فتحت الباب فوجدت طفل صغير يقف علي الباب يرفع رأسه وينظر لها ببرأة الاطفال التي تعشقها أسيل .
أسيل بحب وصوت حنون : ايوه يا حبيبي عاوز مين
الطفل ببرأه : هو بابا ليث هنا
الجميع من الداخل بصدمه : مين ؟!!!!
أسيل بمحاولة الاستيعاب : م...مين ؟!
اياد ببراءه : بابا ليث هو هنا ولا امشي
سليم وهو يقترب ناحية الباب : تعالي يا حبيبي
اقترب اياد من سليم فهبط سليم لمستواه وتحدث بابتسامه .
سليم بابتسامه : اسمك ايه يا حبيبي
اياد : اسمي اياد يا عمو
سليم : وبابا اسمو ايه
اياد : بابا ليث السيوفي
سليم بهمس لنفسه : الله
اقترب الجميع من الطفل وحاوطه بصدمه شديده ودهشه ، أما هي فهي تقف مكانها بذهول من ؟! اب من ؟! ماذا يقول .
أسيل وهي تقترب منه بذهول : م..م.ين الي جابك هنا يا حبيبي
اياد ببرأه : انا جيت لوحدي يا طنط اصل بابا بقالو كتير مش بيجيلنا وبرن عليه مش بيرد علشان عاوزو
مليكه بصدمه من ابنها : ادخلوا يا جماعه واقعدو علشان نفهم
دلف الجميع للداخل ومعهم الصغير وجلسو في صدمه وعينهم عليه .
سليم وهو يفتح هاتفه لتظهر الخلفيه صورته هو وليث : هو ده بابا يا حبيبي
اياد : ايوه هو ده بابا ليث هو فين بقي
أسيل بذهول : ب...بابا ازاي يعني ط...طب طب ماما مين يا اياد
اياد : ماما هدير
أسيل بهمس وعدد استيعاب : م...مستحيل م...متجوز ، ط...طب بابا بيقعد مع ماما يا حبيبي
اياد وهو يهز رأسه ببرأة اطفال : ايوه هو بيجيلنا علطول وبيجبلنا حاجات كتير اوي وماما بتحبو اوي وديما بتقول عليه انو هو جدع وراجل ومش في زيه في الدنيا بس هو بقالو كتير مش جيه عندنا وانا برن عليه مش بيرد فجيتلو علشان اقولو علي حاجه مهمه
كارمن بصدمه : معقول ؟! يعني ليث متجوز ومخلف من ورانا
شعرت أن جميع أعضائها شلت من الصدمه ، أحقا أنه متزوج وهذا الطفل ابنه أحقا يحب زوجته زوجته تحبه ألهذا السبب يبتعد عنها ويرفضها دائما ، مستحيل ، ودت أن تصرخ في أوجهه الجميع المرسوم عليها الصدمه والذهول وتقول لهم مستحيل فهذا الليث متيم بي وبعشقي هذا الليث لي وليس لأحد غيري .
سيف بهمس لزين : انا مش مصدق انا مصدوم
زين بهمس وصدمه : انا مش مستوعب معقول متجوز لا ومخلف كمان
سيف : انت عارف كده بقالو كام سنه متجوز يجي عشر سنين وأكمل وهو ينظر لإياد : انت عندك كام سنه يا حبيبي
اياد : 8 يا عمو
سيف بهمس لزين : اتفضل الواد 8 سنين يعني بقالو يجي 10 سنين متجوز
زين بصدمه : ينهار اسود انا مش قادر اصدق انا حاسس اني بحلم
سيف : بقي مغفلنا كل السنين دي انا مصدوم
زين : ازاي مايقولناش حاجه زي دي
فهد بهدوء : بتشوف بابا كل يوم يا حبيبي
اياد ببرأه : لا مش كل يوم هو بيجيلنا يومين كل أسبوع وبيجبلنا كل الي احنا عاوزينو وبيقعد مع ماما وبيقعد معايا كتير وبيلعب معايا كمان وهو بقالو كتير اوي مش بيجي ووحشني فأنا جيتلو بس مش قولت لماما علشان مش بترضي تخليني اروحلو
فهد بهمس لمليكه : عاجبك عمايل ابنك
مليكه : ا...استني بس يا فهد اما يجي علشان نفهم منو
فهد : نفهم ايه يا مليكه ابنك أدانا كلنا علي قفانا متجوز ومخلف ومش معرف حد ده حتي صحابو مش عارفين بصي علي منظرهم كده متنحين من صدمتهم لو الكلام ده صح انا مش هعديها علي خير ابوه مش ميت علشان يتجوز ويخلف من ورانا
مليكه بخوف علي صغيرها : ب...بعيد عليك اهدي بس لما يجي هيفهمنا عمل كده ليه
كارمن وهي تنظر لأسيل بخوف من هيأتها : أ...أسيل
أسيل بذهول : .......
كارمن : أ...أسيل
أسيل وهي تنظر لها بعدم استيعاب : اخوكي متجوز ومخلف يا كارمن
كارمن : ا...اكيد في حاجه غلط
أسيل بصدمه : حاجه غلط ؟! ابنو قدامنا وبتقولي حاجه غلط هتصدقي امته لما تشوفي شهادة الميلاد ولا ايه
استبرق بتدخل : م...ممكن تهدي لحد ما نفهم اصلا باين محدش عارف حاجه كلهم مصدومين
أسيل بصدمه وعدم استيعاب : ع...علشان كده بيبعد عني وكل ما اقرب منو يبعدني عنو ، علشان مراتو وابنو ؟! ا ..ازاي ط...طب ط...طب واحساسي انو بيحبني ونظرتو ليا كل ده وهم ، د...ده انا كدبتهم زمان لما قالو انك قولت مابحبهاش وقولت لا اكيد بيحبني وقالهم كده علشان يسكتهم ، تطلع متجوز ومخلف لا وكمان من سنين
