ظلم عاشق♡♕

»6«♕

جاء الليل ويجلس قاسم فى مكتبه شارد الذهن حتى سمع رنه هاتفه فتحه ووضعه على أذنيه بأهتمام حتى تكلم من بلهاتف وتحولت ملامحه للغضب...
"قاسم"بغضب: أنا مشغل بهايم عندي حته مهمه زى ديه مش عارف تعملها فى ظرف يومين تجيلي المعلومات اللى عايزها وإلا قسما بربي لهتكون من الأموات فاااهم....
أغلق الهاتف فى وجهه وهو يسبه بغضب ...حتى دق باب المكتب تنهد قاسم وحاول أن يهداء وبالفعل عداء قليلا وسمح له بالدخول دخل علي وأبتسم له قاسم فإنه يعشق اولاد أشقائه يشعر أنهم أولاده وليس أولاد أشقائه.....شاور قاسم أن يجلس وجلس علي بلفعل ولكنه متوتر ولاحظ قاسم ذلك قام قاسم وجلس أمام علي ويربط على كتفه....
"قاسم"بابتسامه: قول ومتخافش ياعلي أنا جنبك قول....
"علي"بتوتر:اولا أنا أسف على كلام بابا إلى قاله الصبح....
"قاسم"بشك:وانت فهمت ابوك قالها ليه....
"علي"بتوتر اكتر وذلك جعل شك قاسم يزيد..::ل..لاء....قصدي يعني جدتي قالتلنا كان يعني.....
"قاسم"بابتسامه:خلاص فهمتك ياعلي ملهوش لزوم انا اصلا مش زعلان منه...المهم ثانيا ايه...
"علي"بتوتر:اه...كرم...
"قاسم"بهدوء:متخافش هو هيعرف يحل كل حاجه وانا جنبه بس لازم هو يتصرف لوحده متخافش خديجه مش هتروح منه....وثالثا...
"علي"بتوتر:عرفت ازاى أن فى ثالثا...
"قاسم"بضحك: علي أنا عرفك كويس اكتر من امك و ابوك حتى اكتر من قمر ...وبعدين انت جاي للمهم وهو ثالثا..قول سمعك...
"علي"بارتباك:أنا عايزك تساعدني...قصدي يعنى...بص..أنا عايز اتجوز قمر...
ضحك قاسم كثيرا وهذا جعل يخفف توتر علي....وأبتسم لقاسم فهذه بعد سنوات يراه يضحك....
"قاسم"يأخذ نفسه بصعوبه من الضحك::حرام عليك ياأخى...ضحكتنى...بلاش السرعه ديه..وبعدين اتقل ياعم...متخافش هظبطك..بس بلاش دلوقتي لازم نصالح جدك بين ابوك وعمك...فهمت علشان مينفعش تتجوزوا وهما مش موجودين ابوك لا هيرضي بكده انو يقلل من أبوه وجدك هيزعل اكتر واحنا عايزين نجمعهم مش نفرقهم...فهمت ..
"علي":ماشى...بس انت على قد وعدك...
نظر له قاسم نظرة اخرسته...
"علي":مش حاسس ان بابا بينده...
"قاسم"بهدوء قاتل ويميل عليه:مش سامع....
"علي"بخوف:با..بابا...
فتح أسر الباب...
"أسر": يالا ياقاسم علشان تاكل...علي انت هنا أنا بدور عليك يالا علشان تأكلوا...هو انتوا مالكوا فى ايه...
جري عليه علي وظل يبوس فيه...
"أسر":ما خلاص يالا فى ايه...
ضحك قاسم عليه وذهب علي نظر أسر له باحراج....
"قاسم"بهدوء:تعالى قعد...
جلس أسر أمامه و...وجهه فى الارض....
"قاسم":أرفع راسك ياأسر مش أسر الجبالي إلى يوطي رأسه ابدا....حتى لو كنت بتحترمني أو غلطان....الموضوع مش محتاج ده كله...أنا مش زعلان منك ياأسر....
