ملاذى

البارت الرابع

كان عماد مصدوم وخائف ع ابنته كثيرا فلماذا هى تبكى بهذه الهيستريا:ف اى يا ملاذ.
.
ملاذ ببكاء:انا اسفه يا بابا انى كذبت عليك وغير كدا انا اطردت من شغلى من ابو المشاكل دا.
.
عماد باستغراب:كذبتى عليا ف اى واطتردتى لى فهمينى يا ملاذ.
.
ملاذ وهى تمسح دموعها وتحاول الشرح له:انا روحت ف شركة الصاوى علشان اشوف شغل ليا بس ابو المشاكل اقصد امير رفض انه يشغلنى معاهم قال ايه علشان انا فقيرة وان انا بدام فقيرة هكون طماعه وبحب الفلوس فاتشكلنا انا وهو ومش رضيت اشتغل معاهم ولا هو كمان رضى مع ان مؤهلاتى كانت كويسه ومش فيه ولا غلطه انها تعارض شغلى ف الشركة فانا كنت محتاجه الشغل علشان كدا اشتغلت ف مطعم الشركه هناك والكل حبوا اكلى وانت عارف يا بابا انى مش بغلط ولا غلطه بس والله انا مش كنت اقصد اغلط كدا.
.
عماد بحزن ع ابنته و تأنيبه لها لانها كذبت عليه:طيب اى هى الغلطه دى.
.
ملاذ بحزن:امير مش بيحب الحراق وهو عنده حساسيه منه فانا والله مش حطيت اى حاجه حراقه ف الاكل ومش عارفه مين حطها فا طردنى من الشركه مع انى عالجته هو اصلا مش بيحبنى علشان انا فقيرة هو مفكر نفسه اى.
.
عماد بغضب:طيب روحى ع البيت انت دلوقتى هخلص الشغل واجيلك.
.
ملاذ بحزن وهى تنظر اليه:انت زعلت منى.
.
عماد بغضب:روحى دلوقتى قولتلك.
.
ملاذ بحزن وهى تخفض رأسها للاسفل:حاضر.
.
ثم اتجهت الى المنزل واتجه عماد الى مكان عمله.
.
عماد لاحد العمال الذين يعمل معهم:قولهم انى تعبت او السكر علا عليا فروحت.
.
العامل:طيب انت رايح فين.
.
عماد وهو يتوعد:رايح اعمل خير.
.
.
____****____
.
كان عمر متجه بسيارته الى الشركه وهو مار باحد الاحياء الشعبيه...وفجأه تعطلت سيارته وهو ف الطريق:لاء كدا كتير يعنى الزحمه دى كلها وكمان العربيه تقف فجأه كدا والله كدا حرام وانا اتأخرت ع الشركه كان احسنلى اروح البيت احسن من الهم دا كله.
.
ثم اتجه الى السيارة من الامام وفتحها وقال بغضب:اااه دى مشكلة ف البطاريه طيب اعمل اى دلوقتى.
.
واخذ يسأل بعض الاشخاص عن اى ميكانيكى هنا.
.
احد الاشخاص:هتروح على يمينك هتلاقى محل صغير هناك.
.
عمر بامتنان:شكرا.
.
ثم اتجه الى المكان الذى قال عليه هذا الشخص.
.
عمر وهو يقف امام هذا المكان القديم:بعد ازنكوا...حد هنا.
.
لفتت اليه فتاه جميله جدا لا يعلم من اين اتت اهو يحلم ام ماذا كانت ترتدى ملابس ميكانيكى.
.
عمر باستغراب:هو فين الميكانيكى اللى هنا.
.
ملك:هو انا مش ماليه عينك.
.
عمر باستغراب:يعنى اى هو انت الميكانيكى.
.
ملك بغضب:مش عاجبك ولا اى.
.
عمر بسرعه:لاء هو انا قولت حاجه بس هو انا مستغرب شويه اول مرة اشوف بنت ميكانيكى.
.
ملك:حكمة ربنا بقا...هو انت عايز اى.
.
عمر:بطارية عربيتى فيها مشكله.
.
ملك بتسأل:وهو اى اللى عرفك انها بطارية عربيتك يمكن حاجه ثانيه.
