جاء اليوم الذي ينتظره الجميع بلهفه وشوق وسعاده شديده وخاصة ذلك العاشقان الذي سيكونان لبعضهم اليوم ، اليوم ستبدأ حياتهم اليوم ستضحك لهم الدنيا من جديد ، اليوم سيهدئ القلب ويطمئن بجانب من يعشق .
كان الجميع يجهز بسعاده شديده وحماس للمساء فكان الجميع متحمس بشده ليرو الاثنان وهم بجانب بعض يدا بيد .
في قصر السيوفي .
مليكه : ياه يا فهد مش مصدقه إننا وصلنا لليوم دا انا كنت خلاص فقدت الامل من كتر الي بيحصل
فهد بابتسامه وهو يقبل رأسها : فاكره يوم فرح زين لما قولتلك هنوصل لليوم دا مع ليث ويبقي فرحو هو واسيل وادي اليوم جيه اهو
ملكيه بسعاده شديده : انا مبسوطه اوي يا فهد مش قادره اوصفلك انا مبسوطه بيهم قد ايه دول تعبو اوي علشان يوصلو لليوم دا
فهد بابتسامه وسعاده لصغيره وابنة اخته : وانا كمان مبسوطلهم اوي ربنا يسعدهم
مليكه : يارب ، انا هروح اشوف سليم وكارمن خلصو ولا لسه علشان منتأخرش
خرجت من غرفتها واتجهت الي غرفة صغيرها .
مليكه وهي تدلف الي الداخل : ها يا حبيبي خلصت ولا لسه
سليم : قربت اهو يا ماما
مليكه : طب يلا علشان متتأخرش
سليم : حاضر يا ماما هخلص واروح اجيب استبرق واجي علي القاعه علطول
مليكه : ماشي يا حبيبي عقبالك يارب
سليم : يااااارب انا زهقت
مليكه بضحك : زهقت ايه يا واد انت لحقت وبعدين هانت اهي كلها كام شهر
سليم بمرح كعادته : طب ما تضربو عصفورين بحجر وتخلصو مني انا والواد في يوم واحد واكتب كتابي انا كمان النهارده
مليكه بضحك : سلق بيض هو
سليم : خلاص لما اخطفها بقا ماتزعلوش
مليكه بضحك : يا واد دا انت خطبها بقالك شهرين بس امال لو بقالك سنتين ولا تلاته هتعمل ايه
سليم : مليش خلق انا للسنين دي انا عاوز اتجوز علطول
مليكه : ياعيني عليك يا ليث يا ابني صبر سنين وسنين واكملت بابتسامه وسعاده : بس الحمد لله ربنا رضا قلبو وجمعهم ببعض ، يلا يا اخويا خلص وانا هروح اشوف اختك
خرجت من غرفته ودلفت الي غرفة ابنتها .
مليكه : ايه يا حبيبتي خلصتي ولا لسه
كارمن وهي تهندم شعرها : لسه يا حبيبتي
مليكه : طب يلا بسرعه علشان نوصل بدري
كارمن : انا مش عارفه مختاريين مكان بعيد كدا ليه دا احنا هنقعد ساعه وربع في الطريق
مليكه بضحك : اسيل الي مختاره المكان دي جننت ليث وفضل يقنعها يعملو الفرح في مكان قريب وهي راسها والف سيف المكان دا علشان عاجبها وفيه حاجات معينه هي عاوزاها ولقيتها في المكان دا
كارمن بضحك وسعاده لهما : ربنا يسعدهم حقها تختار كل حاجه علي مزاجها دا يومها
مليكه : يارب يا حبيبتي عقبالك ، ها هتيجي معانا ولا لا
كارمن : لا كريم هيجي ياخدني ونروح مع بعض ، خد عربية صاحبو وساعه كدا وهيعدي عليا
مليكه : ماشي يا حبيبتي خلو بالكو من نفسكو ومتتأخروش
كارمن : حاضر يا ماما
مليكه : انا هروح اكمل لبس علشان ننزل انا وابوكي
كارمن : ماشي يا حبيبتي
"""""""""""""""""""""""""""""""""""""""""""""""""""★
في منزل حازم .
