حين أقول أردت الاطمئنان عليك ، تأكد أنني أقصد لم أستطيع العيش بدونك ♥️🌍
أسيل بصوت مرتفع لكي تسمعها كارمن : كارمن تليفونك بيرن وأكملت بصوت أعلي ونداء : يا كاااارمن يااابت تليفونك بيرن
اقتربت من الهاتف والتقطته وهي تقرأ الاسم باستغراب .
أسيل وهي تعقد ما بين حاجبيها باستغراب : مين كريم ده وأكملت وهي تفتح المكالمه وتضع الهاتف علي أذنها مجيبه علي المتصل : الووو؟! ، الوووو الووووو انت مين الووو ما ترد
كارمن وهي تخرج من المرحاض : انتي بتكلمي مين وأكملت باستغراب : مش ده تليفوني
أسيل باستغراب وهي تنظر للهاتف : اه و واحد اسمو كريم رن ورديت عليه بس هو م........
كارمن بفزع وهي تقترب منها وتلتقط هاتفها سريعا : ايه؟! وانتي رديتي عليه
أسيل باستغراب لهيأتها : اه رديت
كارمن بدموع هبطت للتلو : أسيل ابوس ايدك اوعي تقولي لحد اوعي تقولي لليث يا أسيل والنبي هيموتني لو عرف حاجه
أسيل باستغراب شديد : اقولو ايه انا رديت بس هو ماتكلمش فضلت اقول الوو الوو بس محدش رد
كارمن بدموع : بجد
أسيل وبدأ الشك يراودها : هو مين كريم ده يا كارمن
كارمن بخوف وتوتر : د...ده زميلي في الجامعه
أسيل : انتي مصدقه نفسك؟! زميلك في الجامعه هتتفزعي كده لما ارد عليه مين كريم يا كارمن وايه الي لو ليث عرفو هيموتك علشانو
كارمن بعياط وشهقات مرتفعه : هقولك بس والنبي ماتقولي لحد ولا ماما ولا بابا ولا ليث ولا سليم وبالذات ليث يا أسيل ابوس ايدك
أسيل وهي تقترب منها بهدوء : اهدي واحكيلي كل حاجه بس من غير كدب ومن غير ماتخبي حاجه وبعدين من امته وانا بقول لحد حاجه طول عمر اسرارنا مع بعض
كارمن ببكاء : ماشي هقولك بس اوعديني تسمعيني للأخر وتفهميني
أسيل وهي تهز راسها بتفهم : اوعدك واكملت وهي تجذبها من يدها وتجلسها أمامها : اقعدي وفهميني كل حاجه من الاول
قصت لها كارمن كل شئ بداية معرفتها بكريم وحتي اللحظه التي تجلس فيها امامها ولا يخلو حديثها من البكاء وشهقاتها المرتفعه متذكره حبيبها .
كارمن ببكاء : والله العظيم هو ده كل الي حصل من يوم ما عرفتو ، قوليلي اعمل ايه يا كارمن انا بموت كل يوم وانا حاسه اني بخون ثقتهم فيا بس في نفس الوقت مش عارفه ابعد عنو مينفعش اسيبو مينفعش يبقي لوحدو
كارمن وهي تأخذها في احضنها وتمسد علي رأسها بحنان : طب اهدي وأكملت بتنهيده قويه مغمضه عينيها : حاسه بيكي وعارفه يعني ايه بتحبي واحد ومش عارفه تبقي معاه اهدي وانشاء الله ليها حل
كارمن ببكاء : طب قوليلي اعمل ايه وانا اعملو بس اي حاجه غير اني ابعد عنو
أسيل بحيره : ماينفعش لازم تبعدي علشان ابوكي واخواتك لو عرفو هيطينو عيشتك وخصوصا ليث يموتك فيها
كارمن ببكاء وشهقات مرتفعه : ماينفعش هو مامتو تعبانه الفتره دي ونفسيتو مدمره ولازم ابقي جمبو
أسيل بدموع : بتحبيه كل الحب ده
كارمن ببكاء : بموت فيه مش عاوزه من الدنيا غيرو ياخدو مني كل حاجه ويسبهولي هو وانا هبقي اسعد واحده في الدنيا بس يبقي معايا
أسيل : بصي ردي عليه الاول علشان مش مبطل رن وبعدين هنفكر ونشوف هنعمل ايه
كارمن وهي تمسح دموها : ماشي بس اوعديني ان ده سر بينا
أسيل بعتاب : اخص عليكي يا كارمن انتي اختي يلا ردي عليه
كارمن وهي تلتقط هاتفها : حاضر وهفتح الاسبيكر كمان علشان تتأكدي من كلامي وتعرفي اني مش كدابه ثم أكملت وهي تفتح مكبر الصوت وتهتف بصوتها الباكي : ا...الووو
كريم بسرعه وخضه : كارمن الحمد لله انك رديتي ، كارمن في واحده ردت عليا ، مين الي ردت دي اوعي تكون امك يا كارمن
كارمن بهدوء وهي تأخد نفسا لتتحدث : لا مش امي
كريم بقلق واستغراب : مالك يا حبيبتي صوتك مالو انتي معيطه
كارمن بهدوء : لا ، المهم قولي كنت عاوزني في حاجه
كريم : اه كنت عاوز اشكرك انا دلوقت في مستشفى الماجد وماما اتحجزت وبيعملولها كل الي محتجاه وماطلبوش ولا مليم حتي روحت الحسابات قالولي الحساب واصل مش عارف من غيرك كنت عملت ايه ربنا يخليكي ليا
كارمن بإبتسامه هادئه : ويخليك ليا ويقوملك مامتك بالسلامه
كريم بدعاء : يارب يا كارمن يارب
كارمن : انا هقفل بقي علشان بذاكر عاوز حاجه
كريم بإبتسامه : لا يا حبيبتي عاوز سلامتك ركزي في مذاكرتك اشوفك بكره في الجامعه سلام
كارمن : سلام