.
عمر بابتسامه:اصل انا متخرج من كلية ميكانيكه وعندى شركة ميكانيكة كبيرة جدا.
.
ملك بسخريه:دى الى انتو شطار فيه بس.
.
عمر بتسأل:بتقولى اى.
.
ملك باستوعاب:ها لاء مش بقول حاجه هى فين العربيه دى.
.
عمر وهو يشير لها:من هنا لاء من هنا لاء....بصراحه مش فاكر انا جيت منين.
.
ملك بتنهيده قويه:ااااه ياربى طيب انت جيت ازاى.
.
عمر بغضب من طريقتها:طيب براحه ع نفسك شويه...ف واحد قالى اروح يمينى وبعد كدا هلاقى محل صغير.
.
ملك بغيظ ف نفسها:محل وصغير وبراحه ع نفسى شويه...انا لو اطول اقتلك كنت عملت كدا بس اهدى يا ملوكه مش تخرجى عن شعورك علشان الشرير دا اهدى شويه.
.
ملك وهى تحاول الهدوء:تعالى ورايا.
.
ثم اتجهت الى مكان السيارة وتبعها هو.
.
عمر بدهشه:واو عرفتى مكانها ازاى.
.
ملك ببرود:مش دا المكان اللى انا عايشه فيه.
.
ثم اخذت تفحص السيارة.
.
ملك بفرحه وسخريه:برافو عليك انت بجد اثبت انك متخرج من كلية ميكانيكه.
.
عمر بفخر:هاء وكنت الاول ع دفعتى ف سنين دراستى هناك.
.
ملك:اممم والله احب اقولك ان انت بجد ولا تعرف حاجه عن كلية الميكانيكه يا استاذ يا محترم.
.
عمر بغضب:قصدم اى بكلامك دا.
.
ملك بمرح:اقصد ان العربيه كانت محتاجه ماتور جديد والمشكله مش ف البطاريه خااالص.
.
عمر بغضب:يمكن علشان كان فيه سخونه عاليه ف العرببه فمش اخدت بالى.
.
ملك بسخربه:اه اه وانت بردو بتعمل كدا ف شركتك دا بس علشان تعرف قد اى احنا اشطر منكو وبكتير كمان.
.
عمر بغضب:الزمى حدودك معايا يا انسه انت ولا اقولك يا استاذ.
.
ملك بغضب:اى استاذ دى شايفنى راجل قدامك.
.
عمر بسخريه:والله اللى انا اعرفه ان البنات اللى زيك يا قطه مش بيشتغلوا شغلنات زى دى.
.
ملك:هاء...ع الاقل عرفت مشكلة عربيتك مش زيك.
.
عمر بغضب:مش عدت عايز من وشك حاجه.
.
ملك بغضب:وانا اصلا مش عايزه اعملك حاجه ورينا بقا شطارتك واعملها لنفسك.
.
ثم تركته وذهبت من امامه وهى تقول: بجد واحد شرير والشر باين ف عيوها هاء.
.
عمر بغضب:ولا الحوجه لواحده زيك.
.
____****____
.
ف نفس التوقيت.
.
الحاج صالح لرغد وليلى وريماس:انا هروح الشركه شويه.
.
ريماس بتسأل:ليه يا جدو ف حاجه.
.
الحاج صالح بتجاهل:عايزين حاجه.
.
ليلى ورغد معا:نعوز سلامتك.
.
ريماس ف نفسها:انا متأكده يا عجوز انت ان انت اللى اقنعت امير اهو يتجوز عليا لو فيا اقتلك....ولى لاء فكرة حلوه بردو ومحدش هيعرف.
.
_____*****_____
.
.
كان يقف امام شركة الصاوى وعلامات الغضب تبدو عليه.
.
عماد بغضب:انا هوريك يا امير الصاوى يا متكبر الفقره طماعين هوريك انا الفقير هعمل فيك اى.
.
ولكنه قبل ان يدخل فجأه بشخص يضع يده ع كتفه.
.
الحاج صالح باستغراب:انت مين.
.
عماد بغضب:بعد ازنك ابعد عنى دلوقتى لازم اعرف امير الصاوى مين انا وازاى يتكلم مع بنتى كدا.
