تمر حنة

بارت الواحد والثلاثون

بنين الزبيدي //////////

كل الكلام اختفى
اتمنى هسة بحُضن
احچيلك البية ،
اسبوع كامل گضة
ومادازلي أُغنية
حاسبني ، غار ، انفعل
مابقى براسي عقل
من گتلي شعلية
.......................

حنه..فهد تمر هسه لو احجي وياها منا البعد سنه ماتقبل انطيها فرصه تعيش حياتها وشوي شوي هيه تبدي تحن السفيان والله

فهد..حنه اخوي متعذب بدونها عايش هيج بس يمشي بدون روح

حنه..چا من خلاها هيه جسد بدون روح مو تحملت يتحمل شويه

فهد..المشكله مراح تفهمين انه مو اعشكج وحك علي ذايب بيج هاي احنه ولد حامد من نعشك حد الموت

حنه.. يعني هسه انت عاشكني حد الموت

فهد.. شلي بروحي اذا ماتعشك وحده مثلج بروحج وبضحكتج بجمالج بطهارتج انتي روحي انتي روح النشم

حنه..نشم

فهد.. ياروحه انتي امري

حنه..انه كمت هواي احبك

فهد..وانه اعشكج حنيني

حنه.. باوعت بعيونه الجانت متروسه امان وحنيه وحب انه نفسي ما مصدكه شوكت بديت احب فهد هيج؟انه ويا جنه اذا نلتقي تصير حرب هسه انه ويا مخطوبين وبينه مشروع زواج واسره وتفاهم بيت كله امان وحنيه وطمأنينه حسيت حراره ايده صارت على خدي ميلت راسي على ايده وحجيت… يمكن راح تنصدم مني مثل ما انه مصدومه من روحي انت هسه كلشي الي فهد لا تكسرني بعد ما صرت كلشي بحياتي

فهد.. الاخر يوم بعمري حنه الاخر يوم بعمري ماراح ابجيج ولا راح انزل دمعه من عيونج الله يكسرني بشبابي اذا كسرتج حنتي….

حنه.. خليت راسي على متنه اول مره احس بأمان وانه ويا شكد ماراح احجي عنه ماراح اوفي هوا فهدي فهد حنه وانه روح النشم اي هسه انه اعترف احب فهد بعصبيته بحنيته بكلامه ويايه بكلشي صرت بكل صلاة ادعيله الله يحفضه الي هيبتي هوا دنيتي…

عمر.. يله يابه تمر اكلي دانطيج دوه

تمر..عمر تعبت من الادوييه والله

عمر..چا يا ابوي خلصتي كل هذني بقت على هل شوي يله دكتورتنا

تمر..چا؟صرت تحجي مثلنا

عمر.. ههههههه كلشي اسوي بس حتى اصير مثلج بهاي روحج الطيبه الصافيه الطاهره انتي تمر عمر وباقي سنينه

تمر..بس صدكني انه والله مافيدك

عمر..ليش تحكمين قبل ما تمشين بخطوه وتتوكلين على الله