كان حامد ينظر إلى ابيه بغضب شديد اهو الان يضربه امام الجميع ومن أجل هذه التى يعتبرها عدوتة اللدوده والوحيده وكان عمر يقف بثبات فهو يعلم أنه يجب أن يكون هناك حد لأفعال والده تلك وكان الحاج صالح ينظر له بغضب شديد أوصلت أفعال حامد إلى هذه الدرجه البشعه أما امير فكان يقف بعدم دهشه فهو يعلم أن أفعال حامد يمكن أن تصل إلى اى درجه ممكنه وأخذت ملاذ تبكى من فكرة ذهاب ملك فمنذ زواج ملك وهى تعتبرها اختها الوحيده.
.
حامد بغضب:اى اللى انت عملته يا حاج دا.
.
الحاج صالح:اللى تستاهله يا حامد انت اصلا مش ابنى لأن ابنى اللى انا ربيته مش كدا.
.
حامد:لاء دا انا ابنك حامد بس انتو اللى مش شايفين الحقيقه وانا بحاول اوريكو الحقيقه بس انتو اللى مش عايزين نشوفها.
.
الحاج صالح:نشوف اى ها..تعرف انت الوحيد اللى بتقول عليها كدا لو كان واحد تانى قال الكلام دا أو كنت أنا بس اللى بقول انها كويسه كان زمانى صدقت بس انت بس اللى قارفنا بالكلام دا الكلام اللى مش ليه اى معنى ولا هنصدقه.
.
حامد بصراخ:ليه مش عايز تصدقنى هو انا هكذب ليه دانا عايز مصلحة ابنى الوحيد.
.
الحاج صالح:وطى صوتك يا حامد وانت بتتكلم.
.
عمر بغضب:كفااااايه بقا كفايه كلام عليها انت اى مش عاجبك وقفتى كفايه انى بحبها وهى بتحبنى وعايزين بعض.
.
حامد:دا مش حب دا طمع هى طمعانه ف فلوسك.
.
عمر:انا تعبت من الكلمه دى انا عارف ملك على اى ومش هتيجى تعرفنى ملك ف دماغها اى انا عارف كل حاجه.
.
حامد بصراخ:لاء مش عارف ومس فاهم حاجه.
.
عمر بغضب:بص بقا يا بابا هى كلمه والقرار قرارك لاما انا وملك نقعد هنا ومن غير أما عدت تكلمها لأما انا وهى هنمشى من هنا ومش عدت هدخل البيت دا تانى.
.
الحاج صالح وهو ينظر لحامد بغضب:جاوب عليه يلا يا حامد مستنى اى.
.
حامد بتفكير وهو ينظر إلى ابنه فهو مهما كان ابنه ولا يستطيع الاستغناء عنه:خلاص يا عمر اقعد هنا انت ومراتك.
.
عمر:لو هقعد هنا مش هتكلم ملك ولو بنص كلمه.
.
حامد:اوعدك يا عمر مش عدت اكلم ملك ف اى حاجه.
.
عمر:انت وعدتنى وقدام الكل والكل شاهد.
.
امير وقد كان صامتا طول هذه المده لانه لا يريد التكلم:وانا اول واحد شاهد.
.
نظر حامد إلى امير وملك بغضب ثم اتجه إلى غرفته وتبعه يحيى.
.
كانت ملك تقف ودموعها تتساقط من الحاله التى وصلوا اليها.
.
عمر بحب:اهدى يا حبيبى مفيش حاجه حصلت.
.
ملك:انا السبب ف كل حاجه انا السبب...كان لازم امشى يا عمر.
.
عمر بحزن لما قالته:مش تقولى كدا تانى يا ملك انا مش اقدر اعيش من غيرك ومش تاخدى اوى ع كلام بابا انت عارفاه يا حبيبى وعارفه هو بيتكلم كدا ليه وهو مش عاد هيكلمك.
.
