الشخص وهو يعطيها شئ : طيب الحاجات دي بتاعتكو استاذ ماجد كان طالبهم علي البيت
أسيل وهي تأخد منه ما أعطاه لها : حاجات ايه دي
الشخص بابتسامه : دول الثلاث باسبورات بتوع حضراتكم
أسيل : ايه
الشخص : الباسبورات يا أنسه بتاعت حضرتك وبتاعت مدام سلمي وبتاعت استاذ ماجد
أسيل بصدمه واستغراب : ا...ايوه و...و...ودول كانو بيعملو ايه مع حضرتك مش فاهمه ومين حضرتك اصلا
الشخص : انا هيثم من مكتب السياحه واستاذ ماجد كان باعت الباسبورات علشان يشوفها تمام للسفر ولا محتاجه تتجدد علشان حجز التذاكر للسفر وكمان علشان ي...........
ماجد من الداخل بصوت مرتفع : مين يا أسيل
هيثم : طيب يا فندم ابقي عرفي استاذ ماجد اني جيت سلام عليكم
أغلقت الباب خلف هيثم بصدمه بالغه باسبورات ماذا وسفر ماذا أيحيك ابيها شئ من خلفها ، وقفت بصدمه شديده تتأمل الباسبورات الموجوده بيدها وهي تحاول ربط الأحداث والتوصل الي تفسير لما يحدث هذا ، اتجهت الي ابيها بصدمه ووقفت أمامه تنظر له بنظرات فشل في تفسيرها .
ماجد : مالك يا بت واقفه متنحه ليه كده وايه الي في ايدك ده ومين الي كان بيخبط اصلا
أسيل وهي ترفع له ما بيدها : دي الباسبورات
ماجد : ايه ده هو جابهم أمته طب مادخلش ليه
أسيل بصدمه من لامبالة ابيها : م...مادخلش ليه ؟! يعني ايه يعني حضرتك الي مودي الباسبورات دي مكتب السياحه بجد
ماجد وهو ينهض ويقف أمامه وهو ينظر لها نظرات حده : اه يا أسيل انا الي موديهم وواخد باسبورك من غير ما انتي تعرفي
أسيل وهي تنظر له بصدمه : ليه وبعدين تذاكر ايه الي الراجل ده بيقول عليها
ماجد : تذاكر السفر
أسيل بذهول : سفر ايه
ماجد بحده شديده وهو ينظر الي عينيها مباشرة وكأنه يري لهفتها عليه ورعبها من البعد عنه : هنسافر يا أسيل
أسيل بعد استيعاب : هن ايه
ماجد وهو يشدد علي احرف كلماته : هنسافر ، قولتلك الحكايه دي قربت تخلص علشان طولت وانا اتخنقت
أسيل : حكاية ايه ، ايه الي حضرتك بتقوله ده وبعدين سفر ايه انت اكيد بتهزر
ماجد : والله انتي حره تصدقي ماتصدقيش دي حاجه تخصك أو اقولك ممكن تصدقي لما نحجز التذاكر واقولك سوسو اجهزي احنا مسافرين كمان كام يوم
أسيل بصدمه شديده وهي تنظر لوالدتها : انتي عارفه حاجه عن الموضوع ده
وضعت والدتها رأسها أرضا ترفض النظر في عين ابنتها وكأنها تخشي أن تقع في مواجهه مع ابنتها .
أسيل بصدمه : يعني ايه سكوتك ده معناه ايه
ماجد : معناه أن انا الي اقول ايه الي يحصل وايه الي مايحصلش
أسيل : بس انا مش هسافر يا بابا
ماجد بحده شديده : بتتحديني يا أسيل
أسيل : العفو ماقدرش اتحدي حضرتك طبعا بس انا مش هسافر مش هسيب بلدي واهلي وناسي وشغلي وامشي
ماجد بحده وهو ينظر في عينها : قصدك مش هتسبيه وتمشي
أسيل وهي تبعد نظرها عن والدها : ا...انا معرفش حضرتك بتتكلم عن مين انا مجبتش سيرة حد معين
ماجد : انتي فاهماني كويس يا بنت ماجد
أسيل : مش هسافر يا بابا انا حياتي وشغلي واهلي وصحابي هنا واخواتي الي اتربيت في وسطهم هنا مش بعد كل السنين دي هسييهم وامشي
ماجد : انتي مش هتمشي كلامك عليا وانا قولت هنسافر يبقي هنسافر
أسيل ببعض العصبيه والصدمه من والدها : طب وانا انا رأيي فين انا مش صغيره علشان حضرتك تاخدني مكان ما انت عاوز تروح ، عاوزه تسافر يبقي تاخدني معاك عاوز تقعد يبقي تقعدني معاك لا يا بابا انا مش عيله انا كبرت وليا شغل وكرير وصحاب وناس اتربيت وسطهم واتعلقت بيهم و......... واكملت بداخلها : وهو ، مقدرش أسيبو وامشي مقدرش ابعد عنو
ماجد : وايه ما تكملي
أسيل : يا بابا حضرتك لازم تاخد رأيي الاول في الموضوع وساعتها يكون ليا حرية الاختيار اسافر أو افضل في بلدي
ماجد : وايه رايك بقي اني عملت كل حاجه من غير ما تعرفي علشان مادكيش حرية الاختيار دي
أسيل : يعني هتسافرني غصب عني
ماجد بحده : اه يا أسيل اعتبريه أمر واقع ومدام الناس الي قولتي عليهم دول هما بس الي يهموكي سهله ابقي كلميهم في التليفون كل فتره
