بنظرة أخرى (مـكـتملـة)

الفصل السابع عشر

ذهب عمر إلى الشركة وتحديدا في البناء الخاص بسعيد .. إستقل المصعد إلى أن وصل إلى الطابق الخامس ثم توجه إلى مكتبه، أوقفته سكريترته الخاصة قائلة: سعيد بيه مش فاضي دلوقتي علشان عنده اجتماع جوه و ياريت تستناه هنا ع ما يخلص

رمقها بنظرة نارية أرعبتها ثم تجاهل كلامها وفتح الباب و دلف فورا .. وجد سعيد يعقد إجتماعا مع أحد رجال الأعمال، نظر إليه بإستغراب فقال له عمر قبل أن ينطق بكلمة: آسف على الإزعاج بس الموضوع خطير و مستعجل

إبتسم سعيد للرجل وقال له بأسلوب مهذب: انا بعتذر من حضرتك و ممكن نأجل إجتماعنا ده لبعدين؟

بادله الإبتسام ورد وهو يجمع أوراقه: حاضر

إنسحب الرجل وتركهم على إنفراد فسأله سعيد بقلق: خير يا عمر فيه حاجة؟

عمر بغضب: منين هيجي الخير يا سعيد بيه و بنتك حاشرة نفسها ف حياتنا أنا و مراتي

تسارعت نبضات قلبه وأغمض عينيه للحظة وهو يردد بداخله: يا رب ميكنش اللي بفكر فيه، يا رب متكنش هايدي عملت اللي فى بالي

فتح عينيه وسأله بهدوء: عملت ايه؟؟

عمر: خطفت مراتي والله أعلم عملت فيها ايه

سعيد بهلع وهو يتذكر مقابلتها لذلك الشاب المجرم: ده حصل من امتى؟

عمر بألم: من أربعة ايام كده، بص يا عمي سعيد أنا بحترمك و بقدرك زيك زي بابا و انا قولت اجي عندك الأول و أخبرك علشان تتصرف و ترجعلي مراتي و مروحتش عندها هي عشان لو عملت كده مش هتصرف بعقلي و ساعتها مش هيحصل خير

سعيد بتفهم: طيب يا ابني انا هروح اتكلم معاها دلوقتي و متشغلش بالك و ان شاء الله مراتك هترجعلك بألف سلامة و أنا بتشكرك انك جيت و اتكلمت معايا بالعقل كده و لو واحد غيرك كان جاب معاه الشرطة

عمر بهدوء: احنا بينا عشرة و عيش و ملح و معزتك زي بابا بالضبط و أنا مش زي بنتك اللي خربت العشرة دي علشان كده عايز نحل المشكلة دي من غير ما ندخل الشرطة بينا

سعيد وهو يستعد للمغادرة إلى بيته: بتشكرك يا ابني

****

وصل سعيد إلى بيته في غضون نصف ساعة، دلف إلى الداخل كالعاصفة والشرر يتطاير من عينيه مما أثار الرعب في قلب فريدة، وقف في الردهة وصاح بأعلى صوت: هااايدي

وضعت فريدة يدها على صدرها بخوف وقالت: مالك يا سعيد فيه إيه؟

تجاهل سؤالها وصعد مسرعا إلى غرفتها وهو ينادي بإسمها حتى فتحت باب غرفتها و خرجت وهي تنظر إليه باستغراب، رمقها بنظرة حادة ثم إقترب منها بلمح البصر وقبض على ذراعها بعصبية شديدة و صاح بها: من امتى و احنا بلطجية و بنخطف العالم؟

شهقت فريدة التي لحقت به ووضعت كفها على فاهها، بينما هي اتسعت عيناها من هول ما سمعت و مثلت عدم الفهم قائلة: ايه!؟ أنا...