ليلي بمحاولة التماسك أمامه وهي تمنع دموعها من الهبوط : يعني ا...ا...انت مش هتيجي البيت اصلا و...و...ولا بكره ولا الاسبوع الجاي و...و...ولا اي يوم تاني
زين وهو يعقد حاجبيه : يعني ايه
ليلي : يعني انا مش موافقه عليك
زين وهو يعقد حاجبيه بصدمه : ايه ؟!
ليلي وهي تمسح دمعتها التي خانتها وتستدير بظهرها : بعد اذنك
زين وهو ينهض سريعا ويمسكها من معصمها : استني هنا ا...ا...انتي انتي قولتي ايه
ليلي وهي تحاول التماسك : ا...ا...الي حضرتك سمعته
زين : يعني ايه مش موافقه عليا انا مش فتحت معاكي الموضوع وكنتي مبسوطه وفتحتي باباكي في الموضوع وقولتيلي انو عندو موافقه مبدائيه وقال نروحلو
ليلي : غ...غ...غيرت رأيي ومش موافقه
زين : ازاي يعني
ليلي بصمود أمامه : هو ايه الي ازاي
زين : الي انتي بتقوليه ده يعني انتي صحيتي من النوم مغيره رأيك صحيتي من النوم لقيتي نفسك مش عاوزاني
ليلي وهي تهرب بنظرها عنه : ف...ف...فكرت ولقيت اني مش عاوزاك
زين : ليه انا عيبي ايه مش عاوزاني ليه
ليلي بدموع : انت مفيش فيك عيوب بس كل واحد حر وحقي اختار الشخص الي انا عاوزاه
زين : انا مش الشخص الي انتي عاوزاه ليه فيا ايه مش عجبك
ليلي : استاذ زين حضرتك طلبت طلب وانا رديت عليك وربنا يرزقك بالي احسن مني
زين : انا بحبك يا ليلي بقالي سنه ونص بحبك ومستني اليوم الي هتبقي ليا فيه ، م...مش عاوز احسن منك انا عاوزك انتي انا بحبك انتي
ليلي بدموع لا تستطيع حبسها اكتر : ا...انا اسفه
زين : بصي تعالي نقعد في مكان هادئ ونتكلم بالراحه وانا هعملك كل الي انتي عاوزاه وهشوف ايه المشكله واحلها ولو الوقت متاخر دلوقت نتكلم بكره الصبح بس توعدني انك تغيري كلامك ده علشان خاطري يا ليلي بلاش انا مش عاوزاك دي
ليلي بدموع : انا مش عاوزه اتكلم انا قولت الي عندي وهو ده الي انا عاوزاه
زين وهو يمسكها من معصمها ويتحدث بحده وهو يقربها له : دموعك دي مابتدلش خالص علي إن هو ده الي انتي عاوزه
ليلي بأنفاس سريعه من قربها له وهي تنظر اسفل : لو سمحت ابعد عني و...وشوف حياتك بعيد عني
زين وهو يقربها له اكثر : بصي في عيني يا ليلي قولي الكلام ده وانتي باصه في عيني قولي مش عاوزاك وانتي باصه في عيني وساعتها هصدقك وهبعد عنك
ليلي وهي تهرب بنظرها عنه وقد ازدادت دموعها علي وجنتيها : ا........
زين بمقاطعه : اتكلمي وانتي باصه في عيني
ليلي وهي ترفع راسها وتنظر الي عينيه الجميلتان وقد انهمرت دموعها علي وجنتها : ابعد يا زين علشان خاطري ابعد
زين بعشق وهو يستمع لاسمه لاول مره من بين شفتيها بدون القاب : ابعد ليه انا بحبك بقولك ، مش عاوز ابعد عاوز ابقي معاكي
ليلي وهي تدقق النظر في عينيه بدموع غزيره : لو بتحبني زي ما بتقول ابعد وأكملت وهي تتجه ناحية الباب : بعد اذنك واكملت وهي تلتفت تنظر له بدموع : يا استاذ زين
خرجت من مكتبه وتركته في حيره شديده وألم شديد في قلبه يشعر به للمره الاولي ، لماذا تطلب منه أن يبتعد عنها بعدما احس انها بدأت تنجذب له ماذا حدث بالتأكيد هناك خطب ما حدث .
""""""""""""""""""""""""""""""""""""""""★
تشرق الشمس تعلن عن قدوم يوم جديد ينتظره البعض والبعض الآخر لا يريده أن يأتي يريد أن يظل الليل دائما ولا تأتي شمس ابدا فقط ظلام كالموجود في قلوبهم .
