كنان (للكاتبه ساره ابراهيم)

البارت الثاني وعشرون و قبل الاخير

نورا نزلت من العربيه بسرعه وهي بتحاول توقف تاكسي بس سمعت صرخت همس وميرا وهما نزلين من العربيه بسرعه كبيره وبيصرخو باسم كنان بصت في اتجاه مهم رايحين وشافت ابنها علي الارض فاقد الوعي وفي دماء كثيره حواليه
فضلت بصه عليه وبعد كدا بصت علي التلفون الي لسه فرح بتصرخ فيه لتسقط في الشارع فاقده للوعي

عند مازن وصل ملك ومي وراقيه الفيلا
ملك اول ما دخلت طلعت علي طول غرفتها بعد ما رفضت أن مي ومازن يسعدوها
أما مي كانت وقفه بخنقه بتبص علي كل حاجه حواليها بضيق وحسه انها فقدت جزء عائلي ودفئ من الي كان حوليها في بيت كنان
فقدت حنان نورا وهزار همس والمشاكسه مع يوسف وميرا وفقدت حنان وسند كنان كأخ ليها كل ده ومازن عينه عليها ومراقب تصرفاتها
لتقول بتوتر .ماما أنا عايزه ارجع مع مازن أنا مش عايزه ابقا هنا لوحدى
راقيه بدموع .انتي كمان عايزه تمشي وتسبيني وبعدين لوحدك فين منا معاكي اهو
مي بإصرار .ماما عشان خطرى أنا راحتي هناك مش هنا ارجوكي وافقي
مازن .ماما مي لسه طالعه من عمليه كبيره ولازم ليها راحه نفسيه الاحسن انها ترجع لو هي حبه ده بدل ما تتعب
راقيه بحزن .روحي يامي وابقي كلميني علي طول
مي وهي تجري للباب بسرعه .حاضر
مازن خرج بعدها بفتره قصيره وجدها جالسه في العربيه مستنياه
اتحرك اخيرا ليقول .بقا في حد بعد مايرجع بيته يبقا عايز يمشي منه وخصوصا لو كان بيت بشكل ده
مي بسخرية .انت راجل أعمال وعايش في فيلا صح
مازن .ايوه
لتكمل هي .لو حد قالك خد ميرا وامشي هتبقا مبسوط انك هتمشي
مازن بحزن .لا عشان حسيت وسطهم بإحساس كونت بتمنا اعيش فيه طول عمري جو عائلي راحه بال لما ببقا معاهم بس انتي غيري انتي اتربيتي مع أهلك يعني امك ابوكي واختك
مي ضحكت بصوت عالي وتوقفت لما دموعها نزلت
لتقول .تعرف اني كنت عايشه معاهم كاني مش موجوده تعرف انك ممكن تكون احسن مني علي الاقل شبعت من حنان امك و ابوك واختك فتره
تعرف اني كونت بشوفهم بيحبو اختي اكتر مني تعرف أن محستش اني طفله صغيره وكنت ديما الحيطه الي ملك بتسند عليها وقت غلطها ممكن ماما تكون كانت بتعوضني الاحساس ده بس برضو كونت محتاجه اختي وابويا يحبوني زاى ما بيحبو بعض
مازن بأستغراب .لي كانو بيفرقو في المعامله بينكم
مي .عشان ماما جابت ملك بعد كذا سنه مكنتش بتخلف يعني كانت الفرحه الاوله وانا جيت وراها بسنه وحده يعني كانت هي برضو لسه بيبي خالص علي أنهم يهتمو بطفله غيرها
مازن .في ناس بتجيب توأم ومع ذلك مش بيفرقو بين حد من عيالهم ..مش عارف اقولك اي بس انتي حد طيب اوى واكيد ربنا هيعوضك عن كل حاجه شوفتيها وافتكري ديما اني اخوكي واكتر
مي بابتسامه حزينه .اكيد
رن هاتفها واول ما شافت الاسم قفلت التلفون
ليبتسم مازن وهو يقول .اديلو فرصه باين من أسلوبه انو بيحبك اوى
مي بابتسامه .عرفت منين انو عمر
مازن بغرور مصتنع .يابنتي أنا مازن برضو هو أنا اي حد طبعا لازم اعرف ان الي بيرن هو انثا السحلف
مي ضحكت جامد علي اللقب الي مازن بيقولو لعمر لتقول .صدق عجبني اللقب ده اوى
مازن بغمزه .اي خدمه ياريت بعد كدا تدلعيه باللقب ده
مي بمكر .عيوني