ذهب وهو يستند علي الحائط حتي وصل الي سيارته وطلب من
السائق الموجود في شركته أن يوصله الي المنزل . وبعد فتره قصيره وصل ليث الي القصر دلف الي الداخل فكان الهدوء يعم المكان ، اقترب من الاريكه وكان سيجلس عليها ولكنه استمع الي صوت صراخات والدته بالاعلي فنهض مسرعا وهو يصعد الي الاعلي ليري ماذا يحدث . صعد الي الغرفه التي يأتي منها صوت والدته فكانت غرفة أخيه ، دلف الي الغرفه سريعا فوجد أخيه ملقي علي الارض فاقد الوعي ووالدته تصرخ بشده .
ليث وهو يقترب منه سريعا : في ايه مالو
مليكه ببكاء : معرفش انا دخلت لقيتو مرمي في الأرض الحقني يا ليث الحق اخوك
ليث بمحاوله لإيفاقه : سليم سليم ولا سليم ، هاتي مايه بسرعه يا ماما
نهضت سريعا أحضرت كوب من الماء ، اخده ليث ووضع قليل من
الماء علي يده وأخد يمسح بالماء علي وجه أخيه ولكن لم يعود
الي وعيه .
ليث : سليم سليم ، هو ايه الي حصلو
مليكه ببكاء ونحيب : معرفش يابني والله انا دخلتلو الصبح اشوفو مارحش الشغل ليه لقيتو بيقولي مش هروح النهارده اصلي تعبان شويه حتي قولتلو نوديك للدكتور قالي لا هرتاح وهبقي كويس ولما جيت اطلع ابص عليه تاني دلوقت لقيتو مرمي في الأرض كدا
ليث وهو يخرج هاتفه : اهدي يا ماما اهدي وأكمل وهو يتحدث في الهاتف : انتي فين
كارمن : انا داخله علي البيت في ايه
ليث : طب انجزي بسرعه اخوكي واقع في الأرض ومش عارفين نفوقو تعالي شوفي في ايه
كارمن برعب ولهفه : سليم ا... انا انا جايه حالا
حمله ليث ووضعه علي فراشه وهو يحاول ايفاقته حتي تصل شقيقتهم .
ليث : سليم رد عليا يا سليم ، انت ايه الي حصلك سليم رد عليا يا
حبيبي
كارمن وهي تدلف الي الغرفه سريعا : في ايه مالو سليم ليث بغضب : انتي بتسألينا ما تشوفي
اقتربت كارمن منه وهي تتفحصه ثم ذهبت لتجلب بعض الاشياء من غرفتها وعادت الي غرفة اخيها مره اخري وقامت بإعطاه حقنه ثم بدأت بقياس الضغط له وهكذا ، بعد فتره قصيره بدأ سليم بفتح عينيه ببطء وهو ينظر حوله ويحاول تذكر ما حدث .
سليم : ه...هو هو في ايه
ملكيه وهي تجلس بجانبه ببكاء : حمدل علي سلامتك يا حبيبي سليم : ايه الي حصل
مليكه ببكاء : انا دخلت ابص عليك لقيتك مرمي علي الارض
سليم : ا... انا مش فاكر حاجه مش عارف ايه الي حصل
ليث وهو ينظر إلي شقيقته بعصبيه : ما تتكلمي في ايه ، ايه الي حصلو دا
كارمن : انا مستنيه علي ما يفوق ويحاول يجمع الي بيحصل انت
مش شايف انو لسه مافقش اوي
ليث : لا ما بقتش اشوف یا استاذه کارمن
مليكه : كارمن كلمي اخوكي الكبير كويس
كارمن وهي تنظر إلي سليم : ايه يا حبيبي حاسس ب ايه
سليم بتعب : جسمي واجعني مش قادر اتحرك تقريبا انا وقعت لما قومت وقفت حسيت الدنيا بتلف بيا
كارمن : ضغطك واطي اوي ممكن يكون هو دا الي عملك كدا
مليكه ببكاء : اه انت ماكلتش حاجه من الصبح
كارمن : انا هعلقلك محلول وتاكل كويس وإن شاء الله هتبقي زي الفل
سليم : ماشي وأكمل وهو ينظر إلي والدته : خلاص يا حبيبتي كفايا عياط انا كويس قدامك اهو
مليكه ببكاء : كويس ايه بس انت مش شايف الي جرالك حرام عليكو يا ولاد انتو عاوزين تموتوني
سليم وهو يحتضنها : بعيد الشر عليكي يا حبيبتي انا كويس والله ماتخفيش اهدي بقا علشان خاطري
