تمر حنة

بارت العشرين

بنين الزبيدي////////
………………… ..

بدنياي اعيشن قوي
وماعندي نقطة ضعف ،
بس لا يذكرونك
يالخذت طعم العمر
ماعندي نقطة ضعف
بس انت وعيونك ..
//////////////////////////////

ديار..والله وصايرلج السان

تمر.. باوعت عليها من فوك اليجوه وانه قرفانه منها درت وجهي عمه انه صاعده ارتاح وادرس عفتها تصيح جوه ماريد شي يشغلني عن دراستي هيه هاي الوحيده البقت الي كلشي ماحلصت من دنياي بس هاي سبحت وبدلت وكعدت ادرس بوقتها جان عدنه نكليزي الامتحان وهم كعدت اقره الحد نص اليل ها سفيان من اخر عركه بينه بعد حتى كمت ماشوفه ولايجي للغرفه والي عرفته وسمعته ينام بـ غرفه الجوه تصير بصف غرفه جدو وجده يعني لا يمي ولا يم ديار ينام مالي كل علاقه بي اصلا المهم نص اليل عطشت لبست حجاب واخذت بيدي دفتر كاتبه بي الانشاء مال انكليزي داقره نزلت دخلت للمطبخ شفت مثل البصيص ضوه فتحت لضوه مال مطبخ اخترعت من شفت فهد كاعد وبيده جكاره يدخن… فهد؟؟

فهد..هيبه اخوج

تمر..شبيك كاعد بحدك

فهد..مابيه شي بويه شنزلج نص اليل

تمر..عطشت مي ونزلت

فهد..ماتنامين تميره عيونج انتهت من السهر

تمر..اذا انام احس نفسي مادارسه زين مبقه شي واخلص متحاناتي وانام

فهد..مايضيعلج تعب يبعد اخوج شلون جاي اجاوبين

تمر..ابتسمت زينه كلش واليوم استاذ مأمون كال ناجحين بـ الكيميا انه وحنه وباقي المواد متأكده انه جاوبتهن

فهد..عفيه بطله شوكت متحانج رياضيات

تمر..اخر يوم

فهد..خوش تميره يله كملي دراستج ابويه

تمر..هزيت راسي بـ اي اخذت مي ورجعت داصعد الدرج سمعت صوت همس كلش خفيف وباب غرفه سفيان مفتوحه شوي فضولي اخذني اشوف شنو الي ديصير تقدمت بخطوات بطيئه صرت كبال الغرفه شفت ديار كاعده يم رجل سفيان ولابسه لبس كلش مفضوح وچانت تبجي وتشهك وهوا مامهتم الها من شفتها هيج احس نفسي راح اتخربط رجعت خطوتين وره چان اكو طبله وفوكاها مزهريه نطخيت بيها وكعت المزهريه وتكسرت من ارتباكي رفعت راسي الغرفه هما باعو عليه درت وجهي عنهم وانه فشلانه من نفسي لميت الكزاز وسفيان طلع صار كبالي داروح جرني عليه

سفيان..شجنتي تسوين

تمر..مم مجنت اسوي شي عطشت وجبت مي

سفيان.. تمرر جنتي تسنطين ؟؟

تمر..هزيت راسي لا عطشت والله وجبت مي كلشي مسمعت حل ايدي وصعدت ركض فوك وانه جسمي كله يرجف رجعت اقره وكل شويه اذكر الحجي وتوسلاتها بي صارت دنيا صبح كمت سبحت وبدلت وصليت ونزلت بيدي الملزمه ودفتر واوراق هوسه صايره