ازيكم يا حلوين ❤️
سوري علي التأخير بس البرنامج فيه مشكله تقريبا لأن كل ما بكتب حاجه بتتمسح ومش بعرف انزلها حاولت انزل البارت دا كتير بس بردو كل مره كان بيمسحو الي يعرف ايه المشكله يقولي وشكرا مقدما ، قراءه ممتعه يا حبايبي ❤️
-----------------------------------------------------------------------
في شركة السيوفي .
كان يجلس في مكتبه يعمل عله يشغل عقله عن التفكير ولو قليلا ، ظل هكذا الي أن دلفت ليلي الي مكتبه تخبره بأن هناك أحد يريد مقابلته .
ليلي : في حد برا عاوز يقابل حضرتك
ليث : مين
ليلي : مش عارفه هو قالي هيعرفك بنفسو جوا
ليث : طب دخليه
دلف شخص الي الداخل وخرجت ليلي وأغلقت الباب خلفها .
ليث : اتفضل مين حضرتك
كريم : انا كريم
ليث وهو ينهض : كريم مين
كريم وهو يقترب منه : انا كريم الي كارمن حكتلكو عنو
ليث بغضب : وجايلي برجلك لحد هنا مش خايف اخرجك من هنا متدغدغ
كريم : لا مش خايف انا معملتش حاجه غلط علشان اخاف
ليث وهو يقترب منه بغضب وصوت مرتفع ويمسكه من ملابسه : وعلاقتك ب اختي في السر مش غلط
كريم : استاذ ليث ممكن تهدي ونتكلم بهدوء
ليث : وهتتكلم معايا ف ايه بقا ف مقابلتكو في السر ولا مكالماتكو ونحنحتكو في السر
كريم : احنا مكناش بنعمل كدا ممكن حضرتك تقعد وهفهمك
ليث : برا يالا ، اطلع برا موضوعك مع استاذه كارمن دا انا مليش علاقه بيه براااا
كريم : حقك تقول كدا بعد الكلام الي قالتلهولك وأكمل بعدما لاحظ نظرات الاستغراب التي ارتسمت علي وجهه : انا عارف كل حاجه وعارف علاقتها بيك عامله ازاي علشان كدا بستأذن حضرتك تقعد وتهدي علشان نعرف نتكلم
تنهد ليث ثم جلس علي مكتبه وجلس كريم أمامه .
ليث ببعض الهدوء : اتكلم اخلص انا معنديش وقت عاوز تقول ايه
كريم : اولا عاوز اقول لحضرتك إننا مكناش بنتقابل في السر ولا حاجه كارمن عمرها ما سمحت بكدا ولا حتي قعدنا في مكان لوحدنا ، ديما كنا بنشوف بعض في الكليه ولو اتكلمنا بنتكلم في الكليه وقدام الناس كلها لأن كارمن اكتر بنت محترمه ومتربيه انا شوفتها في حياتي ، يمكن كلامنا في التليفون غلط علشان محدش يعرف بس صدقني احنا ولا بنتكلم بنحب في بعض ولا بتقعد بالساعات نتكلم زي ما انت فاكر ولا كل الكلام دا ، لما بتصل بتصل علشان اطمن عليها واعرف اخبارها وهي بردو نفس الكلام ودا اصلا مابيحصلش كل يوم ، صدقني اختك حاطه حدود بينا من اول يوم عرفنا بعض وهو دا الي خلاني متمسك بيها ، ومن فتره هي بعدت عني خالص ولا بترد علي مكالماتي لما بتصل بيها ولا بتنزل الكليه واكيد حضرتك لاحظت دا إنها مابتنزلش لانها مش عاوزه تشوفني ولا تقابلني لأنها خافت تعرفو لتحس إنها ممكن تخسر ثقتكو علي الرغم انها عمرها ما سمحت إن أي حاجه تحصل تخليها تخسر ثقتكو أو تكسركو
ليث : وبتقولي الكلام دا ليه
كريم : علشان عمري ما هسمح إن صورتها تتهز قدامكو بسببي لأني بحبها بجد مش معاها يومين كدا بتسلي وهسيبها ووجودي هنا النهارده اكبر دليل اني بحبها ومش عاوز علاقتها بيكو تبوظ لأي سبب حتي لو كان السبب دا انا
ليث : ولما انت بتحبها ليه مجتش تطلبها زي الناس المحترمه
كريم : علشان ظروفي ، انا السنه دي اخر سنه في الكليه والحمد لله جايب امتياز في كل السنين يعني هخلص الكام شهر دول واتعين وكمان ليا شغلي بعيد عن الكليه الي بصرف منو علي نفسي وعلي امي واخواتي لأن بابايا متوفي وانا الكبير ، دا الي خلاني ماجيش واطلبها رسمي علشان عارف هي بنت مين ومن عيلة ايه وعارف انكو مش هتقبلو بواحد في ظروفي لبنتكو علشان كدا مستني اما اقف علي رجلي وهاجي اطلبها
ليث : كنت تيجي وتحكيلنا ظروفك وساعتها كان هيبقي لينا حق الاختيار يا نوافق عليك يا نرفضك
كريم : مانا مجتش علشان ماترفوضونيش انا والله بحبها وعاوزها وفكرة إنها ممكن تروح مني بتموتني علشان كدا أجلت خطوة اني اقابلكو لحد بس ما ابقي جاهز
ليث : وليه جيت دلوقت
