تمر حنة

بارت الخمسين

//////بنين الزبيدي//////
........................................

واليحبك
مايشوف الناس
بس انت يشوفك
اليحبك يعتنيك
واليحبك
يبع عمره ويشتريك...

::::::::::::::::::::::::::

مروه..رفعت جسمي من الفراش تربعت خليت ايدي على راسي اشوف صدك عندي كرون صفنت اني شداسوي كتبت..دمشي منا شنتور ثواني وصار خطين وبعدها صارت زركه قراها رجع كتب

طيف..اني شنتور ام كرون الحوله

مروه..ايي انت شنتور احلى منك اني عيوني صفر وشعري أشكر وبيضه واخبل انت جنك سبلوح يله روح روح سديت التلفون ونمت واني افكر بي مخبل هذا شيريد مني هوا اني روحي طالعه ثاني يوم كعدت الصبح الاچازه الماخذتها من المستشفى خلصت لازم اداوم مكعدت هند أجازتها سنويه ماخذتها لبست بنطرون اسود وقميص ماروني شلت شعري ذيل حصان خليت كحله ومسكاره وحمره وردي رحت للمطبخ سويت كهوه شربت على السريع وطلعت لكيت ماجد ينتضرني ابتسمت وصعدت بسيارته..صباح الخير ابو الاماجد

ماجد..صباح النور مراوي والله اكول لداومين اليوم

مروه..والله مترهم صارلي شكد مأخذه اجازه بعد ميصير

ماجد..براحتج حبيبتي

مروه..وصلني للمستشفى وراح دخلت للمستشفى رحت المكتبي لبست السكراب وكعدت شويه واجه دكتور رياض

دكتور رياض..صباح الخير مروه

مروه..صباح الخير رياض

دكتور رياض..المدير مسوي اجتماع يله

مروه..تمام رحنه اني ويا للاجتماع كعدت على الكرسي مقابيلي اسهر الاطباء ببغداد ندك الباب ودخل طيف لابس السكراب الابيض ويبتسم بلعت ريكي شجابه هذا هنا تسلمو هوا ومدير المستشفى عرفنا عليه

مدير المستشفى دكتور خلدون..اقدملكم دكتور طيف ابن اخويه وأشهر دكتور دماغ ببغداد

مروه..بداخلي ضحكت ويبين عليه بسرعه وجهي تلقائياً ياخذ وضعيه الضحك والابتسامه حجيت بداخلي ..شنتور ابو الشناتر اشهر دكتور دماغ ببغداد اكول ليش بعض العالم مخابيل عرفا علينه دكتور وصل يمي فريت الكرسي وكعدت رجل على رجل وحجيت بكل ثقه..دكتوره مروه خريجه بكلوريوس طب وجراحه عامه خريجه جامعة ....... وجامعه......لندن تشرفت بيك استاذ شن داكول شنتور همزين تلاحكت الروحي وحجيت استاذ طيف باوع عليه وابتسم بتحدي

طيف..الي الشرف دكتوره مروه

مروه..كمل الاجتماع رحت الغرفتي كدامي تقارير الحالات المريضه العندي نفتح الباب رفعت راسي شفته هوا سده ووكف كبالي ايده بجيوبه وحجه

طيف..ام كرون ياهو المو زلمه

مروه..استاذ شنتور احنه هسه بمكان عمل مو تصفية حسابات عندك شي نتلاكه بشارع