الحاج صالح:عمر معاه حق يا ملك ومش تاخدى ع الكلام دا كله وانت يا عمر خد مراتك واطلع فوق وانا هروح شركتك النهارده.
.
عمر:بس يا جدى..
.
قاطعه الحاج صالح:بس اى يا عمى كلمتى هتمشى ولا انت شايفنى كبرت.
.
امير بحب:لاء كبرت اى دانت لسه ف عز شبابك دانا كمان بفكر ادورلك ع عروسه.
.
الحاج صالح بضحك:هههه عروسه مرة واحده.
.
عمر:تمام يا جدى ولو فيه اى حاجه ف الشركه اتصل عليا عالطول.
.
الحاج صالح:حاضر يا حبيب جدو....سلام.
.
ثم اتجه الى شركه عمر.
.
واتجه عمر وملك الى الاعلى.
.
ملاذ وكانت ف حالة من الخوف بعض الشئ:انت هتروح الشركه دلوقتى.
.
امير وقد لاحظ عليها ما بها:لاء عايز اقولك حاجه تعالى نطلع فوق.
.
ملاذ:حاضر.
.
ثم استأذنت من رغد وليلى وصعدا الاثنان الى الاعلى واخذا ليلى ورغد يتحدثان.
.
ليلى:مش عارفه ليه حامد بيعمل كدا ف ملك.
.
رغد بتهدائه لها:ان شاء الله كل حاجه هتتحل وهيعرف قد اى ملك واحده طيبه وبتحب عمر بس كل حاجه وليها وقتها واللى كاتبه ربنا هيحصل.
.
ليلى:يارب يا رغد يارب.
.
____****____
.
اما عند حامد ويحيى.
.
يحيى لحامد:اهدى يا عمى ومش تتعصب كدا كل حاجه هتكون تمام ودى مش اخر الدنيا وفيه مليون طريقه غيرها تخرج ملك من البيت دا.
.
حامد بخبث:معاك حق يا يحيى فيه مليون طريقه ومن بين المليون دول انا هختار طريقه واحده.
.
يحيى:واى هى دى.
.
حامد بمكر:هتعرف بس كل حاجه وليها وقت يا يحيى.
.
ثم تناول هاتفه واتصل ع رقم مجهول.
.
حامد:عايز اقبلك يا حبيبتى النهارده ضرورى.
.
:.....
.
حامد:هتعرفى كل حاجه بس لما اشوفك...تمام يبقا ع الساعه خامسه ف كافيه.....
.
ثم اغلق المكالمه وكان ف قمة فرحه:ودى ضربه جامده جدا ولازم تنجح يا يحيى يعنى لازم تنجح.
.
يحيى:وانا مش اشك انها تنجح.
.
حامد:حاول انت بس تركز ف شغلك.
.
يحيى:انا هروح بس اخلص شوية شغل وبعد كدا اجى وتكون انت جيت ونخطط براحتنا خالص بس مش عاد عندى غير تلت ايام بس.
.
حامد:ثلاثه اى ما خلاص اليوم دا هيروح ع الفاضى.
.
يحيى:معاك حق المهم عايز حاجه.
.
حامد:اعوز سلامتك.
.
____****____
.
اما عند ملاذ وامير.
.
امير:مالك يا ملاذ.
.
ملاذ:كنت خايفه اوى لملك تمشى.
.
امير:بس هى مش مشيت.
.
ملاذ بدموع:فكرة انها تمشى بس بتخوفنى هى بالنسبالى اختى يا امير اختى الوحيده عمرى ما حسيت بشعور ان يكون ليا اخت غير لما هى ايجت ع البيت دا انا بحبها اوى ومش مستتعده اخسرها يا امير.
.
امير:طيب والنبى مش تعيطى خلاص كل حاجه اتحلت واوعدك انها هتفضل معاكى عالطول.
.
ملاذ:وانا بحبك اوى يا امير.
.
امير يحاول تلطيف الجو:وانا بحبك اوى انت ولما وشروق وماهيتاب واسد ومروان وفارس.