كريم : علشان اعرفكو اني مش بلعب بيها ولا بتسلي زي الي حصل مع بنت عمها ، هي حكيالي الي حصل وانا عارف انكو ممكن تفتكرو اني هعمل زيو واخلع بقا بعد ما عرفتو علاقتي بيها لا والله انا مش كدا خالص انا اتربيت علي الأصول وإن بنات الناس مش لعبه عمري ما كنت هعمل فيها كدا د...دا دا انا حتي قايل لوالدتي واخواتي البنات عليها وحكيلهم عنها كتير وبيتمنو إنها تبقي ليا من كتر ما حكتلهم عنها
ليث وهو ينظر إليه فبعد حديثه الان تأكد أنه حقا رجلا وأنه يحب شقيقته بالفعل : والمطلوب
كريم : انا بطلبها منك بصفتك اخوها الكبير ولو وافقت موافقه مبدئيه اجيب والدتي واخواتي واجي البيت اقعد مع والدك ووالدتك وحضرتك وسليم
ليث : دا انت عارفنا كلنا بقا
كريم : انا قولتلك انا والله بحبها اوي وبتمناها من ربنا كل يوم علشان كدا عارف عنها كل حاجه
ليث ليري ردة فعله : وانا مش موافق
كريم : طب ليه وأكمل بمرح : ايه ياعم عمرك ما حبيت واتدهولت زي ما انا متدهول كدا
ليث بابتسامة سخريه : انا اكتر واحد ممكن احس انت بتمر ب ايه وعارف يعني ايه انت بتحب واحده وعاوز تبقي معاها بس الدنيا والظروف منعينك
كريم بابتسامه : طب ايه بقا يعني المفروض تقدر الي انا فيه ، انا والله العظيم كل الي عاوزو إني اقعد معاك انت وباباك واخوك واشرحلكو ظروفي وإنها مسألة وقت بس وهعيشيها العيشه الي انتو بتتمنوهالها انا بحبها اوي والله وممكن اعمل اي حاجه علشان تبقي ليا ومعايا كل الي عاوزو انكو تصبرو عليا بس
ليث : بص ياعم كريم هي ابوها مسافر الايام دي ف بما انك فعلا عاوزها زي ما بتقول اقعد معاه وشوف هيقولك ايه
كريم : يعني انت موافق
ليث : انا مليش علاقه بالموضوع دا ، موضوعكو في ايد ابوها واخوها التاني لو وافقو يبقي مبروك
كريم : وهتتخلي عنها في وقت زي دا علشان كلمتين قالتهم في وقت عصبيه
ليث وهو يعقد حاجبيه باستغراب : يعني ايه
كريم : يعني انا عارف الي حصل بينك وبينها الحقيقه اني عارف علاقتها بيك من الاول وكنت ديما بغلطها وضد تصرفاتها معاك ولما قالتلي الي قالتهولك امبارح بردو غلطها جامد بس دي اختك الصغيره يعني مهما حصل ماينفعش تسببها في وقت زي دا
ليث : انت ماتعرفش حاجه وماشوفتش حاجه
كريم : يمكن معرفش حاجات كتير لأني معشتش معاكو بس انا عارف تصرفات كارمن ناحيتك وكنت ديما بقولها إن دا غلط بس دي اختك مهما حصل هتفضل اختك
ليث : ماهي علشان اختي دي اخر حاجه ممكن اعملها علشانها ، انت شكلك راجل وابن ناس وبتحبها بجد انا هعرف بابا وهقولو عليك وهخليه يوافق يقابلك ويسمعك وهقولو انك جتلي واتكلمت معايا وانا شايف انك كويس وهشرحلو الي انت قولتهولي ، وانا متاكد إن بابا عمرو ما هيرفض لأن دي حاجه هتسعدها ، دا الي اقدر اعملو غير كدا لا هي مش عاوزاني في حياتها لاني مبوظها زي ما هي بتقول وانا فعلا خرجت من حياتها بس علي الأقل بحاول اعمل حاجه كويسه مره واحده مش ديما مشلب حياتها زي ما قالت
كريم : بس هي اكيد هتكون عاوزاك موجود صدقني والله هي بتحبك جدا بس هي مش مدركه دا يمكن بسبب خوفها منك او بسبب قرب سليم منها حاجات كتير ممكن تكون السبب بس انا متاكد انها بتحبك
ليث بسخريه : بتحبني لدرجة إنها قالتلي انا شوفت ايه منك يخليني احبك ، انت ماتعرفش حاجه وماشوفتش حاجه ، الي عليا في الموضوع دا هعملو بس من بعيد غير كدا لا
كريم بحزن علي علاقتهم : انا مش عارف اقولك ايه والله بس صدقني هي اكيد هتتغير وتفهم إن الي عملتو دا غلط وأكمل بشكر : وبجد مش عارف اشكرك ازاي علي وقفتك معايا انا كنت مرعوب من المقابله دي
ليث بابتسامه : الي بيحب مابيخافش وانت اتجرأت وكنت راجل علشان كدا هقف جمبك
كريم وهو ينهض : بجد انا متشكر اوي ربنا يجمعك بالي بتحبها يارب
ليث بتنهيده بعد ذهاب كريم : يارب
"""""""""""""""""""""""""""""""""""""""""""""""""""★
في الشركه التي يعمل بها سليم .
