ملاذى

البارت الثانى عشر

مر ثلاثه اسابيع من الحب والحنان والكره والغيره كانت فيهم ملاذ سعيده باهتمام امير بها وذهابه إليها دوما وكانت تخرج معه بين الحين والآخر لكى لا تشعر بالملل ف المنزل وكان دائما ع تواصل معها ف عمله وكانت ف هذه الفترة ف تحسن كبير حتى صارت احسن بكثير وتستطيع الان المشاغبه مع الجميع كما كانت...أما هو فكان يتمنى أن تتعافى ف اسرع وقت فهو يريد أن يصير زفافهم ف اقرب فرصه حتى أنه قام بتحضير كل شئ فى شقته وحدد مكان اقامه الزفاف وحتى فستان الزفاف الذى اختاره لها خصيصا وهى لا تعلم...لا يعلم لماذا هناك شعور بداخله يتملكه بأنها يجب أن تكون له وبأقرب فرصه يريد ان تبقى بقربه دائما ولا تبتعد ابدا عنه وقد اهمل ريماس ف هذه الفترة جدا مما اغضبها.
.
.
أما عند ملك وعمر التى لا تنتهى مشاجرتهم وغيرته عليها طوال الوقت وهى التى استغربت منه فأحيانا يعاملها بتجاهل وبرود وجفاء واحيانا أخرى يعاملها بحب وهدوء وحنان فهى لم تعد تعرف ما يجول ف رأسه ولا تعرف ماذا يريد أو ماذا ينوى ولماذا يفعل كل هذا وكانت تشعر بالحزن عندما يعاملها ببرود كثيرا ولكنها سرعان ما تنسى كل هذا بالاعتزار منها.
.
أما عمر فكان يغير كثيرا ع ملك من ايمن الذى لاحظ اقترابه منها وهى مثل الملاك البريئ لا تفهم كل هذا فهو يعلم أن ايمن شخص طيب ولكن لماذا الفتاه التى احبه هو يحبها ايمن وخصوصا أن ايمن يُعتبر زراع عمر اليمنى وايضا صديق له خارج العمل...نعم فهى معشوقته وحبيبته وقطته الصغيره نعم لقد اعترف لنفسه وسمح لكبريائه بالاعتراف فهو يعشقها عشق حد الجنون وغيرته واضحه للجميع ولكنه يحاول تمالك أعصابه قدر الإمكان.
.
.
أما عند ريماس فكانت غاضبه جدا فهى تعرف أن أمير يهتم بملاذ طوال هذه الفترة ويهملها هى وغير ذلك خطتها التى فشلت فلم تسمع حتى الآن بخبر عن الحاج صالح مثلما تريد فماذا يحدث.
.
____****____
.
.
ف الاسكندريه وخصوصا ف هذا المبنى الضخم مبنى عائله الصاوى كان الجميع يتناول أفطارهم ف شقه الحاج صالح حيث اعتادوا هذا.
.
امير ببرود وهو يتناول طعامه يحاول تجاهل ريماس:ان شاء الله انا وجدى هنروح النهارده عند الحاج عماد وهنحدد معاد الفرح وكتب كتابى انا وملاذ.
.
عمر بصدمه:انت بتهزر وانا مش موجود.
.
امير بابتسامه:لاء دانت أهم واحد معانا يا عمر علشان انت اللى هتمسك زنهم مكانى وبدل اما يقولولى انا هيقولولك انت....نفسنا نفرح بيك يا عمر مش ناوى تتجوز عايزين نشوف عيالك قبل اما نموت وكلام من دا.
.
تذكر عمر ملك فور فتحه سيرة زواجه:ادعيلى انت بس.
.
امير:شكل كدا ف حد.
.
ليلى بفرحه:دا يبقا يوم الهنا.
.
ثم نظرت إلى ابنها بلهفه وقالت:مين يا عمر ها هى حلوه يعنى جميله كدا وتفرح واسمها اى و.....
