/////////بنين الزبيدي///////////
::::::::::::::::::::::::::::::::::::::::::::
اتمنى اردلك بس صعب
منتهيه اكيد السلعه إذا رجعت على الباعوها
والبوكه زحمه من الاهل
محتار تبقى بفشلتك
لو تلزم الباكوها..........
:::::::::::::::::::::::::::::::::::
تمر..تحت انضار الكل الهوسه عيوني نترست دموع صعدت الغرفتها وسمعت صوت طبة الباب سمعت صوت الزلم برا طلعت جده ومرت عمي وامي ونهى ونور كلهم وراها فوك طلعت داصعد احجي وياها شفت سفيان صعد الدرج يبتسم خليت ايدي على گلبي نعصر عصر ابتسامته انتقمو مني لين عفت سفيان بأخويه كسرو گلب اخويه صعدت وراهم وانه كارهتهم وصلت يم الباب شفتهم يتوسلون بزينه تنزل شويه وصعد فهد وبارق واسلام وعمي وجدي شكد مصايرين اعصاب حتى غلط غلطو عليها رحت فتت من بينهم دكيت الباب بخفه وحجيت..زينه اعرف انتي هسه دتسمعيني بس وحق الحق يا زينه وداعت غالب ونضر عيني إذا مخليتج تتمنين اضفره انه مو تمر إذا مخليتج فرجه الامه محمد انه مو تمر تكسرين گلب اخويه زينه تكسرين گلب غالب مشتقي فرحته والركص مالته من خطبج انتقمتي الاخوج مني بأخويه وباعي انه شراح اسوي إذا ما خليتج تبجين دم عليه انه مو تمر أخته حتى إذا رادج بعد احنه مانريدج ولا نعرفج
باوعت على امي وحنه وحجيت..يله بعد ما عدنه بيت عم احنه نزلنه على الدرج اخذنه عباياتنا وعفنه كلشي جبنا الهم طلعنه حنه ندارت على فهد وحجت حجايه تمنيت ما تكولها انه اخذ انتقام اخويه منهم مو هيه
حنه..من اليوم انه ماعرفكم فهد ماعرفكم مو هذا الطفل الي يربطني بيك بس اولد مراح تشوفني ولا تشوفه وطلكني خلي اختك تفرح كسرت بينه كسرت ببيت عمها
فهد..حنههههه
تمر..حنه انتو مالكم دخل انه اعرف شنو تصرف ويا زينه ماعليج حبيبتي
حنه..احنه كلنه واحد انه ولا انتي الي نكسر هسه اخونه ولو ليش انكسر اخويه رجال ومايتعيب شوف شراح اخطبله وخلي اختك يمكم مانريدها حتى لو غالب رادها مراح نقبل بيها بعد
تمر..راحت للبيت جسمها يهتز من البچي رحت وراها دخلت للكراج شفتهم كلهم راجعين الصياح الي صار ببيت جدي الحد يمنه نسمعه صعدت سبحت وبدلت وانه مالي واهس ومكسور گلبي على غالب كلشي ولا هوا صح أذاني وصح بسببه ادمرت بس تاب ورجع اخويه رجع غالب نزلت جوه لكيت الكل كاعد بلصاله ابويه ايده على وعيونه وامي تبجي ويمها خالتي والبنات كاعدات شفت حنه ماكو رحت الغرفتها دكيت الباب ودخلت لكيتها تبجي كعدت بصفها وانه هم دموعي تنزل خلت ايدها على بطنها وحجت
حنه..حتى ابني كرهته لين يمدلهم صله تمر هذا غالب كسرت اخونه تممر
تمر..حبيبتي صدكيني فهد ما اله دخل امي انتي خطيه والله مشفتي شحجه وياها وانه متأكده راح يضربها هسه حنه لتخربين بيتج امي
أنت تقرأ
تمر حنة
General Fictionبعض العادات المرهنه حتى الان بعض الشيوخ وابناء العم الضالمة عادات تقتل احلام الاناث وتحرمهم حياتهم بينة حب ونهوه وكراهيه ثم يأتي حب ينتهي حلم الاختين.... ليس كل اهل كانو سنداً لبناتهن فهناك اهل كانو اول عذاب الهن الناصريه ذي قار نبدي روايتنه الي...
