في صباح اليوم التالي .
نهض وارتدي ملابسه بتعب واتجه الي اسفل ينتظر سيف وزين ليذهبو الي عملهم ، جلس علي الاريكه الموجوده في الصالون يعبث بهاتفه ينتظر أصدقائه ، ظل هكذا الي أن سمع صوت طرق الباب ، نهض بفتور ليري من .
ليث : ايوا مين حضرتك
شخص : الظرف دا جايه لحضرتكو اتفضل
ليث وهو يغلق الباب : شكرا وأكمل وهو يفتح الظرف : ظرف ايه دا
فتح الظرف ليري ماذا يوجد بداخله فوجد صور لأخته تقف مع شاب لا يعرفه وهي تبكي وفي أحدي الصور يبكي هو وهي تقترب منه وتزيل دموعه ظل يقلب في الصور وهو يشعر انا عينيه تخرج منها النيران .
ليث : كنت عارف ، من يوم الي حصل مع استبرق وانا حاسس دا انا هدفنك حيه وأكمل بصوت جهوري هز اركان القصر : كااااااااارمن بت يا كااااااااارمن
كارمن وهي تخرج من غرفتها علي صوته : ايه في ايه بالراحه بتزعق كدا ليه
ليث وهو يقترب منها ويمسكها من شعرها بشده : مين دا يا بت انتي دا انا هدفنك حيه يا كارمن مين داااااااا
كارمن ببكاء وخوف : اوعي سيب شعري ااااااااه
ليث بصوت مرتفع وغضب : بقولك مين دا بدل ما هموتك اقسم بالله هتموتي في ايدي مين دا عرفتيه منين مصيبه دا
كارمن بصراخ : اااااااه شعري اوعي سيبني
سليم وهو يقترب منهم بسرعه فهو خرج علي صوت شقيقته : اوعي سيبها ايه الي انت بتعملو دا انت اتجننت ولا ايه ابعددد اوعااا
مليكه وهي تهبط درجات السلم سريعا : في ايه يا ولاد صوتكو عالي كدا ليه
ليث بصوت جهوري وغضب شديد : تعالي شوفي بنتك شوفي المحترمه بنتك بتتسرمح مع مين
زين وسيف وهم يقتربو سريعا : في ايه اوعي
زين : اوعي يا ابني سيب شعرها بس في ايه
مليكه وهي تقلب في الصور وتنظر الي كارمن : مين دا
كارمن ببكاء وصمت : ...........
مليكه : بقولك مين دا ردي عليا مين دااا
اتجهت خلف سليم بخوف منهم وكأنه هو الوحيد الذي تتحامي من الجميع خلفه ، أما هو فكان يقف بألم شديد في رأسه وجسده واصواتهم المرتفعه تزعجه وبشده .
سليم بضيق : استنو يا جماعه بالراحه نسمع منها الاول
ليث : هو احنا لسه هنسمع وأكمل وهو يحاول أن يقترب منها ولكن منعه سيف وزين : وحيات امي لادفنك حيا يا كارمن انتي بتستغفلينا
مليكه : ما تنطقي يا بت انتي مين دا
كارمن : د...دا دا زميلي في الكليه
ليث بغضب وصوت مرتفع : زميلك واقفه معاه وماسكه ايدو وبتمسحي دموعو انتي مفكرانا مختومين علي قفانا ولا اييييه
كارمن ببكاء : ه...هفهمكو والله
زين : طب ما تتكلمي يا كارمن مستنيه ايه
كارمن ببكاء : د...دا كريم زميلي في الكليه بس هو في اخر سنه ب...بيحبني وبحبو بس والله العظيم بعدنا عن بعض بقالنا فتره كبيره والله العظيم ما عدت بشوفو ولا بكلمو والله يا ماما بعدت عنو
مليكه بغضب شديد : بتحبيه وبيحبك ازاي يعني مفيش حاجه اسمها بيت يجي يطلبك منو
كارمن ببكاء : هيجي والله العظيم هيجي هو بس ظروفو مش كويسه مستني يبقي جاهز ويجي يتكلم معاكو ويطلبني منكو وحيات ربنا هيجي يا ماما
وهو يقترب منها ويمسكها من شعرها مره اخري : الغلط مش عليكي الغلط علينا إننا سايبينك رايحه جايه براحتك بس دا علشان واثقين فيكي وانتي خونتي الثقه دي وخليتي واحد ملوش اي لزمه يلعب بيكي
كارمن ببكاء وألم وهي تحاول إبعاده عنها : كريم مابيلعبش بيا كريم هيجي ويتقدملي وهتجوزو علشان بحبو وسع سيب شعري اوعااا
ليث بغضب جامح : انتي كمان بتدافعي عنو قداااااامي
زين : سيبها يا ليث يابني سيبها شعرها هيطلع في ايدك سيبهااااا