.
قاطعها عمر وهو ينظر لامير بنظرات قاتله:لاء يا ماما صدقينى مش فيه كلام من دا.
.
ثم نظر مرة ثانيه الى امير وقال بهمس فهمه:فتحتها ليه.
.
امير بنفس الطريقه:احسن.
.
ليلى بحزن:خلاص مش عاد حد يحمسنى ع الموضوع دا.
.
رغد بضحك:ههه وهو احنا قولنا حاجه دا احنا كنا بنتكلم ع فرح حبيب قلبى امير وبنتى الغاليه ملاذ اللى مفيش زيها ف الكون.
.
كانت تقول هذه الكلمات وهى تنظر الى ريماس بسخريه.
.
أما الحاج صالح فلم يعلق ع اى كلمه ابدا فكان ينظر إلى ردة فعل ريماس التى أسعدته كثيرا.
.
الحاج صالح بمرح لنفسه:عايزك بس تغلطى غالطه واحده يا ريماس وانا اكون عارف بيها ياااااه هيكون يوم هنايا لما اكشفك قدام حفيدى الغلبان.
.
امير:اى رأيك يا جدى.
.
الحاج صالح باستوعاب:رأيى ف اى يا بنى.
.
عمر بمرح:شكل جدى مش كان معانا كنت بتفكر في مين ها.
.
الحاج صالح:اسكت يالا انت انا كبرت ع الحاجات دى.
.
امير بابتسامه:أهدى يا عمر..المهم المعاد مناسب ولا لاء.
.
الحاج صالح بفرحه:دا انسب معاد يابنى اتكل انت ع الله.
.
امير بفرحه:تمام يا جدى انا هروح انا الشركه وبالليل هعدى عليك ونروح مع بعض بس تكون جاهز ع الساعه ٨ كدا تمام.
.
الحاج صالح:حاضر يا امير هكون جاهز.
.
ريماس بغضب:بعد ازنكو انا هطلع ارتاح فوق علشان تعبت.
.
ثم صعدت إلى الأعلى واتصلت ع احد الارقام:عايزه اعرف هو مش مات ليه لحد دلوقتى.
............
:يعنى اى مش تعرف اومال انا اللى اعرف.
..........
:خلاص خلاص مش عدت عايزه اصلا اتعامل مع واحد زيك.
.
ثم أغلقت الخط وقالت ف حرقه: مش مشكله هتيجى هنا بس انا هقدر اخليكى تبعدى عنه أهدى عليا.
.
_____*****_____
.
.
ملاذ بحزن:يوووه يا بابا والله انا كويسه يعنى الوقت دا كله قاعده وانت مش مصدق سبنى ارسم والنبى.
.
عماد:لاء مفيش رسم وقومى يلا علشان امير كلمنى وقالى أن هو وجده وعمر جايين بالليل علشان هيحدد معاد الفرح.
.
ملاذ بفرحه:هااااى بجد...بس اى علاقة دا برسمى.
.
عماد:ف انك هتضبطى البيت وهتحضرى حاجه ليهم وهتضبطى نفسك وكدا.
.
ملاذ بإصرار:والنبى يا بابا هى رسمه واحده بس بص هو الموضيل دا ف دماغى من زمان ولو مش رسمته هنساه علشان خاطرى ومش تخاف كل حاجه هتكون مضبوطه ف الموعد.
.
عماد بقلة حيله:خلاص يا ملاذ أنا موافق بس ارجع البيت الاقى كل حاجه جاهزه فاهمه.
.
ملاذ وهى تحضن والدها:فاهمه يا احلى اب ف الدنيا.
.
ثم قبلته ف خده واتجه هو إلى عمله.
.
ملاذ بفرحه:دانا هبهرك يا أمير لما تشوف رسمى دا هتتجنن عليه.
.
____****____
.
