بنين الزبيدي//////
………………………
ما كلفت نفسك ولك
تسأل علية وبالچذب
چا گلت غلطة وطايحة
مو گلبي صايرلك طفل
مايعرُف يطول الزعَل
بحچاية وحدة تصالحة
/////////////////////////////
_..تكرهيني تمر؟
_..باوعت بعيونه الجانت تحجي عن فقده النفسه تحجي عن ظلمه وياي بعيونه شفت نفسي من ظلمني من ضربني وانتهك حرمه جسدي شفت نفسي من ازوج عليه وخلاني بحسره ليلي شفت سهري وقهري ودموعي بعيونه شفت حبه الچبير الي بعيونه شفت حسره غمضت عيوني وحجيت… اي اكرهك
_..جنت مستعد ادفع نص حيلي بس اشوف بعينها الچنت اشوفه قبل من حب ولهفه وحنيه هسه مداشوف شي بعينها وبساعتها انه ايقنت انه القتلت تمرتي وبأيدي انه الجردتها من روحها وحلمها وحريتها انه الظلمتها وياي انه الطبقت عليها قانون العشاير انه النتهيت بنضراة عيونها وهيه تكلي اكرهك احس خنجر وندفن بنص گلبي..فتحي عيونج يتمري….
_فتحت عيوني عوفني الحالي
_انه روحي بيج ترديني اعوفج يتربات ايدي؟
_چان صوته هادئ حيل بي نبره حزن مو سفيان الجان يتعارك وصوته مايعلى صوت لا شفته ولاول مره اشوفه مكسور..سحبت ايدي من ايده انت ليش مجاي تفهمني انه تعبت تعبتت
_ريت تعبج بگلبي وينكسر وماشوفن دمعه من عينج
_انت كسرتني سفيان انه اعترف كسرتني والدنيا كسرتني اهلي كسروني اخواني كسروني انه الكسرت نفسي بيدي انه المفروض ماأحبك انه وين دربي جان وانت وين دربك
_سمعيني يتميره هيه جلمه وحده حطيها ترجيه بأذنج انتي الي من جنتي تتكونين انتي الي نخلقتي الي انه مستعد ادفع عمري كله روحي حياتي نص حيلي واردج ماتخلى عنج لحد ثانيه بعمري انتي مسجله بأسمي
_عافني وطلع وانه كلبي يحركني خليت ايدي على گلبي وكعدت شنو تاليتي هسه لا انه الحضيت بي ولا انه النسيته انه والاول مرع اعترف اكرهه نفسي انه كل طاقه مابيه روحي صفرت ماكدرت اتحمل شي بعد اجتي ابالي ابيات شعر انه من كلبي طلعتهن
انه الأهلي كسروني وهاي دنياي
انه البختي رجيج
وحضي عاثر
انه لميته جسد
بس روح وتكابر
انه بالمحد سندني بهاي دنياي
انه مكسورة حض وبخت عاثر
… .تمر…
سفيان..تعبت وانه اشوفها جدامي ولابيدي اسويلها شي انه الكرهتها بيه انه مشاعري الها تعدت مرحله هيه زوجه وبنت عم لا هيه روحي هيه حجر گلبي هيه مي ويسكي روحي اليابسه جنت ارجع من الدوام اشوفها تلعب ويا الجهال مسويه كصايب ثنين شعرها اشكر بلون الشمس وعيونها الخضر الجانت تجبر الكافر يتوب جنت اشوفها تلعب ويا البنات وتضحك ضحكتها تسلب روحي مني اضل حاير بيها من جمال شايلته كبرت تمر وكبر همي وياي لا انه الماخذها ولا انه المرتاح بعدها شبت وصارت تخاف مني انه اعترف اذيتها انه الفرطت بيها بد ما اصيرلها عون واعينها على ضيم دنياها جيت وفوك الهم همين خليت الها ورطت نفسي بهل مصيبه الجبته النفسي اخ يتمر ايامي انتي شتحصلين مني بعد روحي الخضره نتهت وانه جنت السبب عاقبتها بفعل هيه جانت بريئه منه المفروض اعاقب نفسي انه الماكدرت احميها من غالب وباقر حكها من تكرهني حكها كلشي تحجي انه تعبت حجر گلبي وسنين روحي انه التعبتها بحبي الها حبي الها تعده مرحلة حب انه اعشك كلشي بيها عيونها شعرها الأخذ روحي ويا من كصته روحي جانت بشعرها عاقبتني بي اخذت روحي مني وانه اشوف الكرهه بعيونها تجاهي اتمنى يرد الوكت واردها ويا واعوضها عن كل اذيه سببتها الها انه المفروض اوكف وياها مو عليها أخ تسرعي جابلي نهايتي جانت نهايتي وعلى ايدي…
أنت تقرأ
تمر حنة
قصص عامةبعض العادات المرهنه حتى الان بعض الشيوخ وابناء العم الضالمة عادات تقتل احلام الاناث وتحرمهم حياتهم بينة حب ونهوه وكراهيه ثم يأتي حب ينتهي حلم الاختين.... ليس كل اهل كانو سنداً لبناتهن فهناك اهل كانو اول عذاب الهن الناصريه ذي قار نبدي روايتنه الي...
