قد لا يكون لدي الكلمات ولكن لدي الحب الذي تحتاجه ❤️🌏
في غرفة مليكه .
كان يجلس بجانبها يحتضنها كي يطمأنها بوجوده ظل بجانبها حتي أتت له رساله علي هاتفه نظر لأسم فوجدها من سيف صديقه فتح الرساله فوجد سيف أرسل له الرقم الذي أرسل له الصور نظر للرقم باستغراب وشك ظل يبعث بهاتفه حتي تحول شكه لاستغراب شديد وصدمه
ليث بهمس وصدمه : ايه ده ، ده هو نفس الرقم الي بيبعتلي رسائل التهديد
لاحظت والدته ملامح الوشه التي تحولت للصدمه والاستغراب والغضب .
مليكه : في حاجه يا حبيبي
ليث بانتباه : ها ؟! لا مفيش حاجه انا هقوم اعمل حاجه واجي علطول
مليكه : لا خليك معايا علشان خاطري
ليث وهو يقبل يديها : خاطرك عندي بالدنيا كلها هي مكالمه هعملها وهاجي وهفضل قاعد معاكي لحد ما تزهقي مني كمان
مليكه بابتسامه : ماشي يا حبيبي
فهد بمرح : يعني امشي انا بقي ما حبيب القلب هنا
مليكه وهي تمسك يد زوجها بشده : لا يا حبيبي خليك بردو معايا
فهد وهو يجلس بجانبها ويقبل جبينها : كلنا معاكي يا حبيبتي ثم وجه حديثه لولده : روح انت شوف هتعمل ايه وبعدين تعالي
ليث وهو ينهض ويتجه خارج الغرفه : ماشي
سليم وهو ينهض وعلي وجه علامات القلق : ا...انا هروح مشوار وجاي علطول
فهد : مشوار ايه
سليم : مشوار مش هتأخر سلام
مليكه بقلق : هو رايح فين
فهد وهو يمسك يدها : ممكن تبطي تقلقي عليهم كده هما مابقوش صغيرين دول رجاله
مليكه بدموع : خايفه يا فهد خايفه الايام دي ترجع تاني انا مش هستحمل اشوف حد فيكو فيه حاجه كفايا الي شوفتو معاك انا شوفت الذل علشان ابقي معاك ودمي نشف من خوفي اني اخسرك كل ده مش هستحمل اعيشو تاني
فهد وهو يطمأنها : يا حبيبتي الي أذونا زمان خدو جزاتهم ، ده كان ماضي وعدي وعشنا بعده اجمل ايام حياتنا وخلفنا وعيالنا كبرو وبقي رجاله وعايشين مبسوطين ، الي فات عمرو ما هيرجع تاني ولو علي الرساله الي جيت لليث فممكن يكون أعداء نجاح انتي عارفه إن إبننا ناجح في شغلو وليه اسمو يعني عداوة شغل ، والحوارات دي هو بيعرف يتعامل معاها كويس
مليكه بخوف : والكلام الي قالهولنا ده معناه ايه
فهد : خايف علينا علشان بيحبنا مفيهاش حاجه بيأمنا ويأمن نفسو علشان مايحصلش حاجه وحشه
مليكه ببعض الهدوء : ماشي يا فهد
فهد وهو يضمها لصدره : ماشي يا قلب فهد
""""""""""""""""""""""""""""""""""""""""★
سأظل حبك ولو طال انتظاري فإن لم تكن قدري فقد كنت إختياري ♥️🌏
في غرفة ليث السيوفي .
كان يقف يتحدث في هاتفه بعصبيه : يعني ايه مش متسجل
الشخص علي الطرف الآخر : والله الخط مش متسجل باسم يا ليث باشا
ليث : طب والمكان بردو مش هتعرف توصلو
الشخص : ولا المكان الخط شبه متشفر مش عارفين نوصل لمكانو بردو
ليث بعصبيه : اقفل
اغلق الخط ووقف يتنفس بغضب فهو يريد معرفة من الذي يريد هدم حياته وهدم حياة من يخصه ، وبعد وقت ليس طويل فتح هاتفه مره أخري وقام بالاتصال علي الرقم الذي يرسل له رسائل التهديد وهو نفسه الذي أرسل الصور الي صديقه ، ظل ينظر في هاتفه الي أن فتح صاحب الرقم الخط دون أن يتحدث .
