سيف : هنعمل ايه
زين : مش عارف انا دماغي بتيجي عند الموضوع دا وتتشل
سيف وهو ينظر إلي ذلك الواقف امام سيارته ينظر ارضا ينتظر والديه ليتجها الي منزلهم : وبعدين يا زين هنسيبو كدا
زين : حالتو كل يوم بتسوء عن الاول انا مش عارف المفروض نعمل ايه ا........
قطع حديثهم صوت رنات هاتف زين ، أخرج هاتفه من جيبه وهو يري من المتصل لينظر بدهشه إلي الهاتف .
زين : دي عمتك سلمي
سيف باستغراب : ايه ، في الوقت دا
زين بقلق : اكيد في حاجه وأكمل وهو يجيب علي الهاتف : الو وأكمل سريعا : ا...انا انا مش فاهم حاجه اهدي بس في ايه وأكمل بصدمه وهو ينظر إلي سيف : ايه
سيف بقلق : ايه في ايه
زين مكملا حديثه علي الهاتف : ط...طب طب انتو فين دلوقت ، طب اهدي يا عمتي اهدي إن شاء الله خير
فهد وهو يتحدث علي الهاتف بجانبهم : ايه ؟ يابني انا مش فاهم منك حاجه ، طب قالولك ايه ، طب اهدي اهدي بس
لاحظ ليث الواقف بعيدا أفعالهم ، لاحظ زين وهو يتحدث في الهاتف بصدمه وينظر الي سيف ولاحظ والده أيضا الذي ظهر علي وجهه علامات القلق والخوف ، ارتعب من وجوههم واقترب منهم وقدماه تخبط ببعضها من القلق .
ليث وهو يقترب ويقف أمام زين : ف...في ايه بتكلم مين ها في ايه يا زين وأكمل وهو ينظر إلي والده : ف...في ايه يا بابا ، ا...اسيل جرالها حاجه وأكمل بعدما قابله والده بالصمت : ج...جرالها حاجه صح ا...انا انا حاسس اصلا من الصبح
نظر والده الي أصدقائه ثم نظر ارضا وهو لا يعرف ماذا يقول لصغيره ، ارتعب الآخر فقد تأكد أنه حدث شئ لحبيبته .
ليث وهو ياخد أنفاسه بصعوبه من خوفه : رد عليا يا بابا وأكمل وهو يبتلع لعابه بقلق شديد : ج...جرالها ايه والنبي رد عليا وأكمل وهو ينظر إلي أصدقائه : ط...طب ردو انتو ايه الي حصل
فهد : اهدي وتعالي نروح البيت وانا هفهمك كل حاجه
ليث وهو يهز رأسه بنفي : ل...لا انا مش همشي غير لما اعرف في ايه
زين بتوتر : ا...ا...ب...بص اهدي و...واحنا هنفهمك بس بلاش في الشارع
ليث وهو يبتلع ريقه برعب عليها : ح...حصلها حاجه وحشه صح م...ماهو ماهو سكوتو دا ملوش معني غير كدا وأكمل وهو يوجه حديثه إلي ابيه : علشان خاطري قولي في ايه قلبي هيقف
زين : ه...هي هي بس تعبانه شويه
ليث ومازال ينظر إلي ابيه : انا عارف انهم بيكدبو علشان خاطري قولي انت الحقيقه حصلها ايه
مليكه : في ايه يا فهد قلقتنا
ليلي : ما تتكلم يا زين في ايه وكنت بتكلم مين
ليث : انت كنت بتكلمو صح
فهد وهو يهز رأسه بإيجاب : ا...ايوا
ليث وقد زادت سرعة أنفاسه من خوفه : يعني حصلها حاجه فعلا ، عرفني يا بابا جرالها ايه
مليكه : ما تتكلم يا فهد انت ساكت ليه
فهد : م...ماجد بيقولي انو رجع من الشغل سلمي قالتلو إنها دخلت تنام فضلو قاعدين شويه وبعدين سلمي دخلت تطمن عليها لقيتها قاطعه النفس وجسمها متلج ندهت لماجد فضل يحاول يوفقها ماعرفش خدوها وطلعو علي المستشفي
زين مكملا : وعمتي سلمي بتقول إن الدكاتره بقالهم ساعتين معاها جوه ولسه محدش خرج يطمنهم ورفضو إن عمي ماجد يدخل معاهم
فهد : و...وماجد بيقولي إنهم من ساعتها قاعدين قدام الاوضه ومحدش خرج يقولهم حاجه وهما هناك لوحدهم
زين وهو ينظر إلي ليث : وعمتك منهاره وعماله تقولي الحقوني
فهد : وماجد حالتو وحشه ومش عارف يعمل ايه وأكمل وهو ينظر إلي صغيره ليري ردة فعله : عمال يقولي الحقني يا فهد البت بتروح مني
ليث : ي...يعني ايه يعني ايه لا مش فاهم يعني ايه ، ي...يعني يعني اسيل هتضيع ها هتضيع ، و...وعاوزك تلحقو ماهو الي عمل كدا هو السبب في كل حاجه ، وحياتها عندي لو جرالها حاجه انا ماهيهمني حد وأكمل وهو يتحسس مؤخرة رأسه بتوتر وخوف شديد : قاطعه النفس ينهار اسود وأكمل بصوت مرتفع : ماهو من إهمالهم ليهاااا سايبينها مرميه في الاوضه اربعه وعشرين ساعه لوحدها وهما ولا علي بالهم اي حاجه
فهد : اهدي احنا في الشارع وأكمل وهو يدفعه تجاه السياره : اركب ، هنروح وبعدين نتصرف
ليث بصوت مرتفع وغضب : انا مش عاوز اروح ا....
سيف : ا...اهدي بس يا ليث
ليث بغضب شديد : محدش يقولي اهدي دي
فهد وهو يدفعه داخل السياره : بقولك اركب
