بعد مرور خمسة عشر عاما أخرين
___________________________________★
كان في غرفته يغير ملابسه بملامح خاليه من المشاعر كعادته حتي انتهي من تبديل ملابسه وهو ارتداء اللون الاسود لونه المفضل الذي يسيطر علي معظم ملابسه علي الرغم من اعتراض والدته الشديد علي اللون الاسود واصرارها علي ان يرتدي ألوان مثل اي شاب في عمره ، انتهي من تبديل ملابسه ووقف أمام المرأه يسرح خصلات شعره السوداء بشده التي تشبه أبيه بإعجاب شديد من هيأته ، نظر الي المرأه نظره إعجاب بنفسه وغرور والتقط مفاتيح سيارته وهاتفه وخرج من غرفته ، نزل علي الدرج وهو يتابع هدوء المنزل كعادته في الصباح الباكر حتي وقع بصره علي والدته تضع الطعام علي السفره فأقترب منها بهدوء .
ليث بابتسامه هادئه : الجميل صاحي بدري ليه
مليكه وهي تلتفت إليه بحب وابتسامه : صباح الخير يا حبيبي
ليث : صباح العسل يا ملاكي ايه الي مصيحكي بدري كده
مليكه : ولا حاجه لقيت نفسي صاحيه لوحدي كده قولت احضر الفطار علشان تلحق تفطر معانا قبل ما تروح شغلك بس بردو انت صحيت بدري
ليث وهو يقبل يديها : ماتتعبيش نفسك انا كده كده مابفطرش بدري كده وكمان بفطر بره مع سيف وزين
مليكه بحنان اموي : يا حبيبي انتو بتفضلو طول النهار في الشركه بتشتغلو ومابتجيش غير أخر الليل وبنتنسي نفسك في الشغل ومابتكلش
ليث بضحك : ومين قالك بقي اني مابكلش لا باكل يا ست الكل ماتتعبيش نفسك انتي وماتفكريش كتير
مليكه : ماشي يا حبيبي روح شغلك ربنا يفتحها في وشك ويرزقك ببنت الحلال ال.......
ليث بملل من دعواتها المستمره كل يوم في الصباح : خلاص يا ماما خلاص حفظت
مليكه : ايه يا واد سبني ادعيلك
ليث : انتي كده بتدعيلي يا ملاكي؟! ايه عاوزه تخلصي مني علطول
مليكه بتوبيخ وهي تضمه لها : اخص عليك انا عاوزه اخلص منك ده انت الغالي
سليم بتدخل ومرح كعادته : اقفش احضان وبوس من غيري انا قولت مليش مكان في البيت ده
مليكه بابتسامه جميله : صباح الخير يا حبيبي
سليم بغزل وغمزه : صباح الورد يا مزة قلبي انتي يا ست انتي بتكبري ولا بتصغري
مليكه بضحك : بس يا بكاش
سليم بغمزه : طب تيجي نسأل فهد باشا ونشوف هيقول ايه
مليكه بخجل : بس يا واد عيب كده
ليث : طب قول صباح الخير يا جحش
سليم : يا ساتر يارب بيطلعو امته دول صباح الخير ياعم المعقد
ليث وهو يقترب منه بهدوء ويسمكه من لياقة قميصه : انت عارف يالا لو مابطلتش تقول المعقد دي انا هعمل فيك ايه
سليم : الحقيني يا ملاكي ابنك عاوز يموتني وأكمل وهو يبتعد عن اخيه : ياعم هو انا قولت حاجه غلط
رمقه ليث بإحدي نظراته الحاده واكمل حديثه : لازم ابقي هلاس زيك علشان اعجب سيادتك
سليم بغرور بمصطنع : هو انا في زيي يابني انت تطول تبقي زيي اصلا ده انا سليم فهد سليم السيوفي
ليث بنظره حاده : وانا ليث السيوفي واظن انت عارف كويس مين ليث السيوفي وعارف كمان هيعمل فيك ايه دلوقت صح
سليم بخوف مصطنع : يا ساتر ايه ده تصدق انا لو مش اخوك كان زماني جريت من قدامك
ليث وهو يقترب بهدوء مخيف : لا ما انا ممكن ماتعملش معاك علي انك اخويا خالص واخليك تجري بردو
سليم بخوف : احم خلاص ياعم بهزر معاك ماتبقاش قفوش كده
ليث وهو يضع يده في جيبه : الباشا كان سهران بره بيعمل ايه لحد الساعه 1 بالليل
سليم بهروب وهو ينظر الي ساعته : ينهار ابيض شوفت وقفت ارغي واتأخرت علي الشغل
ليث بسخريه : ينهار ابيض اه اتاخرت جدا بصراحه ثم اكمل بحده : ده علي اساس انك مابتروحش الشركه كل يوم الساعه 11
سليم : ل...لا ما انا هروح بدري بقي علشان انا اترقيت الاسبوع الي فات زي ما انتو عارفين وماينفعش اتأخر بقي
ليث بحده شديده : كنت فين لحد الساعه واحده بالليل يا سليم
سليم بخوف : ب...بصراحه بقي كنت سهران مع صحابي ، خلصنا شغل في الشركه وروحنا مكان وسهرنا فيه والوقت سرقنا
ليث وهو يقترب منه بهدوء : وياتري ابوك عارف الاماكن الي بتسهر فيها
سليم بخوف : ليث اوعي تقولو حاجه لحسن يعلقني
ليث : تفتكر هيعلقك بس
سليم بجرأه مصطنعه : ا...انا مابعملش حاجه غلط و...ولا بشرب ولا بسكر ولا بعمل حاجه حرام
ليث بحده وصوت عالي : وسهرك في الديسكو لحد بعد نص الليل ده مش غلط ومش حرام
مليكه برجاء : خلاص بقي يا ليث عديها علشان خاطري
ليث : يا ماما طول ما انتي بتداري عليه كده هيبوظ اكتر
سليم : خلاص بقي يا ليث اخر مره طيب بس ماتقولش بقي ها
ليث : لو اتكررت تاني هقولو بس ده طبعا بعد ما اديك جزائك انا
سليم باستعطاف وهو يطبع قبله صغيره علي خد اخيه : لا مش هتقولو وأكمل وهو يلتقط احدي انواع الطعام : سلامووووز
ليث وهو بيهز رأسو بيأس من تغيير أخيه : مفيش فايده
مليكه : ماتقولش لفهد علشان خاطري لحسن هيزعلو جامد لو عرف
ليث : اهو خوفك عليه ودلعك فيه ده هو الي هيبوظو يا ملاكي
فهد وهو ينزل علي درجات السلم : هو مين ده الي هيبوظ يا سي ليث
مليكه بهمس لليث : علشان خاطري