اتجه عمر إلى عمله ودخل شركته فوجد ملك وهى تضحك مع ايمن فقد كان يقول لها مواقف وجمل جعلتها تضحك بشده ولم تنتبه عليه ابدا.
.
ملك بضحك:بتفكرنى بنفسى لما بكون مع المفترى.
.
ايمن وقد لمح عمر:ملك خلاص اسكتى.
.
ملك:واسكت ليه إن شاء الله انا اتكلم براحتى دا لسانى وانا حره فيه....عمر المفترى..عمر المفترى.. عمر المفترى ...نانانانانانا.
.
ايمن:طيب انا اسف...البسى بقا.
.
عمر ببرود:ياريت تبصى وراكى يا ملك هانم بعد كدا قبل اما تتكلمى.
.
ملك وهى تحاول استوعاب ما يحدث:ايمن هو اللى انا سمعته دا صح ولا انا بيجيلى تهيأت.
.
ايمن:لاء مش تخافى سمعك مضبوط وميه ميه.
.
التفتت ملك له وكانت مرعوبه للغايه فلماذا لم تصمت وأخذت تلعن نفسها ع غبائها هذا فكل مرة تقع في نفس المأزق.
.
عمر:ممكن اعرف مين المفترى.
.
ملك بتوتر:الل..... المفترى هو..هو ايمن اه ايمن عالطول كده بيخلينى اشتغل اكتر منه فكنت بققوله أن هو مفترى مانت عارفنى مش بخاف من حد.
.
عمر بغيرة شديده من مجرد ذكر اسمه ع شفتيها:اه مانا عارف انت هتقوليلى...تعالي يا ملك عايزك ف المكتب.
.
ملك:حاضر....ثم نظرت إلى ايمن الذى كان ف حاله صدمه وقالت قبل أن تذهب خلفه:اسفه يا ايمن والله بس ما باليد حيله.
.
ثم اتجهت خلفه تتبعه بخطوات خائفه منه كثيرا ومن غموضه هذا.
.
عمر بغضب:انت مش عدتى هتشتغلى ف....
.
قاطعته ملك بصدمه:ليه كدا...بص والله انا اسفه انا مش عدت هشتمك ف سرى تانى ومش عدت هقول عنك واحد بارد ومش عدت هقولك مفترى تانى خالص صدقنى بس مش تطردنى ارجوك.
.
عمر بصدمه ف نفسه:ينهااار اسود انا كان بيتقالى دا كله من حتة البت دى واللى انا بحبها ومجنون فيها بتشتمنى ف سرها لا حول ولا قوة الا بالله والله عجائب.
.
ثم قال بكل برود:خلصتى المرشح بتاعك...انا مش بحب حد يقاطع كلامى انا مش قولت أنا هطردك انا كنت لسه جاى اكمل كلامى واقولك انت هتروح قسم تانى.
.
ملك بصدمه:طيب ليه كدا.
.
عمر:هو كدا انا المدير هنا وبعدين انت نسيتى كلامك من شويه انى بارد و...
.
قاطعته ملك بتوتر:اسفه ع المقاطعه بس دا كله كان مش حقيقه مش لو انت متعصب بتقول اى كلام...انا بقا لما اكون متوترة بقول بردو اى كلام.
.
عمر وهو لا يصدق ولا حرف وكان يستمتع بتوترها هذا:تمام تقدرى تروحى قسم ال...... من دلوقتى وع شغلك يلا.
.
ملك باستغراب:حاضر.
.
ثم اتجهت إلى عملها ودخل بعدها ايمن إليه:عمر بيه.
.
عمر بغضب وغيرة يحاول إخفائها:نعم.
.
ايمن:ممكن اقولك حاجه بس برا الشغل ع أننا اصدقاء دلوقتى.
.
عمر:انت عارف انى مش بخلط حياتى الشخصيه بشغلى انت دلوقتى موظف يا ايمن.
.