رفع أسر رأسه سريعا ينظر له بدموع...ثم حضنه وبكي...أبتسم قاسم مهما يكبر مازال أخيه وابنه الصغير...طبطب على كتفه بحنان...
"قاسم":خلاص يالا فى ايه لو حد دخل شافك كده منظرك هيبقى وحش...احنا معندناش رجاله بتعيط يابن الجبالي....
"أسر"بدموع:عارف...بس سبني انهارده بس علشان مبقيتش قادر....
"قاسم"باستغراب:من ايه...
"أسر":من كل حاجه ابوك وامك والى حصلك وخديجه اكيد بديعه قالتلك لو هى مقاليتش اكيد كرم....مش عارف اعمل ايه...
"قاسم":وانت عرفت منين..أيه قالتلك...
"أسر": لاء وحسابي معاها بعدين أنها تخبي حاجه زى كده عليا خديجه اه ممكن تخبي طبيعي..ولكن عرفت من بديعه هانم....
"قاسم"بتنهيده:الست ديه مبيتبليش فى بوقها فوله...
ضحك أسر عليه ومناقرته لامه عمرهم ما بيتفقوا ابدا..وضحك قاسم لانه فهم ضحك أخيه...وربط على كتفه...
"قاسم":اضحك ياأسر الدنيا مش مستهله الحزن ده كله...وكلنا عارفين أن كرم بيعشق خديجه وسيبهم هما هيتصرفوا وانا واثق من كرم ولا ايه...
"أسر":أنا مقولتيش حاجه بس هيجي اليوم إلى يزهق منها وهيبقي عايز يخلف....
"قاسم"بجديه:أسمعنى ياأسر....اولا انت مروحتيش مع خديجه تعمل تحاليل ولا هى ولا حتي أمها يعني يوم الحادثه نزفت ودكتورة قالت إنها صعب تخلف يعني مقاليتش مش هتخلف وكمان معملناش تحاليل ولا تبعنا لدكتور ولا علاج ولا حتي اشاعات انتوا اخدوا الكلمه واثقتوا فيها ومش عايزين تدوروا على حل تاني يساعدها وبعدين ايه إلى مش هتقدر تتجوز ديه اه ممكن يكون الرحم ضعيف بس مش لدرجه انها متقدرش تتجوز ياأسر علشان حضرتك تمنعها من صوره الجواز اصلا كرم وانا واثق فيه وعمره ما يأذى خديجه عمره....فهمني لازم تروحوا تطمنوا عليها وتحاول تشوفوا علاج ليها وتفهموا الموضوع...انتوا محاولتوش تعرفوا فى ايه اخدوا الصدمه وسكتوا مينفعش لازم تتحركوا وفي اسرع وقت منعرفش فى مشاكل تانيه ولا لاء علشان نعرف نساعدها...فهمت ياأسر..وانا هحجز لها لدكتورة وتروحلها بكره وهخلي ملك وأيه يروحوا معاها متخافش...
"أسر":شكرا ياقاسم مش عارف أشكرك ازاى...
"قاسم":متشكرنيش أنا اخوك ياحمار...
ضحكوا سواء حتى دخلت قمر وضعت يدها على خصرها....
"قمر":ياسلام ياسلام على الضحك إلى جايب اخر الدنيا...واحنا قاعدين مستنين حضرتكوا وهنموت من الجوع....يالا علشان بابا مستنيكوا...
"قاسم"بضحك:هما برضوا إلى جعانين ولا انتى ياطفسه...
ضحك أسر وذهبت قمر بتذمر وخرجوا وجلسوا على المائده....يأكلون....
"قاسم"بجديه:أنا عايزكوا ياأحفاد الجبالي تنزلوا تشتغلوا....
