تمر حنة

بارت الخامس والعشرون

بنين الزبيدي//////
………………………

حنيتلك وادري اليحن
يبچي ويموت بسكتة
مو مال نتعاتب بعد
راح المعاتب وكتة
ومن ياهي ابدي بفرگتك
خليتني معلعل و آون
ماظل وجع ماضگتة
//////////////////////////

تمر..باوعت غالب يباوع من جوه الجوه على زينه ابتسمت امورهم عال العال واكثر شي فرحت بي حنه وفهد ثنينهم حبابين وحنه صدك تستاهل واحد مثل فهد حنين وطيب طلعو اهل ديار ودخلنه كلنه جوه كعدنه وبدو يسولفون

جدي ابو حبيب..ها غويلب بويه شلخبار

غالب..بخير جدي انتو شلونكم

جده ام حبيب..يمه فدوه الطولكم شكد مشتاقه الحجيكم الحلو ها غالب يوم شصار على موضوع العياده

غالب..والله حجيه لازم اطلع البغداد اسوي موافقه وافتحها

جده ام حبيب.. الله يفتحها بوجهك بحق السميع لعليم

باقر..جينه اليوم نطلب طلب حجي ابو حبيب

جدي ابو حبيب..أمري يابه انتو تأمرون علي

باقر..استغفرالله يابه نريد تمر تجي ويانه

سفيان..وين

باقر..اول شي ناخذها الكربلاء نزور كل احنه سويه ومناك نطلع البغداد علمود الموافقات مال الصيدليه ونزور ونرجع

سفيان..خويه عوف تمر وتوكلو انتو

غالب..سفيان احنه هواي اذيناها وهي اختنه نريد نعوضها عن كلشي سببنا الها وصدكني مثل ماخذناها نردها

سفيان..الكربلاء وياكم تروح بس لبغداد انسى

باقر..سفيان هاي اختي

سفيان..ومرتي

فهد..صلو على النبي باقر غالب سفيان مريض خوي

باقر..وانه ماجاي ازيد هم فوك همه خيتي وجاي اخذها

غالب..ابو تمر شوي نحجي وياك بحدنه

تمر.. كام غالب سند سفيان وطلعو من الصاله للغرفه مالته واحنه واحد كاعد وصافن بوجهه الثاني شنو اسالفه ورا مده طلعو يضحكون كعدو

غالب..حضري نفسج تمور باجر اجي اخذج

بارق..من سابع المستحيلات سفيان قبل شنو سحرته احجي الحقيقه ولك

غالب..فهمته خويه وافتهم

تمر..باوعت عليهم كاعدين يضحكون ابتسمت باوعت على ديار من الحقد والغير تخزر بيهم

باقر..اي جدي امشي ويانه

جدي ابو حبيب..لا بويه ماكدر محافضتين اروح روحو انتو بسلامه وان شاء الله من تردون نروح كلنه لبستان تمر

باقر.. اذا الله راد حجي

ديار..عود ليش مسمينه بستان تمر قلت اسامي