ايمن بحزن:طيب ينفع نتقابل النهارده.
.
عمر:اسف بس عندى معاد كدا مع امير.
.
ايمن:طيب انا لازم اقولك دا ضرورى.
.
عمر بنفاذ صبر:خلاص يا ايمن هحاول اخلص اللى انا هعمله بالليل بدرى وهكلمك وهقولك نتقابل فين وبعدين تقولى اللى انت عايزه.
.
ايمن بفرحه:تمام يا عمر بيه بعد ازنك.
.
بعد ذهابه قال عمر ف نفسه بتسأل:ياترى انت عايز منى اى يا ايمن.
.
____****____
.
بعد وقت طويل.
.
كانت ملاذ لا زالت ترسم.
.
ملاذ بفرحه:الله عليا دى كلها افكار ورسومات يا بت يا ملاذ بجد انت تستاهلى سقفه براااافو.
.
ظلت تسقف لنفسها بفرحه شديده ع إنجازها هذا.
.
ملاذ بصدمه وهى تتوقف وتهب واقفه من جلستها:هى الساعه كام يانهار اسود ومطين بطين فوق راسى.
.
اتجهت إلى هاتفها لترى الساعه وجدتها ال٧ مساء.
.
ملاذ بخوف:يانى بابا زمانه جاى وهما كمان اعمل اى وتنظيف البيت واحضرلهم حاجه ازاى انا مش حسيت بالوقت ولا حتى تعبت اى دا يا رب...يلا يا ملاذ بدل الكلام الفاضى دا روحى اعمليلك شغلانه.
.
بدأت ملاذ ف تنظيف المنزل وترتيبه بسرعه كبيرة وهى تحث نفسها ع الهمه وانتهت واخيرا وسرعان ما اتجهت إلى المطبخ لإعداد بعض الطعام والمشروبات ولكن باب المنزل طرق.
.
ملاذ بخوف:بابا رجع بابا رجع يانى عليكى يا ملاذ تستاهلى والله حد قالك اقعدى دا كله بس انا خايفه اوى ياريتنى سمعت كلامه من ساعتها
.
اتجهت ملاذ إلى الباب وفتحته ولكنها لم تجد والدها ابدا مثلما توقعت.
.
ملاذ بتسأل:مين حضرتك.
.
عامل:ف واحد اسمه امير الصاوى بعتنى بالاكل دا لحضرتك.
.
ملاذ باستغراب:تمام شكرا.
.
عامل:العفو.
.
ملاذ:وهو باعت الأكل دا ليه.
.
سمعت صوت رسالة مبعوثه لها من امير تقول:دا اكل لينا ع أساس انك اللى عملتيه يعنى ومش تجيبى سيرة وانا بعته علشان متأكد انك هتعملى حاجه ثانيه وهتنسى موضوع جيتنا.
.
ابتسمت ملاذ عليه وقالت بحب:بحبه يا ناس.
.
____****_____
.
كان الحاج صالح يستعد للذهاب مع امير وعندما كان يرتدى ملابسه وقع نظره ع هذا الدواء.
.
الحاج صالح:لازم اعرف انت دوا اى.
.
امير من خلف الباب:يلا يا جدى دا كله خلاص احنا هنتأخر.
.
الحاج صالح بحب:خلصت اهو والله انت اللى مستعجل.
.
ثم خرج الحاج واتجه هو وأمير وعمر إلى منزل الحاج عماد.
.
____****____
.
ف نفس التوقيت.
..
..
دخل عماد المنزل وهو يشم رأحت طعام جميله.
.
عماد باستغراب:دى ريحة اكل ملاذ لا لاء مستحيل ملاذ بتعرف تكبخ اه بس مش اكل حلو كدا
.
ثم اتجه إلى المطبخ.
.
ملاذ بفرحه:اى رأيك يا بابا.
.
تزوق عماد الطعام وقال بشك:دا أكلك يا ملاذ يعنى عملتيه بإيدك.