شرق علي وظل يكح ظلت قمر تخبط على ظهره وتكتم ضحكتها عليه مسكت خديجه الكوب وبنفس الوقت مسك كرم نفس الكوب ولم يلاحظ حتى احس بيد يمسكها نظر لها وكذلك هى...
"علي"وهو يتكلم بصعوبه ويكح: هاتوا مايه مش وقت رومانسيه انت وهي....
خجلت كثيرا خديجه وسحبت يدها نظر لها بعتاب ثم أعطه الكوب لعلي...
"كرم"بعيد:أطفح يكشى يطمر...
"علي":اه طبعا ما أنا هاخد منك ايه غير كلام زى الزفت منا قطعت عليك لحظات الرومانسيه...عامل زى اختك انتوا عيله تشل...
"قمر":ومالي ان شاء الله...
"علي":قمر ياروحي...
"قمر":اامم ايوه كده اتلم...
ضحكوا عليهم...
"كرم"بجديه:كمل ياعمي....احنا مستعدين ننزل أنا وعلى الشركه وكل واحد هيمسك قسم...
وهبقى أعلمه يكشى يطمر فى جتده...
"علي":لاء ده انت ارش ملحتي...
"كرم":بس يازفت...
"قاسم":ومين قالك انكوا هتشتغلوا فى شركات الجبالي...
شرق علي مره ثانيه وهذه المره لم يأخذ نفسه بصعوبه........
"كرم":لاء بقى مش كل ما الراجل يقول كلمه تقعد تشرق زى الأموات متموت بقي وخلصنا...
قامت أيه تخبط على ظهره برقه وخوف...
"أسر":لاء ياحبيبتي هى مبتتعملش كده...هى بتبقى كده...
قام أسر وتخبط بكل قوته على ظهر أبنه علي لدرجه هز علي بقوة إلى الأمام وتخبط وجهه بلسفره....شهقت أيه وخديجه وظلت تضحك قمر عليهم....
"عمار":هتفضل طول عمرك غشيم وغبي...
"ملك":اخس عليك ياأسر خبط الواد...
"عمار":متقومي تحضنيه بلمره...
"ملك":اه طبعا مش زى ابني...
"علي"ووجه محمر ويأخذ نفسه بصعوبه:والله انتى إلى عسل إلى فى العيله...
"عمار"برفع حاجب:وحياه امك....
"ملك":إن شاء الله يخليك...
"عمار":ملك ماتدلمي ياحبيبتي...
"ملك":ايه ياعمار فى ايه قلبي وجعنى على الواد...
"أسر":ولااا ملكش دعوه بمراتي...
"عمار":ياشيخ اتلهي...
"قاسم":بجديه:خلستوا....
سكت الجميع وينظرون له...
"قاسم":كل واحد مكانه...
جلسوا مكانهم....
"قاسم":انتوا هتبتقوا من جديد كأنكوا مش من عيله الجبالي ولا عندكوا شركات ولا عندكوا وسطي ولا تعرفوا حتي عيله الجبالي ..انتوا لازم تعرفوا قيمه القرش إلى بجد وتكبروا حلمكوا وتصنعوا حياه ليكوا احنا مش طمنين ايه إلى ممكن يحصل لشركات الجبالي أو لعيله الجبالي...عايزكوا تشقوا والقول رجاله تعرفوا قيمه الحياه....فهمتوا ولا لسه...
"كرم"وهو فخور لعمه: طبعا فهمت أنا إن شاء الله هشتغل أنا وعلي وهنعمل اكبر شركات فيكى يا بلد...
نظر له علي بدهشه فهو لم يقرر ولم يعجبه الأمر....
"قاسم": عندك اعتراض يااستاذ علي...
"علي":لاء خالص...
"قاسم":انت زمان مكنتيش بتحب تروح غير لما غصبك جدك تروح وبقيت تروح لكن بتقعد سعتين وتمشى ابوك كان كده لاكن بقى ينتظم وبقي ليه شركه لوحده أنا وعمك عمار اشتغلنا من الصفر عارف كنا بنعمل ايه...
