كنان (للكاتبه ساره ابراهيم)

البارت السادس عشر

عمر بعصبيه وصوت واطي عشان راقيه متسمعش .انتي عرفتي تعملي معايا كدا وربنا لدفعك تمن كل ده
مي بدموع وسخريه .تدفعني اي بالظبط ياعمر تمن اني اتخنقت معاك عشان يوسف وكنان ولا تمن موت ابوك الي ابويا قتلو
عمر بصدمه وهو يبلع ريقه بصعوبه .اي الكلام ده انتي جبتي الكلام ده منين
مي بجمود مزيف .ملكش دعوه جبت الكلام ده منين ودلوقتي اتفضل اطلع برا
عمر بتوتر .مي اهدي ونتكلم براحه
مي بعصبيه .اطلع برا خلاص بقيت اكرهك فاهم أنا بكرهك
راقيه خرجت من المطبخ وهي تقول .في اي صوتكم عالي لي
مي بسخرية .قولها صوتي عالي ليه قولها انك عايز تتجوزني عشان تنتقم لابوك
راقيه بزهول .ينتقم لابوه ازاى يعني وانتي اي علاقتك بأبوه
مي بدموع .عشان بابا قتل أبوه لما اخد صفقه كان المفروض هو الي ياخدها
راقيه بعدم تصديق .اكيد في سوء تفاهم في الموضوع
مي سابتهم ودخلت الاوضه بتاعتها
عمر بحزن .طنط أنا عارف اني غلط وانا فعلا كونت هنتقم لابويا بس بجد حبيتها ومش هقدر انها تبعد عني ارجوكي سامحيني وخليها تسامحني
راقيه بهدوء.امشي دلوقتي ياعمر وهنتكلم بعدين اهم حاجه مي تهدأ الاول
هز دماغو بنعم وخرج من الشقه
أما راقيه قعدت تعيط علي حظ بنتها وهي تقول .كل حاجه عملتها وانت عايش بتترد في عيالي وانت ميت ادعي عليك ولا ادعي علي نفسي لما حبيتك واتجوزتك وانا عرفه أنك جبروت ماشي علي الارض

عند كنان
كان نايم وفي حضنو ملك
ليقول بابتسامه .اخيرا القمر رضي عليا
ملك بأحراج .ممكن خلاص بقا وبطل تقولي كلام زاى ده
كنان بسخرية .هو أنا بقولك كلام قبيح في اي يابنتي
يعني لازم تاخدي علقه عشان ابقا كدا كويس معاكي
ملك بشجاعه .ولا تقدر تعمل حاجه انا بسكت بمزاجي انما لو ضربتك هكسرك في بعضك فاهم
كنان بسخرية.لا ده انا كدا اخاف منك يا صغير
ملك بضيق .أنا مش صغير تمام ويلا بقا قوم اطلع برا
عشان عايزه اقوم البس
كنان بهدوء .قومي أنا ماسكك
ملك بأحراج وعصبيه .هقوم ازاى انت مش شايف
كنان بوقاحه .لا مش شايف وريني كدا
ملك بعصبيه .كنان لو ماخرجتش دلوقت هيبقا يومك اسود
كنان بؤدب مزيف .معلش بس انتي كمان مش شايفه أنا لا يمكن اقوم كدا قدام وحده نسوان
ملك بصدمه .وحده نسوان .أنا وحده نسوان ...
كنان بتأكيد .ايوه يرضيكي اقوم قدامك وانا كدا
ملك بتحزير .قوم ياكنان
كنان بعند .لا خوفت أنا كدا طب والله منا قايم
ملك مسكت كوب الماء الي جمبها وسكبت الماء عليه
فضل شويه يستوعب اي الي حصل وبعد كدا بصلها بشر لتضحك هي علي شكلو وتقول.عشان بعد كدا لما اقول كلمه تسمعها
كنان بعصبيه .والله منا سيبك ياملك الكلب
ملك ببرأه مصتنعه.اهون عليك مش انت بتقول اني صغير في حد كبير يزعل من حد صغير
كنان بسخرية.انا منا عقلي اصغر من عقل الاطفال
وافتكري اني مش هسكت غير لما اخد حقي
كانت بتضحك لحد ما رفع الغطاء وقام من علي السرير
ملك وهي تضع أيدها علي عينها .انسان سافل
كنان وهو بيلبس .اغلطي براحتك والله لقص لسانك ده يازفته
الباب خبط وكانت راقيه
راقيه وباين من صوتها انها بتعيط .كنان انت صاحي
كنان بقلق .ايوه صاحي بغير هدومي وخارج حالا
بعد شويه خرج وراح عند راقيه الي نورا بتحاول تهديها ليقول بخوف .في اي مالك يامه
راقيه حكت الي حصل مع مي وعمر
ليقول كنان بضيق.وربنا كونت عارف ان الواد ده وراه حاجه بس قولت بيتهيالي
راقيه ببكاء .ده انا مصدقت انها تفرح شويه يقوم يعمل فيها كدا أنا عارفه انو غصب عنو مهما كان ده أبوه وعارفه أن جوزي ممكن يكون عمل كدا فعلا انما بنتي ذنبها اي
كنان بهدوء مزيف.خلاص اهدي وانا هاتصرف
سابهم وطلع لمي قابلو يوسف وهو بيفتح الباب
يوسف بأستغراب .مالك شكلك مضايق
كنان حكالو كل حاجه باختصار عشان يلحق يطلع لمي
يوسف بعصبيه .ده انسان حيوان ازاى يعمل كدا
كنان بتنهد.حط نفسك مكانو لو حد قتل ابوك كونت هتعمل اي
وقف يوسف بحيره ثم قال بحزن .بس مي حد كويس اووى ماتستاهلش يحصلها كدا
كنان وهو يربط علي كتفه . الحمدالله أننا عرفنا قبل الفرح وكتب الكتاب المهم دلوقت أنا هطلع اتكلم معاها شويه
يوسف وهو يصعد الدرج .هاجي معاك