واخيراااااااا عرفت انزل البارت ، ازيكو يارب تكونو بخير بعتذر عن التأخير لكن البرنامج كان بيمسحلي البارت كل ما اكتبو كتبتو كتير جدا علي ما عرفت انزلو والحمد لله عرفت انزلو وطويل اوي اهو علشان بقالي كتير مانزلتش ، وبركولي علشان بقيت طالبه جامعيه قد الدنيا 😂♥️♥️♥️
قرأه ممتعه يا حبايبي ♥️✨
______________________________________
كان الجميع سعيد بهذا الخبر ماعدا هما الاثنان فهو كان يبتسم ويظهر فرحته لصديقه ولكن بداخله يموت ألما فكلما اقترب إتمام زواج زين كلما اقترب موعد الفراق ، وهي كانت تضحك وتظهر فرحتها أيضا لزين فهي تعتبره أخيها ولكن كان قلبها يبكي قبل عينيها فوالدها أخبرها أنهم سيغادرون بعد زواج زين وها الان الموعد يقترب والفراق أيضا يقترب ، كان الجميع شاردا ، منهم من شاردا بفرحته بأنهم اخيرا سيحل عليهم فرحه وسيدخل السرور قلوبهم وهناك من شاردا بألم قلبه ظلو هكذا الي أن انتبه علي جميع صوته .
ماجد بابتسامه : مبروك يا زين
زين : الله يبارك فيك يا عمي
قال جملته بإبتسامه ثم نظر إلي ابنته والي ابن صديقه نظرات لا يفهما غيرهم ثم نهض واتجه خارج الغرفه .
سيف : طيب يلا يا جماعه نسيبو يرتاح
الجميع وهم ينهضون : يلا
سليم : لو عوزتي حاجه ابعتيلنا الممرضه يا ماما
مليكه وهي تنهض : لا انا هخرج اشوف فهد خليكي معاه علي ما اجي يا اسيل
اسيل : ه...هاا ا...اه اه حاضر
سليم وهو يفهم ما فعلته والدته : يلا يا ماما
وخرج الجميع وتبقي هو وهي فقط جلست علي الكرسي الموجود بجوار فراشه وعينهما تعلقت ببعضها وتبوح العين بكل شي تبوح بما لا يستطيع اللسان البوح به .
ليث : شوفتي ابوكي
اسيل وهي تنظر ارضا : .........
ليث : شوفتي بصلي ازاي لما حددنا قراية فاتحة زين زي ما يكون بيقولي قربت اعمل الي انا عاوزه وهتشوف
اسيل : ليث ا...ا...
ليث : ايه ، ايه يا اسيل طب حد قالك عمل ايه وانتي مخطوفه
اسيل وهي تهز رأسها : لا هما قالولي ا...انو انو جرحك يعني بس معرفش ازاي ولا عمل ايه
ليث : ابوكي كان رافض مساعدتي حتي وانتي بتروحي منو انا لو قاتلو قتيل مش هيعمل كده
اسيل وهو تضع رأسها ارضا : ا...انا انا مش عارفه اقولك ايه مابقاش في كلام يتقال في الموضوع ده
ليث وهو رفع رأسها بيده وينظر لعينيها الجميلتان اللتان ارهقهما البكاء : انتي هتقفي قدامو وهترفضي صح يا اسيل
اسيل بدموع وهي تهز رأسها بنفي : انت ماتعرفش بابا يا ليث
ليث وهو يقطب ما بين حاجبيه : يعني ايه
اسيل ببكاء : يعني مادام قال هعمل كذا يبقي هيعمل لو مين وقف قدامو
ليث : انتي ليه مستسلمه كده
اسيل والدموع تملئ وجهها : هههه كده مستسلمه فكرك ماوقتش لا يا ليث وقفت وواجهت واعترضت بس ايه النتيجه قالي هعمل الي انا عاوزه بردو
ليث وهو ينظر لعينيها : يعني هتمشي يا اسيل
اسيل وهي تنظر لعينيه الجميلتان المتعبتان : عاوزنا نمشي
ليث : لا طبعا
اسيل وهي تنظر لعينيه والدموع علي وجنتيها : وليه انت ماتحربش علشاني يا ليث
ليث : احارب علشانك بصفتي مين
اسيل : إجابة السؤال ده عندك انت
ليث بصمت : .........
اسيل بدموع : ا...انا عارفه انت ايه بالنسبالي ، انا بقي ايه بالنسبالك ها يا ليث انا ايه عندك
ليث بضعف وهو ينظر لعينيها : ا...انتي انتي.......
اسيل بابتسامه باهته وسط دموعها : بردو سكت واكملت وهي تنهض : انا هقوم انده لطنط مليكه
ليث وهو يمسك يدها : اسيل
اسيل بتنهيده وهي تنظر له : نعم يا ليث
ليث : علشان خاطري ماتستسلميش اقفيلو وارفضي وأكمل بضعف : علشان خاطري ماتمشيش
اسيل بدموع وهي تنظر له : علشان خاطري انت حاول ولو مره واحده علشاني
ليث : انتي عارفه اني مستعد اعمل اي حاجه علشانك بس انتي عارفه علاقتي ب ابوكي عامله ازاي
اسيل : وانا ماستهلش أنك تيجي علي نفسك علشاني ها يا ليث ماستهلش ، ما تتكلم قولي انا عملت فيك ايه وجعتك ازاي نظراتك ليا معناها ايه الكلام الي بتقولو كأنك بتوجهلي رساله منو ده معناه ايه ها يا ليث ، انا بقيت بموت كل يوم من التفكير يا تري عملت فيه ايه يا تري وجعتو ازاي بس لما بفكر مابلاقيش حاجه يا ليث كل ايامنا زمان كانت حلوه كل ذكرياتنا ك...كانت كانت حلوه يا ليث احنا زمان كنا كويسين معرفش ايه الي وصلنا للي احنا فيه ده ، بس لو هتتكلم علي الوجع ف انا الي اتوجعت بسببك مش انت بس للاسف معرفش اغير مشاعري ناحيتك واكملت وهي تفتح باب الغرفه لتخرج : سلام يا ليث