هز رأسه بلاء وكانوا ينظرون له باهتمام...ما عدا أيه وملك الذى لموا السفره وقام الجميع خلف قاسم إلى التراس..وجلسوا ينظرون له باهتمام حتى جاءت ملك وأيه بلمشروبات ويجلسون أمامه....
"قاسم":قرر جدكوا يستفزنا وقلنا أنا عايز رجاله وسند بس محدش فيكوا سندني...طبعا نار بقت جوايا أنا وعمار كان أسر سعتها فى الكليه وخليناه يشتغل مع سالم بيه وقررنا نسيب القصر والعربيات الفاخره والأماكن إلى اتعودنا عليها والجيم والأكل الصحي وكل حاجه فى المجتمع الراقي واهمهم هى عيله الجبالي عيلتنا..وفعلا سبنهم بعد معاناه لأن جدتكم متعلقه بينا وانتوا طبعا عارفين ده كنا بنشتغل ميكانيكا عربيات وفي منطقه شعبيه حاجه كده زى حاره اكيد مش عارفين إلا كرم طبعا لانه ظابط وبيروح الاماكن ديه وبيشوف مجرمين انتوا نفسكوا هتقولوا ازاى هو بيتعامل مع الاشكال ديه....أنا بقى وعمار كنا بنتعامل معاهم وعايشين معاهم...كنا بتفتح الصبح نشتغل لغايت نص الليل ١٢يعني والمحل كان ايجار والبيت كان قديم ده من خبطه ممكن يقع على دماغنا عانينا وعرفنا قيمه الفلوس إلى بنعملها وقيمه الحياه وانى لازم اتعب فى الفلوس إلى اجبها علشان ابقى عارف انا إلى عملت الفلوس مش هى لانى لو كنت فضلت ابن مجتمع الراقي وضاعت منى الفلوس هبقى طماع واكل الناس علشان الفلوس وساعتها هفتكر أن الفلوس بتعمل البنى ادم مش العكس والحقيقه ان البنى ادم بيعمل الفلوس..وانى اتجوز بفلوسى واعرف قيمتها كويس....كنا بنحوش قرش على قرش يعملوا الآفات مكناش بنجيب هدوم لينا ولا حتي نخرج يوم إجازتنا ولا اى حاجه...لغايت ما لقينا مكتب صغير واحد عايز يبيعه وبسعر حلو فعلا اخدناها وبقى معانا فلوس جبنا اجهزه وفضلنا نشتغل لغايت بيقينا نتعامل مع شركات كويسه لغايت بقى معانا فلوس فتحنا شركه صغير لغايت فتحنا شركه كبيره وبقت شركات وكبرنا فى السوق لحت ما أتصدمنا أن جدكم عايز ينافسنا طبعا ومنكرش إن أسر وعمار خافوا لكن أنا بحب التحدي مع أن تحدي كبير وفرصه متعوضش مع أن الفرص ديه لو راحت كل التعب ده هيروح وكنا خايفين منكرش ده.....أسر رفض أنه يكمل مع جدكم وجه أشتغل معانا وده خلى التحدي اكبر بين جدكم لينا وبالفعل نجحنا وخلصنا على شركه جدكم وكانت هتفلس لولا احنا إتنازلنا على العقد إلى بينا وإلا كان زمانه مفلس ولكنه قالى كلمه عمري ما انساها أنا خليتك تكون راجل وتقوه بس  مش درجه تقوه على ابوك...قلتله سعتها أن الشغل مفيش اب وابن فى منافس وعدوه وانا كسبت الرهان انت فى شركاتك وانا فى شركاتى مش قادر انسى ابتسامه فخر لينا كانت عامله ازاى ومن سعتها احنا بندير شركات الجبالي كلها من ضمنهم شركات جدكم لانه قال أنتوا كسبتوا الرهان واسبتوا عندي رجاله وانتوا تكملوا طريق ومسكنا كل الشركات وطورنها لغايت بقت شركات جوه وبره مصر مشهوره ومن أعلى المنافسين وجيه الوقت تكملوا ده وهنفضل فى ضهركم.....