.
ملاذ بتوتر:ع...عارفه يا بابا أن أكل يجنن اكلى طبعا.
.
عماد:يعنى اكل انت اللى طبخاه متأكده.
.
ملاذ بمرح:وانت تشك انا جبت من ع اليوتيوب كل الوصفات دى.
.
عماد:اه اشك دا مش أكلك.
.
ملاذ باعتراف: يا بااااااى.....بصراحه يا بابا دا مش أكلى انا نسيت وأمير بعته وانا جهزته بس يعنى ولا جبت من ع يوتيوب ولا حطيت ايدى فيه من اساسه.
.
عماد بزعل:تمام يا ملاذ.
.
ثم جأ ليتجه إلى غرفته ولكن سرعان ما احتضنته ملاذ وقالت: والله انا اسفه يا بابا وعارفه انى غلط بس والله مش هعمل كدا تانى والنبى مش تزعل انا مش حسيت بالوقت خالص دا انا كدا عملت انجاز انى خلصت البيت وحتى مش قولت لامير هو اللى بعته من نفسه والله.
.
عماد بحب:خلاص يا حبيبتى مش زعلان بس الكلام دا مش يتكرر تانى.
.
ملاذ:اوعدك.
.
عماد:يلا روحى علشان تجهزى وانا كمان هروح اجهز.
.
ملاذ بسرعه:حاااضر.
.
____****_____
.
وصل الجميع إلى منزل عماد.
.
عماد بفرحه:يا اهلا وسهلا اتفضلوا.
.
دخل الجميع واتجهوا إلى غرفه المعيشه.
.
عماد بفرحه:قبل اى حاجه انا عايز ملاذ تحضر كل كلمه.
.
امير بحب:طبعا يا حاج دا حقها.
.
ثم نادى عماد ع ملاذ وذهبت وجلست بجانب والدها ولم تنزل عين امير من ع ملاذ التى كانت بمنتهى الجمال...أما هى فكانت تخفض رأسها من شدة الخجل.
.
امير بتحمحم:الكلام كله جدى هو اللى هيقوله.
.
الحاج صالح:ان شاء الله انا وأمير قرننا ودا بعد موافقتك أن فرحهم هيكون بعد يومين.
.
عماد بصدمه:بس دا قريب اوى هنلحق نحضر لدا كله امتا وانت عارف أننا يعنى...
.
قاطعه امير:مش تخاف يا عمى كل حاجه جاهزه وانا مش عايز غير ملاذ ومن غير شنطة هدومها كمان.
.
عماد بضحكه:اى رأيك يا ملاذ.
.
ملاذ بفرحه من داخلها فهى تريد الصراخ بصوت عال والقول انا موافقه:اللى تشوف يا بابا.
.
عماد بفرحه:يبقى اتوكلنا ع الله.
.
ثم أخذ الجميع بمرحه يتحدثون عن زفافهم وعن التحضيرات التى قام بها امير وقدمت لهم ملاذ بعض الاطعمه والمشروبات.
.
عمر:طيب يا جماعه انا هقوم امشى لأن ورايا مشوار ضرورى عايزين حاجه.
.
امير:خلى بالك من الطريق.

عمر:والله انت بتخاف عليا اكتر من ابويا بس حاضر يا امير.
.
_____****_____
.
اتجه عمر إلى أحد الكافيهات واتصل ع ايمن وقال له ع مكان جلوسه ووصل ايمن بعدها بفتره.
.
عمر بتسأل:ها ف اى يا ايمن اى الحاجه الضروريه اللى انت عايزنى فيها.
.
ايمن بفرحه:انا بحب ملك يا عمر.
.
صدم عمر من كلامه هذا فماذا يقول وأخذ بركان يشتعل بداخله ماذا سيفعل عمر وخصوصا انه ايضا يحب ملك كثيرا.
.
____****____