كنان (للكاتبه ساره ابراهيم)

البارت الاول الجزء الثاني

في قاعه افراح في افخم فنادق مصر كان الكل ينتظر دخول العروسه بسعاده وفرحه كبيره جدا
واخيرا دخلت وهي تمسك في يد عريسها الكل كان مبهور من شكلهم فكانوا الاتنين غايه من الجمال
جلس العريس علي الكوشه لتنظر له بغيظ
همس . ساعدني أعد مش عارفه من الفستان
مازن بلوم . منا قولتلك هاتي فستان سمبل شويه انتى الي اختارتي الكبير اوى
همس بغضب طفولي . أنا بحب ده وكمان عشان احس انى عروسه كدا وليا وضعي
مازن بتريقه . عروسه وليا وضعي قال ....يابنتي ده انتي عشان تعدى هتاخدى الكنبه كلها ده لو كفتك
أنا بقا هعد فين
همس بغضب. طب والله يا مازن أن ما قومت ساعدتني لسيبك انت والفرح وامشي انت عارف انا مجنونه واعملها
مازن بجديه مزيفه . دى انا عرفها انتي فعلا مجنونه
اقتربت ميرا وهي تقول . في اى
همس . البيه مش راضي يساعدني عشان أعد
ميرا بمرح . معلش ياحبيبتي اصل هو خلاص عجز تلقيه تعب مهو برضو مشي مسافه كبيره من باب القاعه للكوشه
همس بضحك . اه والله عندك حق
مازن بغضب . لا والله عجبتك اوى
همس بضحك. جداااا
كنان اقترب و هو يأخذ همس في حضنه . الف مبروك ياحبيبتي اخيرا شوفتك عروسه
مازن بزعل مصتنع . طب وانا ولا انت بتحبها اكتر مني
اقترب كنان منه وهو يحتضنه جامد ويقول بابتسامه . انتو الاتنين غلاوه وحده من ساعه ما شوفتك وانا حاسس انك اخويا زاى يوسف بالظبط
يوسف وهو يقترب بمرح . بتبصو عليا لي لدرجه دى انا حلو
مازن بتريقه . قمر 14يا چو
يوسف بفرح . يعني هطلع من الفرح ده بى مزه
قالها و كانو الاتنين واقفين حوليه وهو في النص
يوسف بخوف . بهزر ياجماعه والله
ميرا بغضب . اه منا عارفه انك بتهزر امال انت عايز بنات بجد ولا اي
يوسف بفزع . لا طبعا ده حتي حرام لما ابص علي حد غير مراتي حبيبتي
فرح بتحزير . يوسف
يوسف بمشاكسه . قلبي من جوا
ميرا بغضب. اشمعنا هي بتقولها كدا وانا لا
فرح ببرود . خليكي في حالك احسن ليكي
ميرا وهي تقترب منها . لي هتعملي اي قولي عشان أنا بخاف
مازن . الحمدالله كدا أنا فرحى باظ
كنان بتوتر . يوسف يا ريت تلم الاتنين دول
يوسف بتنهد مضحك . والله ياجماعه دول اخواتكم
يعني ميرا اخت مازن و فرح اخت كنان وانا كسبت فيكم ثواب و اتجوزتهم دى جزاتى
فرح و ميرا بصوت واحد . كسبت ثواب
كنان وهو يقرب منهم . خلاص يا جماعه صلو علي النبي يعني مش كلمه قالها زلة لسان يعني محصلش حاجه
يوسف وهو يستخبا في ضهر كنان . قلهم مش عارف لحد امتي هيظلمونى كدا
ميرا بشر . كنان وسع بدل ما اخدك في طريقي
كنان وهو يبعد عن يوسف . لا وانا مالي عندكم اهو اعملو الي نفسكم فيه سلام عليكم
نزل وسابهم ليقابل ولدته و راقيه
نورا . في اي ملهم واقفين كدا
كنان بيأس. ولا حاجه كالعاده خناقات يوسف
لتضحك راقيه. ربنا يعينو علي الاتنين
كنان . هي سنه و هيروح العباسيه .....امال فين ملك
راقيه . قاعده هناك بلعيال
كنان . تمام هروح ليها
اتجه نحوها ليقول بضحك . شكلك تحفه وانتي قاعده بلعيال الله يرحم بابي و مامي و الدلع الي كونتي فيه
ملك بتريقه . وانا من ساعه ما شوفتك شوفت دلع
كنان . كدا برضو تنكرى الجميل يعني أنا مش وديتك يوم كامل العين السخنه
ملك بتريقه. ومن حظى النحس اول ما شوفت البحر ولدت
كنان بدفاع مضحك . وده ذنبي انا هو أنا الي خليتك تولدى
ملك وهى تقترب منه وتقول بحنو . انت احسن راجل شوفته في حياتى ربنا يخليك ليا
كنان بحب وهو يقبل رأسها . ويخليكي ليا طول العمر
سمعو صوت بكاء لتقول ملك . سيف صحي اهو
كنان ضحك وهو يحمله .طالع زنان زاى أبوه
ملك بسخرية . لا ابوه مش زنان ابوه دمه تقيل بس
يوسف وهو يأتي من خلفها . سمعتك ...سمعتك يا ام لسان و نص
ملك بفزع . نفسي اعرف بتظهر مره وحده كدا ازاى
يوسف بمرح . طبعا امال اسيبك تتكلمي عليا
ملك .نفسي اعرف الاتنين حبو فيك اي
يوسف بمشاكسه. روحي الحلوه طبعا
سكت و كمل وهو ينظر علي باب القاعه . بصو مين جه
كانت مى تدخل القاعه وهي تمسك ايد عمر
اقتربت منهم نورا وهي تحتضن مى وتسلم علي عمر
نورا . اي الي اخركم كدا
مازن . ملحقناش الطياره و خدنا الي بعدها يدوب غيرنا في البيت وجينا
نورا . حمدالله علي سلامتكم ..تعالو سلمو علي مازن و همس