تمر حنة

بارت الثالث والخمسون

//////بنين الزبيدي//////////

::::::::::::::::::::::::::::::::::::

جنت ساكت وآباوع ذيچ العيون
متغيرات مو نفس الشفتهن
هذن صلفات ما حبني فد يوم
ذبلن عيني بس ما ذبلتهن
كلشي بروحتك صادمني والله
واحس ايامي يمك ضيعتهم
::::::::::::::::::::::::::::

حنه..زينه لدخلين

غالب..حنه بابا

حنه..إذا تدخل انه اجي وياك وخلي البيت الها

فهد..حنههه بسج عاد

حنه..انتضروني هنا اصعد بس الم كم شغله من ملابسي واجي وياكم

تمر..حنه امي لاتسوين هيج ماتسوه والله

حنه..غالب مو تروح وداعت إمي إذا رحت ازعل عليك انتضرني اجي وياك

تمر..صعدت حنه وصعد وراها فهد دخلو بيت عمي وزينه واكفه بلباب ودموعها تجري هيه هيج سوت بروحها هيه هيج خلتنه نحقد عليها كعد عمي كبال فهد مدنك راسه وحجه بنكسار مستحيل انسا

عمي ابو سفيان..شلون اعتذر منك بويه غالب

غالب..مالها داعي عمي على شنو وشاكر وجودك

عمي ابو سفيان..عمي بعدك مصر تخطب عمي

غالب..انشالله بنت خالتي موجوده وكلشي محضرين واتفقنا انه وياها والخميس انشالله المشيه

مرت عمي..يا امي يا حبيبي غالب انه اعتذر منك ماعرفت أربيها يمه اعذرني بشبابك والله احنا خسرناك والله

غالب..لا حجيه عليمن تعتذرين تبقين بمقام الحجيه وعمي بمقام ابوي ولو انتو مموجودين يوم الخميس جان انه جيت للناصريه اجيبكم واجي

نور..عليك الله لتخطب غالب عليك الله

غالب..ليش نويره شايفتلي عروس على ذوقج ههه

نور..باوعت على زينه غالب يحجي وهيه تعصر بأيدها ماكدرت اعرف منو الي جبرها هيج تسوي ماعرف هيه تحبه الغالب كلش تحبه بس حجه وياها سفيان مادري شكلبها عليه وهيج سوت

مرت عمي..حلوه البنيه الي راح تخطبها يمه

غالب..تقى حجيه شايفتها بنت الحجيه ورده

مرت عمي..ونعم منها امي حلوه البنيه ورده مال الله

غالب..الحمدالله عسا ان تحبو شيئاً وهوا شراً لكم الله يعوض

تمر.. من جحه هيج غالب رفعت زينه راسها عليها وبجيت قوي بس بدون صوت نزلت حنه دموعها عشره عشره ونزل وراها فهد مطابق الدنيا كلها لزمت ايد غالب وحجت

حنه..يله غالب

غالب..حنه بويه

حنه..والله وداعتك راح اوكع ترا

تمر..لزمت حنه وطلعنه

غالب..فهد حبيبي مالك دخل يوم يومين وارجعها