.
ملاذ بتسأل وغيره:مين دول بقا يا استاذ امير.
.
امير بخبث:دول ولادنا اللى هنجبهم ان شاء الله.
.
ملاذ وهى تعد اسماء ما قالهم وكانت تعيد العد اكثر من مرة لانها كانت تعتقد انها مخطائه ف عدها:امير هو انت قولت ست اسماء ولا انا سمعت غلط.
.
امير بضحك:لاء سمعتى صح.
.
ملاذ بصدمه:سته يا امير سته هو انت مفكرنى اى ارنبه قدامك.
.
امير بتفكير:اممم انا مش ليا دعوه انا عايز ست عيال وكمان لو فيه اكتر مش هقول لاء.
.
ملاذ:انت بتهزر يا امير صح.
.
امير:والله مش بهزر انا عايزهم كلهم.
.
ملاذ:انت عايزهم علشان انت مش هتحس بنفس التعب اللى هحس بيه غير تربيتهم ودا كله هلقيها منين ولا منين.
.
امير:مانا هساعدم يا حبيتى مش تخافى انا جانبك.
.
ملاذ:طيب والنبى يا امير اكتر حاجه هنجبها اربعه.
.
امير باصرار:لاء هما سته ولو ينفع اكتر تمام.
.
ملاذ بحزن:طيب ماشى خليك ف عنادك دا وهنشوف هجبهم ازاى.
.
امير:نتراهن انك هتجيبى اكتر.
.
ملاذ:تمام نتراهن هو خاسس عليا حاجه.
.
امير:طيب نتراهن ع اى.
.
ملاذ:ع اللى انت عايزه.
.
امير بمكر:تمام وساعتها بقا مش تندمى ع اى حاجه.
.
ملاذ:مش تخاف مش هندم.
.
امير:اشطا.
.
ملاذ:طيب انت مش هتروح الشركه ولا اى.
.
امير:بفكر افضل هنا النهارده وابدأ ف اول خطوه من الرهان.
.
ملاذ وقد فهمت ما ينوى عليه: ها....وانا بقول تمشى احسن علشان مش تتأخر.
.
امير:ماااشى همشى بس دا بمزاجى.
.
ملاذ:ههه سلام.
.
امير وهو يقبله من خدها:سلام يا قلبى.
.
ثم اتجه الى شركته.
.
واخذت ملاذ تفكر ف موضوع الولاده تلك والست اطفال:لاء انا مستحيل اعمل زى اما هو قال دا ع جستى.
.
_____****_____
.
اما ملك كانت شاردة ف احضان عمر.
.
عمر:ملك انت كويسه.
.
ملك بحزن:عمر هو انا دخلت حياتك خلتها نحس.
.
عمر:لاء طبعا اى اللى انت بتقوليه دا.
.
ملك:اصل ف مشاكل كتير اوى بتحصلك من اول اما دخلت حياتك يا عمر.
.
عمر:بصى يا ملك انا عمرى اما تخيلت ان فيه واحده غيرك تدخل حياتى لانى مش عايزك غيرك ابدا انا عايزك انت ملك حبيبتى وروح قلبى واللى قلبى اختارها ودا بكامل ارادتى يا ملك ومش حد اجبرنى ع حاجه وهنفضل عالطول مع بعض.
.
ملك بحب:وانا بحبك اوى اوى يا عمر انت كل حاجه ف حياتى انت جوزى واخويا وصاحبى وكل حياتى والله.
.
عمر بمرح:عارف يا ملك كل دا قولى حاجه جديده.
.
ملك وهى تتصنع الحزن:اى الثقه دى كلها بس...عموما انا غلطانه انى قولتلك كل دا.
.
ثم وقفت لتذهب من امامه ولكنه امسكها من يدها وجذبها الى احضانه مرة اخرى.
.
ملك بضيق:ابعد يا عمر عايزه اروح اعمل اكل جعانه.
.
