''ခေါင် ဘယ်သွားမလို့လဲ''
''ရန်ကုန်ခဏသွားဖို့''
''ကြာမှာလား''
''အများဆုံး၁လ အနည်းဆုံး၁ပတ်''
မာန်ခဏငြိမ်သတ်သွားသည်။
''ငါလည်းလိုက်မယ်ခေါင် သထုံမှာပျင်းလို့''
''ကိုကို့သဘော ဒါကကိုကို ကျွန်တော်ကအလုပ်သဘောနဲ့သွားမှာနော် ကိုကိုပျင်းနေမှာ''
''မင်းဟာမင်းသွားလေ ငါကမင်းနေတဲ့တိုက်ခန်းမှာတစ်နေ့လုံးအိပ်မှာပေါ့''
''ကိုကို့သဘောပါဗျာ''
မာန်ခေါင်ကိုကြည့်ရင်းတွေးမိသည်။
အရင်ကစဥ်းစားခဲ့တယ်ခေါင့်ကိုဘယ်ချိန်ကစချစ်မိတာလဲပေါ့။သေချာပြန်တွေးမိတော့လည်းရီရသားဘဲ။ခေါင့်ဆီကပိုက်ဆံအိတ်ခိုးရင်းနဲ့တဲ့။
တွေ့ဆုံခွင့်ပေးတဲ့ကံကြမ္မာကိုလည်းကျေးဇူးတင်ပါတယ်။ပိုက်ဆံအိတ်လိုက်ခိုးဖို့တိုက်တွန်းတဲ့သူငယ်ချင်းတေကိုရော။
''ကဲ ကိုကို ဘာတေဒီလောက်တောင်စဥ်းစားပြီးပြုံးနေတာလဲ''
''ခေါင် ငါမင်းကိုမေးစရာရှိတယ်''
''မေးလေ ကိုကို''
''မင်းကိုအချစ်ကဘယ်ကစလဲလို့မေးရင်ဘယ်လိုဖြေမှာလဲ''
ခေါင်ကတုံ့ဆိုင်းခြင်းတစ်စက်မှမရှိဘဲ
''သေချာပေါက်ဘားအံမြို့ကကန်သာယာညစျေးပေါ့ကိုကိုရ''
''ဘာလို့လည်း''
''ကိုကိုနဲ့ဆုံခဲ့လို့လေ ကိုကိုနဲ့ဝင်တိုက်မိတဲ့အချိန်လေးရယ် ကျွန့်တော့်ပိုက်ဆံအိတ်ခိုးခဲ့တဲ့သခိုးလေးရယ်ကိုခုထိအမှတ်ရတုန်း''
''ဟေ့ကောင် ဘာသခိုးလဲ''
''စိတ်ဆိုးရင်နုတ်ခမ်းဆူတဲ့အကျင့်ကိုပြင်ပါအုံးကိုကိုရေဟားဟားဟား''
တစ်ယောက်ငိုတစ်ယောက်စနောက်ကာအခန်းထဲသို့ရယ်သံများပြည့်နှံ့သွားခဲ့သည်။
ဒီအခိုက်အတန့်လေးကိုရပ်ထားချင်တယ်ကိုကို။
ကျွန်တော်သာလူကောင်းတစ်ယောက်ဆိုရင်တော့ ဒီအခိုက်အတန့်လေးတေခဏခဏကိုကို့တွက်ဖန်တီးပေးမှာအသေချာပဲ။
------------
''ဟလို မိုးစက်တည်လားမသိဘူး''
''ဟုတ်ပါတယ် ဘယ်သူပါလဲဗျ''
''ကျွန်တော်The Quite Company CEOပါ ကျွန်တော်တို့ဆွေးနွေးစရာလေးကျန်သေးလို့ပါ''
''အော်ဟုတ်ကဲ့ ခဏနော် ကျွန်တော်ခေါ်ပေးပါ့မယ်''
ခေတ်တစ်ဖတ်မှကြားသောအခါမျက်နှာမှာအခြေနေတစ်မျိုးသို့ပြောင်းလဲသွားသည်။
''စက်ရေ ဒီမှာစက်အလုပ်ဖုန်း''
''လာပြီလာပြီ ဆက်ကိုကိုရေ''
မိုးစက်ထမင်းချက်ခန်းထဲမှပြေးထွက်လာကာဖုန်းအားကိုင်လိုက်သည်။
''ဟလို မိုးစက်တည်ပြောနေပါတယ်''
''ငယ်...''
မိုးစက်ဖုန်းချဖို့လုပ်နေတုန်း
''ဖုန်းမချလိုက်ပါနဲ့ ကိုယ်ပြောတာနားထောင်ပေးပါ''
''....''
''ငယ်မောင့်ကိုထားသွားတဲ့နေ့ကစပြီးမောင့်ကိုမလွမ်းခဲ့တဲ့အချိန်တစ်စက်မှမရှိခဲ့ဘူးငယ်...မောင့်ကိုစိတ်ဆိုးနေရင်လည်းပြောပါမောင်မြူတစ်မှုန်သဲတစ်ဖုန်လောက်တောင်မငြိုငြင်ပဲလိုက်ချော့ပါ့မယ်...အရာအားလုံးငယ့်စိတ်တိုင်းကျဖြစ်စေရမယ်ငယ်''
မိုးစက်နားထောင်ရင်းမျက်ရည်များထိန်းချုပ်မထားနိုင်ပဲဖုန်းကိုသာချလိုက်သည်။မိုးစက်မျက်ရည်များနှင့်ထိုနေရာတွင်သာထိုင်ချလိုက်သည်။
ဖြစ်သင့်လားမောင်။ငါမောင့်သိပ်ချစ်တုန်းကမောင်ကငါ့အချစ်တေကိုစော်ကားခဲ့တာမှတ်မိရဲ့လားမောင်။ငါ့ကိုမောင်မုန်းလားလို့မေးရင်မမုန်းဘူးလို့ဖြေမှာမောင်။ဟုတ်တယ်ငါမောင့်ကိုမမုန်းဘူး။ဒါပေမယ့်စိတ်နာတယ်မောင်။တစ်နှစ်လုံးမောင့်စိတ်နဲ့နေခဲ့ရတာမောင်ကငါ့ကိုအခုထိစိုးမိုးတုန်းဘဲ။ဒါပေမယ့်မောင်ငါ့နေရာကိုခံစားတတ်မှသိမယ်။မောင်ခံစားကြည့်လိုက်ပါအုံး။
-----------
ကဲ နို စိတ်ကောင်းနေလို့upပေးတာနော်
votes မပေးရင်နောက်နေ့မလာဘူးမှတ်။
ဒါနဲ့ နိုရေးတဲ့အဆင်ပြေရဲ့လားဟင်ပြောကြပါအုံး။