.
الحاج صالح بتسأل:امير حفيدى ماله عمل اى تانى.
.
عماد وهو ينظر له بغضب:حفيدك!...احب اعرفك ان حفيدك دا مش عنده قلب ولا رحمه ومفكر ان كل الناس طماعه وهو اللى ملاك بس لاء انا هعرفه مين انا وهعرفه قيمة الكلام اللى قاله لملاذ بنتى وازاى يطردها من المطعم كدا.
.
الحاج صالح بفرحه:معناها اللى هي كانت ف المطعم دى ملاذ بنتك يبقا كدا تمام.
.
عماد بتسأل:هو اى دا اللى تمام.
.
الحاج صالح بسعاده:ممكن تيجى معايا وانا هفهمك ع كل حاجه ارجوك.
.
عماد بتنهيده قويه:ع شان خاطرك بس يا حاج.
.
ثم اتجها الاثنان الى مطعم الشركه.
.
_____****_____
.
.
كانت ريماس تجلس ف غرفتها: يعنى اى...يتجوز تانى لاء مش هيحصل دا ابدا....العجوز دا لازم يودع علشان مش عاد يضغط ع امير وبعد كدا انا هحاول اخلى امير يتراجع على اللى ف دماغه دا.
.
ثم تناولت هاتفها واتصلت ع شخص ما.
.
ريماس وهى تتحدث ف الهاتف: عايزه اللى انا قولتلك عليه ف اسرع وقت.
.
مجهول:طلبك مش سهل يا هانم اخرى آخر الاسبوع دا.
.
ريماس ببرود:ميهمنيش المهم انه يجى.
.
مجهول:حاضر يا هانم.
.
ثم اغلقت الخط وقالت:انا هوريكوا مين هى ريماس.
.
.
____****____
.
ملك بتعب بعد عودتها الى المنزل:واحد بارد وحتى بعد اما روحت معاه وقولتله ع مشكلة عربيته مش ادانى حق دا دا انا بتعب علشان اجيب الفلوس وهو يجى ف الاخر ياخد مجهودى الشخصى ومش يدينى حاجه اعمل اى انا دلوقتى؟....وديدو عيد ميلادها قرب وانا وعدتها انى هجبلها العروسه اللى هى عايزاها بس العروسه دى غاليه اوى ولسه مش جمعت فلوسها... ااااه يا ربى.
.
_____****_____
.
كان عماد ف المنزل ويفكر ف كلام الحاج صالح ويقول بفرحه: لاء عريس كويس ويمكن ملاذ فاهماه غلط.
.
الى ان دخلت عليه ملاذ:ممكن ادخل.
.
عماد بحزن:ادخلى يا ملاذ.
.
ملاذ بدموع:انت لسه زعلان منى يا بابا.
.
عماد وهو يحتضنها بحب:حد يزعل بردو من القمر دا...دا يبقى واحد غبى.
.
ملاذ بضحك:يعنى خلاص.
.
عماد بحب:والله خلاص يا حبيبتى.
.
ملاذ بفرحه:انت احلى اب ف الدنيا.
.
عماد بفرحه:وانت احلى بنت.
.
ملاذ بضحك:اوعدك يا بابا انى هدور ع شغل من بكرا ف شركة تصميم ومش هشتغل الشغل دا تانى ابدا.
.
عماد بسخريه:لاء مش مهم تشتغلى يا بنتى كفايه انا.
.
ملاذ باستغراب فوالدها دائما كان يدعمها ع ان تجد عملا ف شركة تصميم فهو يتمنى ان تكون مصممه مشهوره:ليه يا بابا.
.
عماد بتردد:اصل انت تعبانه اليومين دول فاسبوع ولا حاجه وبعد كدا دورى ع شغل زى مانت عايزه انا مش بقولك يعنى مش تدورى ع شغل خالص.
.
ملاذ بتسأل:بس هنجيب فلو....
.
قاطعها عماد بحب:مش تشغلى دماغك بالموضوع دا.
.
ملاذ باستغراب وهى تفكر ماذا يوجد ف بال والدها وماذا يفكر الان:حاضر يا بابا اللى تشوفه.
.
.
____****____