عمر بمكر:بجد جعانه طيب تعالى وانا اشبعك.
.
ملك بخجل:ابعد يا عمر.
.
عمر بخبث:لاء مش هبعد.
.
______****______
.
الساعه الخامسه مساء موعد لقاء حامد مع من سينفز معه خطته.
.
حامد يتصنع الانكسار:ازيك يا حبيبتى.
.
رويدا بحب:الحمد لله يا عمى وانت عامل اى.
.
حامد بحزن:الحمد لله بخير.
.
رويدا باستغراب:مالك يا عمى فيه اى.
.
حامد بخبث:ملك مرات ابنى يا رويدا.
.
رويدا بخوف:مالها ملك يا عمى هى بخير.
.
حامد:هى تمام يا رويدا بس احنا اللى مش تمام.
.
رويدا:قصدك اى انا مش فاهمه اى حاجه.
.
حامد:ملك من اول اما دخلت حياتنا وحياتنا عادت هم وانا مش راضى عنها وعارف هى ف دماغها اى.
.
رويدا:ملك ف دماغها عمر وحبه ليها وهى بتحبه اوى.
.
حامد:للاسف ملك مش بتحب عمر بجد ملك بتحب فلوس عمر ومتجوزاه علشان كدا وبس وقبل اما تقولى لاء دا مش حقيقى اقولك لاء دى الحقيقه صدقينى يا بنتى انا بس عايز ابنى يعيش مع واحده بتحبه بجد وتستاهله ومش بتخدعه.
.
رويدا:واى اللى ف ايدى اعمله يا عمى.
.
حامد بفرحه داخليه لنجاح خطته:حبك لعمر هيساعدنى.
.
رويدا وبدأت نبضات قلبها تتسارع:ااا...اى يا عمى الل.....
.
قاطعها حامد:مش تقولى لاء انا متأكد ان انت لسه بتحبيه زى زمان واكتر وكلنا عارفين انك من الطفوله وانت بتحبى عمر يا رويدا.
.
رويدا بخجل:اه يا عمى انا لسه بحبه وهفضل احبه بس دا مش هيساعد عمر.
.
حامد:لاء هيساعده انا عايزك تكشفى ملك قدام الكل وانا معاكى وهساعدك يا حبيتى وايدى ف ايدك مش تخافى فعمر قلبه هيتكسر لما يعرف حقيقة ملك المرة دى وحبك ليه هو اللى هيساعده يقف ع رجله تانى.
.
رويدا بعد تفكير طويل:تمام يا عمى وانا معاك ف كل دا بس انا هروح اسبوع مع بابا ف فرع الشركه ف المانيا.
.
حامد بفرحه:تمام يا حبيبتى وانا هستناكى.
.
رويدا:كدا اتفقنا...سلام.
.
حامد:سلام...وهبقا ع تواصل معاكى.
.
رويدا:تمام.
.
ثم خرجت من الكافيه وكان حامد سيطير من الفرحه لانه استطاع خداع رويدا.
.
حامد بخبث:هخلى رويدا تحبك اكتر واكتر لحد اما تكون مستعده تعمل اى حاجه علشان تحصل عليك يا عمر.
.
____*****____
.
عاد امير من العمل ووجد ملاذ نائمه.
.
امير باستغراب:هى ملاذ بتهزر يعنى انا مستحمل كل اللى ف الشركه علشان ارجع الاقى ملاذ نايمه....طيب ماشى.
.
ثم اتجها اليها حتى يوقظها.
.
امير بصراخ:ملاذ ملاذ قومى بسرعه.
.
ملاذ بخضه مستيقظه من نومها:ف اى يا امير حصل اى.
.
امير بضحك:ههههه لاء مفيش حاجه مش تقلقى.
.
ملاذ بغضب:والله انت واحد بارد انا كنت هموت من الرعب قولت حد حصله حاجه.
.
امير:مانت سيبانى ونايمه يا ملاذ ف حد ينام الساعه سبعه.
.
