تمر حنة

بارت الثالث والثلاثون

بنين الزبيدي//////
/////////////////////

قسيت اني وچنت مجبور
ابينلك الحب هين
ردودك علمتني
الـ ألم بس ينعاش
ما مسموحلة يبين .
<><><><><><><><><>

فهد..شنوو حنه شبيج

حنه..بس باع تمر هواي هواي تعذبت والله هسه حبته السفيان كلش بس هو شسوالها ضربها وهانها وعذبها اختي ماتستحق كلشي صار وياها خليها ويا عمر جوز يعوضها عن حزنها وقهرها

فهد..واخوي حنه سفيان يحب تمر

حنه..مايحبها صدكني والله العضيم سفيان مايحبها التمر راد يمتلكها وبس لو اخوك يحبها صدك جان ماتزوج عليها تكول الزواج لعبه من العشاير جان ما صار عنده بنيه هسه فهد سفيان مايحب تمر ولا راح يحبها بيوم تمر يريد يمتلكها وبس انه اختي احسها ترتاح ويا عمر اكثر يحبها وكلشي يقدمه الها تدري اليوم من شافها خايفه كعد يمها وصل يهدي بيها ويسولف وياها تدري حلف وتوعد الها يوصلها الحلمها حتى لو ماصارت قسمته تدري عمر عاف شغله بغداد واضل مقيم يمها الحب مو بس كلمه احبج وهاهيه.لا فهد الحب افعال الحب يحتاجله تعب واهتمام هواي عالم تكول الها احبك او احبج بس هيه هيج كلمه عابره الحب حلو بس للي يعرف يحب يهتم يضحك يداري يماشي الگلب الي يحبه مو احبج واكتلج احبج ومايهتم بيها احبج احبج لازم اعذبج بأي منطق هذا الحب حلو من كل ناحيه حلو الاهتمام يولد الحب ابد ما الحب يولد الاهتمام اخوك لو يحب اختي صدك ماجان اغتصبها ماجان لزوجها بهيج طريقه ابد ماجان خلى اخوات ديار وزوجات اخوانها يحجن على تمر لو اخوك يحب اختي صدك ماجان قهرها ماجان ضربها ماجان اخذها بغرفته الشبابيه حتى لو ظروف زواجهم تعبانه جان جهزها جان جابلها اقلها حلقه حتى الناس تعرف بيها مزوجه اخوك راد يمتلكها وبس كبرت كدام عينه وهوا يريدها يريد ياخذها فما ابالك يجي عمر بيوم والليله باهتمامه بحنيته وضحكته وياها حبها وهيه صارت تمتلك اله مشاعر حتى لو مو حب صداقه يجوز بعدين تحبه انه مادخل بشي يخص سفيان بعد واذا هذا الشي يأثر على علاقتنا فا انه وياك ننفصل انقهر وابجي صح بس مااقهر واعذب اختي بعد