كنان (للكاتبه ساره ابراهيم)

البارت الثاني عشر

فتحت نورا باب الاوضه وشهقت بفزع لما شافت يوسف نايم علي السرير وفي حضنه بنت اول مره تشوفها الاتنين مش لابسين حاجه ظنت انها وحده من الي بيعرفهم يوسف
لتقول بغضب.نهارك اسود وانا الي كونت قلقانه عليك وانت في الاخر تطلع بتتصرمح مع البنات
يوسف وهو يبتعد عن ميرا ويرفع الغطاء عليه
يوسف .افهمي بس يامه
نورا .افهم اي وزفت أي يا خسارت تربيتي فيكم
دخلت فرح وملك علي صوت نورا
فرح بصت علي الاوضه وأمها بتكلم مين بس كانت صدمتها كفيله بأنها تربط لسانها عن الكلام
يوسف وهو يدافع عن نفسو .امي أنا معملتش حاجه غلط
نورا بعصبيه .امال ده مش غلط ده انا فكرتك هتبقا كويس وتبطل القرف ده
بصت لكنان الي واقف علي وشه ابتسمت فرحه عشان شاف يوسف لتكمل . وتلاقي البيه كمان بيعمل كدا ده أن مكنش كان عارف مكانك وبيداري عليا
نورا وهي توجه كلامها لميرا .وانتي يابنتي عادى كدا تسلمي جسمك لراجل غريب
ميرا وهي بصه علي فرح وعرفت انها هي من منظر الصدمه الي فيها لتقول وهي تقترب من يوسف تاني وكأنها بتثبت انو خلاص بقا ملكها هي وبس .ده مش راجل غريب ياطنط ده يبقا جوزى وانا مراتو
صدم الجميع من كلام ميرا
نورا .اي ..يعني اي ....رد يايوسف يعني اي الكلام ده
يوسف بتوتر .ميرا تبقا مراتي يامه
نورا وهي تبكي .اتجوزت من غير علمي يايوسف لدرجه دى انا مش فرقه معاك
يوسف بنفي .لا والله مش كدا بس هو الجوازه جت بسرعه
نورا بسخرية .لي مكونتش عارف تأجل لما اعرف وبعدين جوازه اي الي بسرعه وعرفتها فين ده انت ما كملتش يومين
يوسف .ممكن طيب نعد ونتكلم
نورا بعصبيه .قوم كلمني
يوسف بأحراج بص علي نفسو وعلي ميرا
فهمت نورا قصده لتقول بسخرية .استر نفسك انت وهي واطلعلي برا
هز رأسه بنعم وهي قفلت الباب
بصت فرح لنورا بدموع .هو ده صح يوسف اتجوز يعني هي مراتو ماما يوسف اتجوز وحده غيري .....انتي ساكته لي
لتقول نورا بضيق.من عمايلك
قعدت نورا بضيق وفرح منهاره من العياط وملك بصه لكنان بضيق من كلام نورا معني كدا انو بتاع  ستات اما كنان حس أن روحه رجعت لي لما شاف يوسف
اخيرا خرج مع ميرا وقعدو قدام نورا
نورا بهدوء .احكي الي حصل
يوسف تنهد وقص عليها كل حاجه حصلت معاه في الكام يوم دول خلص كلام وبص لنورا
لتقول هي .ولي تتجوز من غير علمي كونت جيت وقولت عايز اتجوز وانا كونت اروح معاك وتتجوزها لي من ورايا
يوسف تلقائيا بص لفرح لتقول فرح ببكاء .عشان ممكن ترفضي مهو سبق وكان عايز بنتك
يوسف .لا بس ساعتها كونتي هتختاري هترضي مين فينا وانا ماحبتش احطك في الموقف ده
نورا بدموع .خلاص بس هتعمل الي هقولك عليه
يوسف بحيره .الي هو اي
نورا .هتعمل فرح والناس تعرف انك اتجوزت
يوسف برفض.منا جبتلها فستان أما موضوع الناس فأنا مايفرقش معايا حد
نورا .بس انا فارق معايا عايزه افرح بيك ولا ده كمان خساره فيا
ابتسم يوسف .حاضر هعمل كدا
نورا برضا .وكمان مراتك هتبقا معايا مش معاك
يوسف بزهول .لي مهي مراتي
نورا برفض.مراتك ده يوم الفرح دلوقت خطيبتك والي حصل من شويه ده تنسا لحد معاد الفرح
يوسف بضيق .والي هو امتا
نورا بابتسامه .الاسبوع الجاي يلا يا ميرا قومي معايا
يوسف برفض .لا ميرا هتفضل هنا وانا هروح مكان تاني
نورا فهمت انو مش عايز ميرا تبقا مع فرح في مكان لتقول .كلامي مش هايتقرر يلا
فرح لسه وقفه بصه علي يوسف وقلبها بيتقطع لما تفتكر كلامو عن ميرا وعرفها ازاى فاقت علي صوت ملك وهي تقول .يلا يافرح
شدتها ملك وخرجت بيها وكأنها جسد من غير روح
ملك وهي خارجه بابتسامه . حمدالله على السلامه يا يوسف
بدالها الابتسامه .الله يسلمك
خرجو و المكان فضي علي يوسف و كنان
يوسف كل المده دى عينيه ماجتش علي كنان من كتر مهو زعلان منو عكس كنان الي باصص عليه طول الوقت
اخيرا رفع يوسف عينه علي كنان وبتلقايه الدموع تكونت في عينيه اقترب منو كنان ببطئ واول ما بقا قريب منو لكمه بشده وبعدها علي طول خدو في حضنو كنان . بقيت تعرف تعيش من غيري هان عليك كنان
يوسف بدموع .زاى ما قدرت انت تشك فيا
شد كنان علي حضنه ليوسف وهو يقول .كانت لحظه شيطان محنا طول عمرنا بنتخانق
يوسف .بس مش بنشك في بعض ياكنان
كنان بوجع .حقك عليا بس انا كونت متعصب ومش عارف بقول اي
يوسف وهو يمزح من بين دموعو .خلاص ياكنان بقا سيبني عشان انت مز وانا لو فضلت دقيقه تانيه علي الوضع ده ماتلومش الا نفسك
ابتعد كنان بزهول ليكمل يوسف .وبعدين متنساش اني دلوقت متجوز و ما ينفعش أخون ميراتي
كنان وهو يصقف بيأس .طول عمرك تافه ومش هاتعقل
يوسف بضحك .واعقل لي منا كدا حلو
ثم أكمل بجديه .المهم عملت اي في موضوع فرح
كنان حكه كل حاجه ليوسف
يوسف بغضب .يطلع من الحبس وربك يسهلها
راقيه دخلت عليهم احتضنت يوسف وقعدت معاهم هي ومي الي الخناق بتاعها هي ويوسف رجع تاني