ملاذ باستغراب:الساعه سبعه..دانا نايمه من زمان اوى.
.
امير:نايمه من زمان كمان.
.
ثم قال بمرح:بيقولوا اللى بتنام كتير بتبقا حامل.
.
ملاذ بسرعه:حامل اى يابنى دا مستحيل تلاقى بس علشان انا صاحيه من بدرى مش اكتر.
.
امير:ابنك...انا ابنك.
.
ملاذ بمرح:اااه ابنى وابعد بقا علشان مخصماك علشان انت خضتنى.
.
امير بضحك:مش هتقدرى تخاصمينى.
.
ملاذ بمرح: قصدك انت اللى مش هتقدر تخاصمنى وتبعد عنى.
.
امير:احم بصراحه ف دى انت معاكى حق.
.
ملاذ:خلاص صالحنى.
.
امير:طيب انت عايزه اى.
.
ملاذ بتفكير:اى حاجه من ايدك زى العسل بس صالحنى.
.
امير:يعنى عايزه اى يا ملاذ.
.
ملاذ:عايزه شاورما وبيتزا.
.
امير:بس ليه اللفه دى كلها ماكنت تقولى من الاول.
..
ملاذ:بس بسرعه.
.
امير:حاضر.
.
____****____
.
عاد يحيى من عمله واتجه الى حامد.
.
يحيى بتسأل:ها عرفت احنا هنعمل اى يا عمى.
.
حامد بخبث:اه عرفت هنعمل اى بس المهم ان اللى هقلهولك دا هيتنفز بكرا وهتمشى بكرا.
.
يحيى:بس يا عمى همشى ازاى ولسالى يوم.
.
حامد:ماهو بعد اللى هيحصل بكرا مش ينفع تفضل ف البيت لازم تمشى منه بس لازم ف نفس الوقت تقابل امير كأنك قابلته صدفه.
.
يحيى:طيب قولى الخطه اى.
.
حامد:اسمع بقا.............
.
_____*****_____
.
ف اليوم التالى كان الجميع جالس ع طاولة الافطار ما عدا امير وملاذ وكان حامد متجاهل ملك وكذلك هى لم تنظر اليه فاطئن عمر قليلا لان والده لم يتكلم بأى شئ.
.
نزل امير ويحمل بعض الاوراق المهم لعمل سفقه مهمه للشركه.
.
غمز حامد ليحيى الذى كان ينظر بسعاده كبيرة لملك.
.
جلس امير ووضع الملفات ع الطاولة.
.
الحاج صالح بتسأل:فين ملاذ يا امير.
.
امير:ملاذ لسه صاحيه وتعبانه شويه حاسه ان جسمها تقيل فقالت هتفطر فوق وهتنزل كمان شويه.
.
رغد:الف سلامه عليها يا حبيبى ومش ليه لزوم انها تنزل خليها تستريح فوق وانا هطلع اشوفها انا وليلى.
.
امير:لاء هى هتنزل دلوقتى.
.
رغد:تمام يا حبيبى اللى هى مرتاحه فيه خليها تعمله.
.
وبعد فترة اتصل أحد الأشخاص بحامد فقام حامد بالانفعال قليلا.
.
حامد بعد انتهاء الاتصال وهو يوقف امير سريعا ليذهب معه:يلا يا امير بسرعه ف مشكله ف الشركه ولازم تتحل ضرورى.
.
امير باستغراب:حاضر يا عمى.
.
ومن استعجال حامد له وهذا ما كان ينوى عليه حامد نسى امير هذه الأوراق المهمه.
.
ثم نزلا الاثنان إلى الأسفل.
.
يحيى بمكر:أى دا امير نسى الأوراق دى انا هروح ادهاله.
.
الحاج صالح:تمام يا يحيى.
.
ثم خرج يحيى وصعد امام شقة ملاذ وطرق الباب حتى تفتح له وخبأ الأوراق خلفه حتى لا تراها ملاذ.
.
