الحب أن اكتفي بك ولن اكتفي منك ابدا 🌍♥️
قطع حديثهم رنات هاتف ليث التي تعلن عن اتصالها نظر للمتصل فوجدها هي فأغمض عينيه بشده من تلك الصراع الذي بدأ للتلو وكم المشاعر التي اصبحت تواجهه لمجرد رؤيتة اسمها استغرب سيف حالته تلك التي تحول لها عند رؤية المتصل ولكنه فهم للتلو انها هي من هيأته تلك .
ليث بحده : ايوه يا أسيل
*الحقني يا ليث
ليث وهو يعتدل في جلسته متحدثا بقلق من صوتها : في ايه يا أسيل ايه الصوت الي عندك ده الوووو الوووو
أسيل : الحقني يا ليث تعالي بسرعه انا ف...في المحكمه
ليث وهو ينهض سريعا ويلتقت مفاتيح سيارته : انا جاي حالا خليكي عندك
ذهب سريعا غير مهتما بنداء سيف المستمر وسؤاله ماذا حدث .
""""""""""""""""""""""""""""""""""""""""★
وفي سماع صوتك حنين اليك لا تعلمه ♥️🌍
في احدي المطاعم الفاخره كان يجلس مع صديقه يتناولان الغداء في جو من المرح والضحك كعادتهم .
اسلام وهو يتناول الطعام : يعني معانا بالليل ولا ايه
سليم : مش عارف لسه
اسلام : يابني ما احنا خلصنا شغل في الشركه ومورناش حاجه ماتبقاش رخم بقي يا سليم خلينا نسهر ونتبسط بالليل
سليم بمرح : نسهر ونتبسط واتعلق انا في البيت
اسلام ببعض الغضب : مش فاهم انا ايه حكاية التحكمات دي هو انت عيل يا سليم
سليم : قولتلك ليث اخويا جاب اخره مني وهيقول لأبويا وساعتها هتبقي ليله سوده
اسلام بضيق : وهو يقولو ليه هو مالو ما انت حر تعمل الي انت عاوزه
سليم بمرح : ياعم بيخاف عليا هو الي مربيني فهو أبويا مش اخويا وبيخاف عليا شويتين
اسلام : خلاص احنا مع بعض بالليل اشطا
سليم : اشطاا
اسلام : طب يلا نمشي بقي علشان اتأخرت علي أمي
سليم : ما احنا بقالنا يجي ساعتين قاعدين جاي تفتكر انك اتأخرت دلوقت
اسلام : مستني خالتي وبنتها يمشو مش عاوز اروح وهما هناك وأكمل وهو ينظر في ساعته : ودلوقت زمانهم مشيو انجز بقي
سليم وهو ينهض : طيب ياعم اهدي شويه هروح الحمام واجي وبعدين نمشي
اسلام وهو يفتح هاتفه يعبث به : مستنيك
سليم وهو يستدير للجهه الأخري لكي يذهب : مش هتأخ........ ، اييييه ده
اصطدم بفتاه كانت تحمل مشروب بيدها وعند اصطدامه بها وقع المشروب كاملا علي ملابسها ، وقفت تحدق في ملابسها البيضاء بصدمه وتنظر لسليم بعيون غاضبه بشده من فعلته تلك .
سليم بأسف : انا اسف جدا يا أنسه معرفش والله انك جايه ورايا
ملك بغضب شديد وصوت عالي انتبه له من في المكان : وانا اصرفهااااا منين أسف دي هدووومي باااظت
سليم بغضب فهو يكره بشده ان احد يرفع صوته عليه : بقولك ايه وطي صوتك انتي ماتعرفيش انتي بتكلمي مييين وبعدين انا المفروض ما اعتذرش اصلا انا كنت واقف بضهري ومش شايف حاجه وانتي الي جايه من ورايا يعني شيفاني وانا بقوم يبقي مليش دعوه بقي
ملك بغضب شديد : هكون بكلم مين يعني اييييه وزير الدخليه ما تهدي علي نفسك شويه ، قليل الذوق صحيح المفروض ماتعتذرش وأكملت وهي تمسك ملابسها الغارقه بالالوان من المشروب : المفروض بعد الي انت عملته ده ماتعتذرش
اسلام بمحاولة تهدئة الموقف : خلاص يا جماعه صوتكو عالي واحنا في مكان عام الناس بتتفرج علينا
ملك بغضب : ده واحد مش محترم يعمل المصيبه وفي الأخر يقول مليش دعوة
سليم : تصدقي انك بت قليلة الادب ولسانك طويل وأكمل وهو يجلس : وانا غلطان اصلا ان كان في نيتي اساعدك امشي في الشارع كده بقي