نظروا له بفخر وصفقوا له أبتسم قاسم له.....
"علي":بجد والله خليتني عايز انزل أشتغل دلوقتي....
ضحكوا عليه...
"كرم":هنزل أنا وعلي نشوف شغل وان شاء الله هتفتخر بينا....
"قاسم":أنا قلت أحفاد الجبالي هينزلوا يشتغلوا...
"علي"بصدمه:لاء متصدمنيش....انت ليه بتحب تصدمني انهارده...
"كرم":حضرتك قصدك خديجه وقمر هما كمان...
"قاسم":أظن كلامي واضح...حد عنده اعتراض....
"علي وكرم"بضيق:خااالص ..
قمر وخديجه ينظرون له بسعاده...وكرم وعلي ينظرون لهم بضيق...وقاسم يظل شارد....أما ملك وايه بعالم ثاني الطبخ والتنظيف ..أما عمار وأسر...لم يفهموا شقيقهم ماذا يريد ولما الفتيات يشتغلون معهم....قام الجميع لغرفتهم ماعدا قاسم ذهب المكتب وذهبوا خلفه عمار وأسر ليتكلموا معه فى مكتبه...
يجلس قاسم ويركز فى الأوراق التى أمامه ويشرب قهوته...حتى قاطع تركيزه طق الباب...فسمح له بالدخول فرآه الاثنان معا فرفع حاجبه لهم....
"قاسم"برفع حاجب:خير ايه إلى جمعكوا وجيبكوا هنا انتوا الاتنين....
"عمار"ويجلس امامه:عايزين نتكلم معاك...
"أسر"وهو أيضا يجلس أمامه:عايزين نفهم...
وضع قاسم نظارته بجانبه ونظر لهم بأهتمام...
"قاسم"بجديه:اممم...خير....سامع....
"أسر":سامع ايه ما انت فاهم احنا جايين ليه...
"قاسم"بتنهيده: اسمع ياأسر اولا خديجه فى حاله نفسيه وحشه ده غير أن طبعها هى ضعيفه بتخاف تتعامل مع ناس جداد هى عادي هنا معانا لأننا عيلتنا اتعودت علينا متنساش زمان مكنتيش بتتكلم حد ولا بتتعامل مع حد انت او أيه أو حتي قمر اكتر اتنين بتثق فيهم أنا وكرم...حتى علي اخوها كانت بتخاف تتعامل معه خديجه ضعيفه الشخصيه لكنها اتعودت علينا....أنا مش هقولك وديها دكتور نفساني والوجع الدماغ ده وانوا كمان مش هيجيب نتيجه معاها احنا عايزين  شخصيتها تبقي طبيعيه تعرف ناس جداد تعرف تفرق بين الشخص الصح او الغلط بين الخبيث أو المحترم الحقود..الطيب...كده خديجه فاكره أن كل الناس كويسه ماعدا واحده بس بديعه ومش مقتنعه كمان أنها بتكرها هى فكره أنها بتبقي متعصبه بس...ولما هى تكون بره فى عالم ده لازم هما يكونوا معاها لأنهم قريبين منها وخصوصا قمر....أما بقى على قمر اشمعنا لأن قمر مدلعه بزياده أنا بصيت سحب علىVisa Credit cards البطاقه الفلوس إلى انت مديهلها ياعمار بتسحب بطريقه غريبه مكياج بألفات لبس كل اسبوعين خروجات كل يوم وأماكن عاليه مبالغ كتيره حاجات كتير اووى كان لازم توقف ده ياعمار ومن الصبح ياعمار توقف الفيزا وده غير أن قمر وجودها جنب خديجه مهم وأنها هتتعلم قيمه الفلوس والحياه مش اى مصاريف واكيد ياعمار انت عارف انك بتتعب قد ايه علشان تجيب الفلوس ديه وتروح كده على حاجات وياريت ليها لازمه بجد هتضايق ياعمار.....ياترى فى حاجه تاني عايزين تقولوها...