ملاذ وهى تفتح وارتجفت من الخوف منه:اهلا يا يحيى.
.
يحيى بخبث وهو ينظر لملاذ نظرات غير مفهومه:امير بعتنى لانه نسى أوراق مهمه هنا وقالى اقولك انها ف اوضتكوا.
.
ملاذ باستغراب فهى تعلم امير وتعلم انه كان يحزرها من مجرد التحدث مع يحيى الآن يبعثه ليأخذ بعض الاوراق.
.
ملاذ:امير هو اللى قالك كدا.
.
يحيى:ايوه.
.
ملاذ:طيب ثانيه بس هجبهم من جوا.
.
يحيى بمكر:براحتك خالص.
.
ثم دخلت إلى غرفتها ونظر يحيى حتى دخلت ثم دخل ووضع الأوراق ع أحد الطاولات ثم تتبعها إلى الغرفه.
.
____****____
.
ف نفس التوقيت كان امير ف الأسفل ويتصل بأحد الموظفين ف الشركه.
.
امير بعد انتهاء الاتصال:مفيش أى مشاكل ف الشركه يا عمى.
.
حامد يتصنع الدهشه:ازاى يا بنى اللى اسمه عبد الرحمن هو اللى قالى كدا.
.
امير بغضب:حسابه معايا بعدين.
.
ثم تذكر أوراق العقد.
.
امير:وكمان نسيت اوراق العقد هطلع اجبهم من فوق.
.
حامد بخبث:تمام يابنى وانا هستناك هنا علشان هروح معاك الشركه النهاردة.
.
امير بشك ف عمه:تمام يا عمى.
.
ثم صعد إلى الأعلى.
.
امير للحاج صالح:كان فى هنا أوراق مهمه راحت فين.
.
الحاج صالح:يحيى قال انه هينزلهالك تحت لأنك نستها.
.
امير بخوف:تمام يا جدى.
.
ثم صعد إلى شقته ووجد باب الشقه مفتوح.
.
امير:يارب يطلع اللى ف دماغى غلط.
.
ثم دخل إلى الشقه وكل خطوة يخطيها ف خوف.
.
___***___
.
عودة إلى الوراء.
.
ملاذ بخضه من خلفها:اااااع.
.
يحيى:اهدى ف أى مالك.
.
ملاذ وهى تبتعد عنه:انت أى اللى دخلك هنا يا يحيى.
.
يحيى بخبث:دخلت وخلاص.
.
ملاذ بصراخ:يعنى أى دخلت وخلاص عيب كدا بدام انا مش سمحتلك تدخل هنا.
.
يحيى وهو يقترب منها:بس انا عايزك يا ملاذ.
.
ملاذ بصدمه:انت مجنون يعنى أى عايزنى.
.
امسك يحيى يديها وبدأ ف الاقتراب منها وهى تحاول ان تبتعد ولكن تحكمه وقوته اكبر منها بكثير ولم تستطيع أن تفعل شئ سوا الصراخ فربما يسمعها نجدتها الوحيده وهو امير.
.
فتح امير باب الغرفه ع صراخ ملاذ ورأى يحيى وهو متقرب جدا من ملاذ وهى تحاول الإفلات منه ف بكاء شديد وكان امير ينظر لها بغضب شديد.
.
امير بعصبية وغضب لا يوصفان:يحيى...يابن ال.......
.
ثم اتجه إليه وأخذ يضرب فيه بشده ومن شدة صراخ ملاذ صعد الجميع إلى أعلى وعلامات الخوف ع وجوههم.
.
______******______
أنت تقرأ
ملاذى
Lãng mạnلماذا دخل حياتها وكيف صار هذا لم تشعر بالوقت الذى مر بها خدعت ف حياتها وتعقدت من الزواج ومن الفكرة تعقدت من كل شئ ولكنه غير كل افكارها بمقابله واحده منه فصار ف قلبها وصار اميرها ولقبته بأمير قلبى واحلامى.
