفعت راسي على البيت وحجيت…انه صح مو ويا تمر بس ادري انت يمها ودافعلها ابتسم دخلني للبيت ودخل شفت مرت سفيان تاكل صحت تمري
تمر..جنت كاعده بلغرفه وصافنه وتجي ابالي صوره غالب وباقر من اخذوهم من بيتنه وتنزل دموعي وامسحها ربي اشفيهم بسرعه ورجعلي اخواني الحنان وخلصني من عذاب سفيان سمعت صوتها هاي حنه هاي الحنينه هاي الاسمها ينطبق على كلشي بيها من حنيه صارلها ايام متجيني احس روحي ناقصها روح هاي تؤمي وكلشي بيه نزلت ركض شفتها واكفه يم باب الصاله وصلت يمها باوعت عليه وباوعت عليها
حنه..ها يحنينه بيت مرجان جيت اشوفج الحالي من عائله متكونه من 5اشخاص الحالي جيت
تمر..انه مايهمني هما انتي كلشي الي انتي امي وابوي واختي وكلشي الي حنه مشتاقتلج حضنتها قوي وشميتها هاي خيتي هاي حزام ضهري وحنيني هاي روحي الي بجسدي هيه هلي وكلشي الي ضلينه انه وياها نبجي كأنو نتعاتب بلي صار بينه وبعائلتنه من مشاكل وتفرقه وكلشي كعدنه انه وياها بصاله الحالنه خلونه محد اجه يمنه لزمت ايدها
حنه..سوده بوجهي عليج يبت امي شصاير بيج ليش هيج ضعفتي وين تمر الدبدوب وين تمرتي الجنت اكرص واعضعض بخددها وينها ليش هيج صار بينه
تمر.. كلشي تغير بيه حنه ماضليت انه تمر التعرفونها انه صرت وحده ثانيه وحده تجردت من كلشي
حنه..والله لو بيدي انه الاصير بمكانج انتي صغيرتنه هيج حالج شنو هاي الخراميش هم ضربج
تمر..نزلت راسي لا بس تعورت بلخشبه
أنت تقرأ
تمر حنة
General Fictionبعض العادات المرهنه حتى الان بعض الشيوخ وابناء العم الضالمة عادات تقتل احلام الاناث وتحرمهم حياتهم بينة حب ونهوه وكراهيه ثم يأتي حب ينتهي حلم الاختين.... ليس كل اهل كانو سنداً لبناتهن فهناك اهل كانو اول عذاب الهن الناصريه ذي قار نبدي روايتنه الي...