"أسر":لاء ياحبيبي...تشكر...تصبح على خير...يالا ياعمار...عمار..ياعمااار....
"عمار"قطع شروده:ايه ياحيوان صوتك ودني أطرشت...
"أسر":يالا ياعم عمال اكلمك وانت فى وادي تاني أنا هطلع انام انت ايه نظامك....
"عمار":وانا كمان...تصبح على خير ياقاسم ..
"قاسم":وانت من أهله...فكر فيها وهتعرف أن كلامي صح اعقلها و رد عليا الصبح ...
هز رأسه بحاضر وذهبوا لجناحهم...ظل قاسم  ينظر بشرود ثم رجع ينظر للاوراق بأهتمام....
فى الحديقه....
تجلس خديجه شارده الذهن والدموع تنهمر على خديها حتى قاطع شرودها يد على كتفها...نظرت خلفها فوجدتها قمر تنظر لها بسعاده...تلاشت عندما رأت خديجه تبكى جلست بجانبها حزينه عليها حضنتها....
"قمر"بحزن:حاولي تعافري ياديچا علشان حبك عمرك ما هتلاقي الحب ده ياديچا كل الناس بتتمناها بصى لعيون كرم وانتى تعرفي انوا يحارب الكون علشان وانك اهم من الخلفه ازاى هيحب ولاده إلى مشفهمش ويسبب عشقه إلى منتظرها نص عمره ومشتاق ليها فكرى وتفضلي بصى جوه عينه هتلاقي نفسك جواها ياديچا...صدقيني انتى مش بتشوفي كميه الحب إلى فى عينه ديه شويه وهتنطق بأسمك....
ضحكت ديجا وسط دموعها....نظرت خلفها قمر ثم نظرت لها ..
"قمر":طب أمسحي دموعك لأن كرم وعلي جايين علينا....
مسحت دموعها سريعا ولاحظ كرم ذلك وحزن كثيرا وتنهد بكل قوته وقرب عليهم....
"علي":ايه بتعملوا ايه....نتهدوا علينا ليه ..
"قمر":اكيد مش من حلاوتكوا يعني ..
"كرم":ماشى ياظريفه...نتهدتي ليه ...
"قمر"بمكر :مش أنا ديه ديچا...
نظر لخديجه وقلبه يدق سريعا يكاد الخوف أن يسمعه احد نظرت له ثم نظرت لقمر بغيظ والتي ترفع حواجبها فوق وتحت لتغيظها....
"كرم"بصوت يحاول أن يكون طبيعي: انتي نتهدتي عليا...قصدي علينا ياديچا...قصدي خديجه...
ضحكت قمر وكذلك على عليه وخجلت ديچا ونظرت بعيده عنه....
"خديجه": مش هتسمعوا بقيه القصه...
جلسوا بأهتمام جلس علي بجانب قمر ولكن نظره من كرم بعد عنها والثلاثه يجلسون على المقعد فى الحديقه خديجه وبجانبها قمر وبجانبها علي ..جلس كرم على العشب أمام خديجه وينظر لها مما أدي إلى خجلها....وارتباك...أبتسم كرم على توترها.....
"قمر"بحماس::يالا كملي.....
"""""""""""""""""""'''''''''''
اخيرا رجعت وكملت ام البارت إلى مكنش عايز يكمل وإن شاء الله البارت إلى جاى كله عن قصه قاسم وإيلا....متزعلوش على البارت ده...هنعوضه.....وصلى على حبيبنا محمد...🍂🍁